蜥蜴人特徵解析｜《邊度都有陰謀》英女王／國際名人都係外星人？！戴妃車禍藏大陰謀？

By Stephanie on 09 Dec 2021

Digital Content Writer

坊間一直都有唔少關於外星人嘅傳聞，其中「蜥蜴人」嘅存在更成為唔少人議論紛紛嘅話題。有陰謀論學者認為，蜥蜴人好有可能就喺大家身邊，當中唔少名人亦因此成為被懷疑嘅對象。最近，TVB 節目《邊度都有陰謀》就深入解構一連串相關傳聞，等我哋一齊睇下。

Photo from 《邊度都有陰謀》

唔知大家又相唔相信呢個世界上有外星人呢？！陰謀論學者們將外星人們分為5大類別：大鼻子、小灰人、龍族、飛蛾人以及蜥蜴人。其中蜥蜴人嘅外型就同人類非常相似，所以一直都流傳蜥蜴人可能就出現喺大家身邊嘅傳聞！

Photo from 《邊度都有陰謀》

# 蜥蜴人有5大特徵！

有陰謀論學者表示，「蜥蜴人」喺幾千年前由天龍星來到地球，埃及、古羅馬嘅部分壁畫亦被指出現過相似形象。到 60 至 70 年代，更有人聲稱曾喺街頭見過佢哋以「原型」出現。傳聞指，佢哋嘅目的係統治地球同控制人類，因此被懷疑已經滲透皇室、國家元首等掌權人物之中。雖然外表同人類相似，但支持者認為佢哋有以下 5 個可辨認特徵。

Photo from 《邊度都有陰謀》

1. 瞳孔可以變成欖尖型

第一個特徵係瞳孔由圓形變成欖尖型，並可能出現所謂的 face shifting 或 eyes shifting。曾有片段指前美國總統老布殊喺國民演說中，被拍到瞳孔短暫出現變化。

Photo from 《邊度都有陰謀》

2. 下顎出現鱗片

第二個特徵係下顎出現類似鱗片嘅紋理。前美國副總統阿爾・戈爾喺訪問期間，被指下顎疑似出現鱗狀紋理；而國際巨星安祖蓮娜亦曾被拍到下顎位置有奇怪紋理嘅照片。

Photo from 《邊度都有陰謀》

3. 舌頭開叉

第三個特徵係舌頭呈開叉狀，外觀近似蛇類。英女王曾被拍到嘴巴位置出現細小空隙，口型被指與蛇相似；同時亦有影像顯示其左眼突然充血，引起討論。

Photo from 《邊度都有陰謀》

4. 腮位漲大

第四個特徵係飲水前腮位會短暫漲大，再進行吞嚥，與一般人類飲水方式不同。曾有片段指美國政治人物希拉莉喺演說途中飲水前，腮位出現離奇膨脹。

Photo from 《邊度都有陰謀》

5. 眼睛上下方突然出現腫塊

最後一個特徵係眼睛上下方會短暫出現腫塊，被指可能用作保護眼睛，而且只係一瞬間。Tesla 總裁 Elon Musk 曾被指喺公開活動中，左眼位置突然腫起。

Photo from 《邊度都有陰謀》

# 蜥蜴人控制宗教儀式？！

有傳喺梵蒂岡嘅宗教活動中，背景出現過類似蜥蜴人形象嘅雕像；亦有人指教堂建築設計帶有蜥蜴外貌元素，例如天花板嘅密集紋理被形容似鱗片，而圓形結構則被解讀為眼睛。

Photo from 《邊度都有陰謀》

# 戴安娜王妃嘅車禍隱藏大陰謀？！

按傳聞推論，若英女王被懷疑為蜥蜴人，其後代亦被指可能擁有相關血統。有說法指戴安娜王妃曾向私人助理提及「They are not human（他們不是人類）」，而相關內容亦被指在助理其後出版嘅書籍中提及。陰謀論者認為，戴安娜嘅言行或觸怒王室，導致離婚及其後發生嘅車禍，被解讀為與蜥蜴人傳聞相關。不過，以上說法同樣屬於坊間傳聞，並無確鑿證據。

Photo from 《邊度都有陰謀》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【邊度都有陰謀】荷李活電影含大量光明會資訊？迪士尼經典卡通隱藏重要訊息

3 Dec , 2021

一直以來都有唔少關於陰謀論嘅傳聞，唔知大家又聽過幾多呢？最近，TVB《邊度都有陰謀》繼上次同大家探討國際巨星以及神秘組織「光明會」嘅關聯後，就揭露原來連電影同書本都藏有唔少光明會嘅訊息，而且仲列舉咗幾個迪士尼卡通裡面嘅隱藏資訊！

Photo from pinterest

# 探討電影/書本同光明會嘅關係！

喺陰謀論嘅世界裡面，神秘組織光明會經常都會透過唔同嘅媒介去灌輸佢哋嘅觀念俾大眾，其中音樂、電影等就係非常重要嘅方法。上一次，《邊度都有陰謀》就同大家研究光明會同音樂嘅關係。今次，節目就同大家探討電影以及書本同光明會嘅關聯，而作家George Orwell 就曾經有一句名言「Big Brother is watching you.」，似乎係想暗示俾世人聽幕後嘅種種陰謀！