55歲新同事返工5分鐘就辭職：份工唔啱我！公司請人求其vs份工太辛苦
公司聘請新同事
同事離職喺職場上十分普遍，有時會慶幸一啲合作唔愉快嘅同事離開，令工作更順利；亦有時會擔心新同事無舊同事咁好相處，而新入職嘅員工亦可能會因為去到一個新環境而感到緊張。
最近喺香港討論區就有網友發文指公司一位同事即將離任，為填補返個空缺，公司聘請咗一位新員工，並希望即將離任嘅同事可以教返新同事日常工作。
55歲新同事返工學習5分鐘決定離開公司
新同事入職當日樓主嘅上司就為部門各位同事作介紹，樓主指新同事年齡約為55歲以上，應該擁有豐富嘅工作經驗，並非職場新人。
之後將離職嘅同事就與新同事作工作交接，等佢了解實際工作嘅流程，點知令人意外嘅事發生，新同事聽咗大約5分鐘，就表示份工唔太適合佢，之後離開公司。
返工僅20分鐘就辭職
一班同事都十分錯愕，樓主指新同事由踏入公司門口計起、到上司介紹新同事、之後舊同事教新人工作，全程只係20分鐘左右，返工短短時間就辭職，樓主表示：「認真經典」
樓主又稱呢位新同事打破佢喺舊公司時請完新人，唔夠一個鐘（約40分鐘）就唔做嘅記錄，真係一山還有一山高！
網民有唔同意見：份工好辛苦/公司請人太隨便
由於樓主未有透露有關職位，有網友就估計嗰位新同事年屆55歲，唔做得啲太辛苦嘅工作於是先辭職。有網友就指佢都見過有人返一個鐘就走咗，認為都係好事因為唔使浪費時間教佢，對方亦唔使花時間學佢唔想做嘅嘢。
更有網民表示樓主嘅經歷只係小事，佢公司曾經有人返咗3日工，個個都以為係新同事，點知後來先知公司無請過人，「新同事」只係「白撞」。
亦有網友指出樓主公司請人好有問題：「你地公司請人都好求其喎」，不過可能面試嗰陣無咁多時間全面了解求職者嘅為人先會發生呢件事。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
網友笑同事第一日返工就帶飯！指對方唔識social：第一日出嚟社會做嘢咩
16 Jun 2021
返新工好多時都會令人感到緊張，因為公司嘅人事關係、工作量等都會好大程度上影響到能否順利融入職場。而日前有網友喺討論區就指新同事返工第一日就帶飯，指佢唔識同同事交際，引起網友熱議。
Photo from TVB
喺連登討論區有網友以「新同事第一日返工就帶飯」為題開post，樓主表示佢叫第一日返工嘅新同事出去lunch嘅時候遭到拒絕，對方表示帶咗飯。
Photo from TVB
樓主大為不解：「正常新入職就預左同其他同事出去食飯 交流下la」，佢更指對方「勁無禮貌」：「第一日出黎社會做野？」
Photo from TVB
Photo from TVB
雖然個post「假膠味濃」，但都有唔少網友認真留言分享睇法，有網友指第一日返工同同事食飯係應有嘅交際，不過有人唔認同：「出黎打份工奉旨應酬你? 你當你係咩呀?」
Photo from lihkg
Photo from 孤獨的美食家
有網民就表示第一日返工最好就唔好帶飯：「用lunch 摸下大家/公司既底」，亦有網友分享佢第一日返工以為成班同事會一齊出去食，所以無帶飯：「點知teamHead話宜家限聚，自己食自己」
Photo from lihkg
Photo from lihkg
Photo from TVB
第一日返工除咗食飯之外，工作上嘅事亦係其中一個重點，如果頭一日就要加班，相信會令人深感工作壓力超大。但有網友分享第一日返工嘅新同事竟然主動開OT，令佢非常驚訝。
Photo from 我要準時下班
連登另一個post「同事第一日返工話有嘢忙，要ot」中樓主指有同事第一日返工，佢循例帶佢行下公司，比啲資料佢睇。樓主表示當日唔算太忙，所以一夠鐘放工佢就執嘢準備走。
Photo from 我要準時下班
Photo from 我要準時下班
但新同事竟然仲坐喺位工作，樓主忍唔住問：「收工啦喎，仲唔走？」，新同事表示：「你走先啦，我有嘢忙緊。」，樓主指新同事當時只係睇緊資料，唔明佢忙啲乜。
Photo from TVB
眼見新同事返工第一日就勁認真咁OT睇資料，令樓主感嘆：「琴日老細仲要岀咗去，唔知佢咁搏做乜。香港人真係好慘」
Photo from TVB
網友表示呢位新同事「做爛市」，指佢「老細唔喺度都做戲」，不過亦有網民猜測新同事只係唔想同樓主同行放工就假扮OT，以免尷尬。
Photo from lihkg
Photo from lihkg
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
