王力宏出軌證據來源疑似曝光?!頻頻轉新手機李靚蕾用二手機揭發秘密？

Digital Content Writer

王力宏早前就宣佈同李靚蕾結束8年婚姻，後來李靚蕾（蕾神）就開始毀滅式大爆王力宏混亂嘅私生活以及真面目，令唔少網民大吃一驚！事件發生多日，有眼利嘅網民就疑似搵出王力宏被前妻發現「出軌」嘅主因，原來係手機累事？！

Photo from 王力宏微博

# 王力宏好形象一夜盡毀！

王力宏同李靚蕾喺2013年結婚，婚後育有3個子女，直到上星期王力宏宣佈離婚消息，正式結束佢哋8年嘅婚姻。然而，李靚蕾就喺FB多次爆料，指王力宏私生活混亂，令佢嘅大好形象一夜盡毀！

Photo from 王力宏微博

由於李靚蕾爆料嘅內容非常勁爆，部份女明星都成為網民心目中嘅「嫌疑對象」，引起一番熱議！不過唔少網民亦因此而對於李靚蕾如何得知王力宏「出軌」而感到好奇，原來就係因為手機問題，而呢啲有力嘅證據好有可能係王力宏自動上繳俾李靚蕾？！

Photo from 王力宏微博

網民就係因為見到李靚蕾使用iPhone12 Pro Max po爆料文；而王力宏就用iPhone 13 Pro Max 回應傳聞，而開始作出大膽嘅推測！呢位神通廣大嘅網民仲整合出詳細嘅時間線，深入研究兩人過往喺微博發文時所使用嘅手機型號。

Photo from 游魚論 @微博

由2018年開始，兩人嘅手機型號就一直都唔同：王力宏2018年到而家就差唔多每一代嘅iPhone都已經擁有過；李靚蕾就由iPhone XS Max到而家嘅iPhone 12 Max。網民就推測自2019年開始王力宏一換新手機，就會將舊手機俾李靚蕾使用！

Photo from 游魚論 @微博

睇返過往佢哋微博嘅時間線亦的確同網民嘅推測吻合，只要王力宏換咗新手機，過幾日李靚蕾嘅手機型號就會變成男方舊手機型號！部份網民指王力宏手機內應該存有大量秘密，而佢可能喺轉換手機資料嘅時候太大意，導致被李靚蕾掌握到所有證據！

Photo from 王力宏微博

Photo from 李靚蕾微博

有網民睇完之後都非常認同呢個講法，認為呢個推測的確非常有可能發生！而網民就講笑咁話「這就是對老婆不好的下場」、「原來還這麼小器！給老婆用舊的自己用新的」等留言，覺得王力宏應該冇諗過追求新手機，卻最終變成自行將證據俾晒老婆！

Photo from 游魚論 @微博

Photo from 王力宏微博

有內地網民就話覺得「將舊手機俾老公用」先係常見嘅現象，認為王力宏的確對李靚蕾唔好，不過就有部份網民唔認同佢嘅睇法，因而掀起熱議！

Photo from 游魚論 @微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel