婦人與大樹結婚冠「夫姓」！原因超正面 更獲男友全力支持！

人類可以跨物種結婚？英國一名37歲，育有1名兒子嘅婦人（Kate Cunningham）於2019年因為想保護郊野公園而與一棵接骨木樹（Elder Tree）結婚，更冠上「夫姓」Elder，近日佢受訪公開3年嚟如何與大樹維繫婚姻，更透露佢真人男友毫不介意自己「出軌」！

Photo from Twitter

英國婦人嫁大樹

據外媒報道，英國37歲婦人Kate Cunningham 從事環保業。2019年，佢為咗抗議政府在一個郊野公園興建公路，而毅然跟公園內一棵接骨木樹（Elder tree）結婚，唔只搞埋婚禮，更為自己冠上「夫姓」Elder。

Photo from Twitter

原來為保育？！

Kate解釋，佢係受到墨西哥婦女所啟發，幾年前一名墨西哥婦女因反對政府非法砍伐和發展土地，而裕樹木結婚。所以Kate希望透過和樹木結婚保護自然公園，免被建成公路。

Photo from Twitter

婦人：「丈夫樹」內外都好吸引！

近日Kate再次受訪，表示今年係佢同大樹丈夫共度嘅第3個聖誕節，亦透露婚後3年嚟都會每周探望大樹5次。而且，Kate表示大樹丈夫令佢感到更完整，佢對大樹嘅愛不斷增加，已視之為家庭一部分。佢更指，大樹嘅淺色樹皮顏色、尺寸、和生命力都深深吸引到佢。由於公園裡其他樹都較深色，所以「丈夫」在當中顯得特別亮眼。

Photo from Twitter

Photo from Twitter

Kate在疫情封城期間更頻密探望「丈夫」，聖誕時又會以花圈等飾物為佢進行裝飾。今年聖誕都一樣，Kate已計劃在在聖誕節翌日探望「丈夫」，唔好畀佢孤單過節。佢亦會在聖誕卡上以「Elder先生和Elder夫人」署名。

Photo from Twitter

家人朋友理解和支持

至於Kate朋友家人又點睇？原來佢哋都完全支持佢同大樹嘅婚姻，並同意Kate一向與大自然有緊密關係。Kate認為樹木猶如人類，都有自身能量，可以同周邊事物建起聯繫。

Photo from Twitter

非一夫一妻制，人類男友不介意「出軌」

其實Kate本身有一名人類男友，佢稱男友非常支持其結婚決定，亦完全唔介意女友與大樹親吻和擁抱，仲會同佢一齊探望「丈夫樹」。

Photo from Twitter

Kate好深情，會佩戴與大樹結婚嘅婚戒，戒指係數年前爺爺送嘅生日禮物。佢表示希望藉住自己與大俗嘅婚姻，繼續提升大眾對郊野公園嘅關注。

Photo from Twitter

相關文章：留美內地夫婦離婚再假結婚為賺錢? 丈夫戲假情真！元配竟被逐出家門

相關文章：全球最大樹木「美洲杉國家公園」！超靚巨木森林 世界自然奇觀

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）