壽司郎食客籌號超過30分鐘，超惡要求店員補飛！店員高EQ處理獲網友激讚
食肆好多時會列明籌號超過5個將不設「補飛」要重新輪候，但未必個個食客都會遵守。近日有網友影到黃埔壽司郎有食客疑逾時30分鐘先出現，竟要求店員安排佢補飛入座，掀網民熱議。店員超高EQ嘅回應亦獲一致大讚！
「香港突發事故報料區」網友公開食客大鬧黃埔壽司郎片段
香港好多食肆都大受歡迎，午餐、晚餐都會出現滿座情況，所以要先行攞飛輪候入座用餐。「過江龍」壽司郎登陸香港後開咗唔少分店，但間間都大排長龍，即使如此每日都仲有大量食客願意等候。
近日喺Facebook群組「香港突發事故報料區」有網友公開一段拍攝於壽司郎門口嘅影片，全片時長為7分45秒。網友稱片段係2022年1月9日下午4點半於黃埔壽司郎拍攝。
一男一女輪候籌號已逾時超過30分鐘，女子要求店員「補飛」安排入座
片中一男一女正喺壽司郎門口等候入座，女士表現十分不耐煩：「要等幾耐呀？快啲啦！」，終於有店員前來處理，女士指佢籌號已過，但要求店員為佢「補飛」安排入座。
店員則表示相關嘅籌號已經過咗超過30分鐘，按照公司規定將不獲「補飛」，建議佢哋重新攞飛輪候，女士聞言大為不滿，佢指自己係喺預約籌號：「咁樣係咪有啲唔公道？就算要候補係咪要先過walkin嗰啲呢？」佢又指壽司郎咁樣嘅處理方法並唔係第一次：「上次你哋荔枝角（分店）都試過係咁！」
店員建議畀卡片佢向客戶服務反映情況，女子大怒質疑未過30分鐘
店員一直禮貌回應：「明白明白！」，但重申呢度幫唔到佢入座，稱可以畀張卡片佢向客服方面求助。女士聲量越嚟越高：「你唔好話幫唔到！咁我唔舒服有咩辦法姐？！畀張卡片我無用㗎！依家你哋係要即刻解決問題！」
女士又指佢有用手機App睇叫號情況，質疑根本未過30分鐘：「你哋單方面話過咗30分鐘，我哋都可以話唔係㗎，唔係你哋講就係㗎嘛！」，又要求店員提供證據證明叫號過咗30分鐘。店員亦解釋電腦未能顯示叫號時間等資料，但仍帶女子睇電腦資料，由於候補籌號已叫到375號，推算女士所持嘅358號過時已逾30分鐘。
女士大聲指：「依家點先？快啲解決個問題佢！我哋係咪會快過walkin先，我哋一早攞咗飛！我哋只不過係過咗鐘咋嘛！」，店員亦再強調已過30分鐘，只可以提供卡片，女士大怒：「你咩數據都畀唔到我又叫我排walkin隊！」
女子暗示會投訴店員，網友指無理取鬧，反讚店員態度好
女士：「依家唔係食一餐飯嘅問題，呢個係唔公道嘅問題，呢個係原則問題呀嘛！」、「嘥時間啦！講埋啲廢話！你叫咩名！」之後女士就大聲讀出店員名字似暗示會投訴該名店員。
影片最後女士走出商場範圍並繼續大罵：「完全唔合理！唔係食唔食嘅問題，你數據又畀唔到我！」，片中更錄到疑似拍片人嘅聲音：「好嘢好嘢！走咗走咗！」
唔少網友直指女子無理取鬧，仲要出口傷人十分無品：「影衰晒香港人！」，而片中女店員面對咄咄逼人嘅顧客仍耐心點頭，又冷靜回應，獲讚好有禮貌：「EQ好勁！」
圖片來源：壽司郎、Facebook群組「香港突發事故報料區」、LIHKG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
食客斥牛角係「黑心燒肉」前因後果懶人包！長文數牛角3大問題！老闆黃傑龍揭真相大反轉
20 Sep 2021
Photo from 牛角
食客直斥牛角係「黑心燒肉」
有食客喺Facebook群組「香港自助餐及放題集中討論區 hk buffet group」發文，指佢喺牛角buffet位於雅蘭中心嘅分店用餐，唔止由5點幾等到9點幾先有位，更表示自己花$900食LV5卻換來$300 LV2嘅質素，令佢大怒更附上9張相，力數當日遇到嘅3大問題。
Photo from 黃傑龍 Facebook
1. 和牛貨不對辦，根本唔係A5和牛質素
食客稱佢第一round叫嘅和牛食落好韌，根本唔係佢揀嗰個餐嘅A5和牛應有嘅質素，佢懷疑係澳洲牛而唔係日本和牛。
Photo from 香港自助餐及放題集中討論區 hk buffet group
Photo from 香港自助餐及放題集中討論區 hk buffet group
2. 雪糕溶得超快，搵職員跟進3次先有回應
食客表示佢碗雪糕唧出嚟3分鐘都無就溶晒，佢問餐廳職員，但對方只叫佢唧多次，但食客老公就制止佢，指食緊放題係計時，唔應該浪費時間去test部雪糕機，前後搵咗3次職員，最後個職員話雪糕機個製冷熄咗，食客斥：「雪糕溶到咁食落肚真係可大可小！」
Photo from 香港自助餐及放題集中討論區 hk buffet group
Photo from 黃傑龍 Facebook
3. 向經理反映問題後獲兩碟靚牛補償
食客同朋友交流後得知朋友都有相似遭遇，佢埋單時向餐廳經理反映牛似質素問題，之後即刻畀兩碟靚牛佢哋，令食客更嬲：「好似我哋呢啲第一次嚟食嘅客唔知頭唔知路咪俾你地公司撈好多水？」，又斥當晚已差唔多12點，佢又已經埋咗單，最後先畀兩碟牛，明顯不滿呢個補償。
Photo from 香港自助餐及放題集中討論區 hk buffet group
Photo from 香港自助餐及放題集中討論區 hk buffet group
食客自爆獲員工私下退款
食客之後自爆佢拒絕接受嗰兩碟牛，更直言要求退返一半錢畀佢（$878），經理打電話問完分區經理後決定自己私下畀住先，同請求佢唔好告訴老闆。
Photo from 香港自助餐及放題集中討論區 hk buffet group
Photo from 香港自助餐及放題集中討論區 hk buffet group
Photo from 香港自助餐及放題集中討論區 hk buffet group
之後牛角老闆黃傑龍亦喺Facebook回應事件，佢坦言因為牛肉唔係工業製品，無可能每一碟都一模一樣，並對食客嘅不滿逐一回應。
Photo from 黃傑龍 Facebook
Photo from 黃傑龍 Facebook
1. 「貨不對辦和牛」其實係頭盤
老闆指Level5頭盤有專用碟，頭盤係畀客人體驗佢叫嗰一個Level可以點選嘅唔同肉類，老闆表示食客影嘅相一開始都十分正常，之後嗰張睇落十分令人無食慾嘅相其實係放喺枱面超過2個鐘嘅頭盤，而且仲將唔會放喺頭盤嘅「A5和牛」紙牌放喺旁邊，與新鮮拎出嚟嘅和牛做對比。
Photo from 黃傑龍 Facebook
Photo from 黃傑龍 Facebook
Photo from 黃傑龍 Facebook
Photo from 黃傑龍 Facebook
2. 軟雪糕溶得快係因為佢擺喺火爐旁邊
根據閉路電視，客人喺燒肉同時去攞雪糕，拎到返張枱之後又唔食擺喺個火爐邊幾分鐘，熔晒都好正常，老闆表示同事問頭先攞嘅時候係唔係咁，食客都話唔係「否則都唔會加朱古力豆上去個面」，之後職員仲特登去攞返兩杯畀呢位食客，食客都有食到。
Photo from 香港自助餐及放題集中討論區 hk buffet group
Photo from 黃傑龍 Facebook
3. 凌晨時份壓力下職員退返近一半現金
老闆指食客喺用餐130分鐘後特登保留兩個幾鐘唔食嘅牛肉，埋單先指牛肉質素唔好，令經理喺凌晨時分心理壓力下決定畀返$878現金嗰位食客，而老闆都表示公司係絕對唔會要經理畀嗰筆錢，會由公司出返。
Photo from 黃傑龍 Facebook
Photo from 黃傑龍 Facebook
老闆表示客人喺文章中聲稱自己是係第一次幫襯牛角，但係居然有會員卡：「根本都係前言不對後語（佢好似解釋係問朋友借卡） 」
Photo from 黃傑龍 Facebook
對於老闆嘅回應，食客再發澄清文！
嗰位食客就再度發文澄清，佢承認自己借朋友會員銀卡：「呢樣野我真係唔啱，我承認係R着數」，至於點解會埋單先反映牛肉有問題，係因為佢後尾坐多兩個字收到朋友send張圖，喺對比之下先發現啲牛肉有問題，之前全程一直以為自己食緊A5牛。
Photo from 香港自助餐及放題集中討論區 hk buffet group
Photo from 香港自助餐及放題集中討論區 hk buffet group
對於點解一張唔屬於嗰啲牛嘅A5牌會喺啲牛到，食客表示：「呢一個我承認我都解釋唔到，但我真係無多手將塊牌拎去碟牛度走去屈你」，佢又指唔知嗰碟係頭盤，懷疑係執枱嗰陣時唔小心痴咗張A5牌跌咗落去。佢澄清無刻意將啲牛擺到最尾，埋完單後佢主動叫執枱員清晒枱面上面嘅嘢：「咁我唔知咩原因下佢冇執到呢碟牛走」
Photo from 香港自助餐及放題集中討論區 hk buffet group
Photo from 香港自助餐及放題集中討論區 hk buffet group
Photo from 香港自助餐及放題集中討論區 hk buffet group
食客又指自己一拎完杯雪糕，未返到自己張枱就已經溶，佢指：「其實係我前面唧雪糕嗰啲女士見到杯雪糕溶到咁，都喺度諗緊食唔食得，只不過佢哋冇出聲亦都冇人擺上黎公審咁就變咗好似得我自己一個人講。」
Photo from 香港自助餐及放題集中討論區 hk buffet group
Photo from 香港自助餐及放題集中討論區 hk buffet group
至於埋單方面，佢就指自己無難為個經理：「佢自己都覺得今次件事有啲過分」，又指從未應承唔向老闆反映呢件事。
Photo from 黃傑龍 Facebook
Photo from 香港自助餐及放題集中討論區 hk buffet group
老闆黃傑龍直言會取消會籍
黃傑龍睇到食客新post，表示：「我冇嘢想再補充了」，但指唔會公開CCTV，因為佢好重視客人私隱。
Photo from 黃傑龍 Facebook
Photo from 黃傑龍 Facebook
另外會員使用條例寫明係禁止租借或者轉讓，但因為呢張會員銀卡唔係必須實名制使用嘅金卡：「坦白講食餐飯啫，如果真係佢朋友借俾佢，我都唔想特別處理」，不過竟有網友踢爆所謂嘅朋友原來係喺carousell上面認識：「直接d講就係租返嚟」，所以會取消呢張卡。
Photo from 香港自助餐及放題集中討論區 hk buffet group
自黃傑龍發文後，留言風向大反轉，唔少網友都指客人好麻煩，又話嗰位食客收咗錢仲公開明顯唔啱。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
