【單身即地獄】宋智雅爭議後首度現身道歉！整合網民翻出4大黑歷史！復出無了期？

Netflix《單身即地獄》人氣超高參賽者宋智雅最近被爆出用名牌A貨，導致形象一落千丈！隨後，佢亦相繼被爆出唔少黑歷史，包括：豪宅係由經紀公司所購買、送A貨俾主持人等，令網民議論紛紛。最近，宋智雅身穿全黑服裝拍片向網民們公開道歉，並將照片以及影片全部清空。

Photo from 宋智雅IG

# 宋智雅承認使用名牌A貨，導致形象插水！

現年24歲嘅宋智雅本身就已經係有知名度嘅美妝網紅以及YouTuber，隨後因為出演Netflix節目《單身即地獄》而大受歡迎，而佢身穿嘅名牌以及服裝都頓時成為焦點！然而，有韓國網民就大爆佢身上嘅名牌都係A貨，而佢隨後亦喺IG公開承認傳聞，導致形象插水！

Photo from 《單身即地獄》

Photo from 宋智雅IG

# 首爾豪宅係由內地經紀公司租？！

宋智雅購買名牌A貨嘅事件曝光後，有網民就搜刮出更多有關佢嘅傳聞！佢過去曾經喺YouTube頻道中公開位於首爾「Trimage」嘅單位，係非常出名嘅豪宅大樓，據悉唔少韓星如Super Junior、少女時代等都居住該大廈。但就有網民大爆價值30億韓元（約2000萬港幣）嘅單位其實係佢內地經紀公司所租來！

Photo from free지아 @YouTube

Photo from free지아 @YouTube

# 公然用假貨賣廣告/送禮俾爸爸？！

有網民仲話宋智雅1年前送俾爸爸嘅LV運動鞋都係A貨，並公開對比圖片，認為兩者無論係顏色或者商標上都的確有好大出入！令大家覺得最過分嘅就係宋智雅喺IG為Dior香水賣廣告嘅時候，居然公然攞住Dior嘅A貨手袋，令網民直斥唔尊重品牌！

Photo from 微博

Photo from 微博

# 當眾送名牌洋裝俾主持人！

最近，宋智雅過往上電視節目嘅片段再一次被翻出，佢當時大晒自己嘅二手名牌衣服，仲話「一件衫唔會想著2次」，並且主動將其中一件紅色漆皮洋裝送俾知名女主持人朴娜勑！然而，該洋裝已經被證實係A貨！

Photo from MBC every 1 @YouTube

Photo from MBC every 1 @YouTube

# 前娛樂記者推測宋智雅大量購買A貨？！

前韓國娛樂記者兼YouTuber李鎮浩就因此而作出大膽推測，認為宋智雅擁有咁多名牌A貨，好大機會係透過相熟嘅內地賣家大量採購入貨，由於價錢便宜又能夠炫富，大大增加自己嘅粉絲數量，所以佢就深陷於買A貨嘅誘惑當中！

Photo from 연예 뒤통령이진호 @YouTube

Photo from 연예 뒤통령이진호 @YouTube

# 宋智雅身穿全黑服裝現身道歉！

昨日（24日），宋智雅首度喺爭議曝光後公開現身道歉，佢喺YouTube頻道上傳影片「自從爭議後，我每天都在反省，這一切都是我的錯」，希望網民停止攻擊家人，強調對freeing（粉絲名）嘅心意都係真嘅。現時宋智雅嘅IG帳號以及YouTube都已經被清空，只留下道歉手寫信及影片！

Photo from free지아 @YouTube

Photo from dear.zia @IG

相關文章：【單身即地獄】宋智雅公開素顏承認曾整容！舊照曝光網民指認唔出！

相關文章：【單身即地獄】盤點宋智雅25大撩男金句+「人間清醒」人生語錄：最喜歡的就是你/讓我受傷的人立刻拜拜！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【單身即地獄】宋智雅公開道歉承認用名牌A貨！富貴千金形象盡毀!就連節目CP都係假?

17 Jan , 2022

Netflix《單身即地獄》參賽者宋智雅人氣高企，一直都備受網民關注。最近，有網民大爆佢身上配戴嘅首飾以及上衣都係A貨；仲踢爆佢其實並非素人，已經同經紀公司簽約多年，所以令到完美形象塑造得完美無瑕！

Photo from IG@dear.zia

# 宋智雅出演節目後，人氣飆升！

現年24歲嘅宋智雅因爲外型亮麗，並喺節目大晒火辣身材，而獲得網民關注！本身就已經係知名KOL嘅佢家庭背景亦唔錯，經常身穿名牌，並居住喺市值逾25億韓元（約港幣$1,635萬）嘅單位內，係名副其實嘅「人生勝利組」！

Photo from IG@dear.zia

Photo from Freezia宋智雅 @Youtube

# 韓國網民搜集帶A貨證據！

不過，有韓國網民就大爆宋智雅所用嘅名牌都係A貨，並整理咗一系列嘅對比照片！佢曾經配戴過嘅四葉草項鍊就被發現連結位置同埋Size都同法國品牌Van Cleef & Arpels嘅正版唔同！

Photo from 【탈덕수용소】 Sojang @Youtube

Photo from 【탈덕수용소】 Sojang @Youtube

# 有一款仲係「非賣品」？！

曾被網民質疑學BLACKPINK Jennie穿著CHANEL復古短版淺藍色上衣嘅宋智雅，因為該產品係限量發售，所以亦被網民覺得應該係A貨；而佢喺《單身即地獄》所穿著嘅Dior 粉紅色平口短版上衣，就被發現品牌根本冇出售過呢個款式，據悉佢當時身穿嘅衣服只需韓幣1.6萬（約港幣104）就可以買到！

Photo from 【탈덕수용소】 Sojang @Youtube

Photo from 【탈덕수용소】 Sojang @Youtube

# 網民狠批錯誤示範！

事件曝光後，作為擁有逾300萬人追蹤嘅人氣網紅，宋智雅被唔少網民批評係錯誤示範，等同鼓勵大眾買A貨！加上，佢曾經表示將來希望可以創立自己嘅品牌，令大家都認為佢唔尊重創作者嘅設計，好形象頓時大降！

Photo from IG@dear.zia

# 宋智雅火速承認用A貨！

隨後，宋智雅就立刻喺IG火速承認自己身穿嘅部份衣物係A貨，現時佢已經將被懷疑係假貨嘅post刪去，並公開向大眾以及品牌們道歉！

Photo from IG@dear.zia

# 就連節目CP都做假？！

其實唔單止宋智雅身上嘅名牌係假，就連節目中嘅CP都被網民大爆只係逢場作戲？！宋智雅喺《單身即地獄》最後一集中與金賢中配對成功，男方仲開心到公主抱對方，令唔少觀眾都認為佢哋理所當然會繼續發展落去。

Photo from 《單身即地獄》

# 同配對對象連朋友都唔係？！

近日，有網民就發現宋智雅嘅IG居然冇Follow節目中任何一位男參賽者；而男方就追蹤晒節目中所有參賽者，令大家開始懷疑節目中嘅曖昧情都只係跟隨劇本所扮演？！

Photo from IG@dear.zia

Photo from _1126.1 @IG

# 節目製作人否認有劇本！

再加上，宋智雅12月時，喺Youtube頻道上載嘅片段中曾提及自己現時單身。但節目係上年夏天拍攝，所以網民猜測兩人可能短暫交往後分手，或者根本就冇一齊過！而節目製作人亦澄清「內容並冇劇本」，強調一切都係以參賽者嘅情感為主！

Photo from IG@dear.zia

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）