鮑魚煮法｜街市買海鮮！點揀新鮮鮑魚＋清洗方法＋煮食攻略

大時大節食飯當然要有海鮮，不過對於入廚新手而言，如何挑選海鮮或處理海鮮都是一門學問，如果不想買海鮮時遇到陷阱或被人「呃秤」，找來海鮮達人、「點點鮮海鮮速遞」負責人明哥教大家如何揀新鮮鮑魚！

街市鮮鮑魚種類

鮑魚分為乾鮑、罐頭鮑和新鮮鮑魚，今次要介紹的是街市買得到新鮮鮑魚，中國、日本、澳洲、南非等地都盛產鮑魚，亦有分很多種類，在街市常見的新鮮鮑魚有兩種，第一款是中國大連鮑，另一款是南非鮑，亦稱為珍珠鮑。

Photo from PressLogic

中國大連鮑

眾多新鮮鮑魚中，以中國大連鮑最為常見，鮑魚肉呈啡黃色，肉質較腍，產量相較其他種類的鮑魚多，比較容易購買，價錢亦較經濟，可謂平價鮑魚之選，只適宜熟食，較常見是以清蒸方式烹調。

Photo from PressLogic

南非鮑

南非鮑在街市相對少見，鮑魚肉呈灰白色，肉質爽口彈牙，始終是進口貨關係，價錢較其他鮮鮑魚昂貴，除了可熟食外，亦可作刺身食用。

Photo from PressLogic

點揀新鮮靚鮑魚？

鮮鮑魚的新鮮程度可以從鮑魚肉身的伸展程度和吸力來分辨，第一，可以留意鮑魚能否黏水缸，因為黏缸代表吸力強勁，但街市的鮑魚並不一定放置於水缸出售，這時候可以放平鮑魚，如果鮑魚肉身有蠕動都是新鮮的象徵。

Photo from PressLogic

第二，留意鮑魚的裙邊，如果鮑魚裙邊較脹則代表不新鮮，因為有部分不良海鮮商販，為了增加鮑魚重量賣更高價錢，會將鮑魚浸泡淡水，吸入淡水的鮑魚，內臟及肉質很容易變壞，如果鮑魚裙邊出現溶爛則千萬不要買，代表已經變壞和發臭。

Photo from PressLogic

應該點處理鮮鮑魚？

鮑魚表面帶有黑邊，所以正式煮之前要先清洗乾淨，不過由於鮑魚生長於水質清澈的環境，所以只需回家用牙刷或硬毛刷，刷洗鮑魚肉身和裙邊，只要刷走黑色的污物後直接煮食即可。

Photo from PressLogic

煮鮮鮑魚小貼士

坊間有不少鮑魚的烹調方法，不過最能品嚐鮑魚的鮮味一定是清蒸，不少人喜歡用刀輕輕在表面?花，其實全隻鮑魚均可食用，但明哥就建議不論是火鍋或清蒸，只需刷洗乾淨即可連殻煮用，千萬不要去除殻後煮，否則會令鮑魚口感變韌。

Photo from PressLogic

點點鮮海鮮速遞
電話：5543 8790 (whatsapp)
官網：<按此>
Facebook：<按此>

相關文章：

煎糕技巧｜黎諾懿教你零失手煎糕秘訣！必學3大揀靚蘿蔔＋馬蹄tips！

相關文章：

【揀海鮮貼士】帶子/扇貝大不同 街市買海鮮攻略！煮法＋清洗秘訣

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）