Angelababy黃曉明宣佈離婚！結束7年婚姻，一文睇以往貌合神離場面

娛樂新聞

By Jennifer on 28 Jan 2022

Digital Editor

今晚食乜餸：小二，嚟一碟花生！

Angelababy同黃曉明喺微博發文同時宣佈離婚！佢哋表示會共同撫養兒子「小海綿」。佢哋於2015年結婚，近年多次傳出離婚，最終喺2022年結束7年婚姻。

Angelababy同黃曉明微博分別發文：「感恩過去所有，未來仍是家人！」，正式宣佈離婚！

兩人於2015年結婚，當初愛得高調甜蜜，但近年屢次傳出離婚，即使夫妻同框亦零互動，Angelababy更以「黃先生」稱呼黃曉明，令婚變傳聞甚囂塵上。

兩人工作室發聲明指Angelababy同黃曉明係和平分開，日前已辦妥相關手續，未來會共同撫養兒子「小海綿」。

即睇以往兩人「貌合神離」場面：

Angelababy夫婦久違嘅同框零互動黃曉明主動示好被無視網友：有點出息，別裝了！

1 Mar 2021

近呢幾年，Angelababy同黃曉明時不時就會傳出婚變傳聞，佢哋雙方一直都未有就傳聞作出任何嘅官方回應。喺2月28號，係Angelababy生日，佢哋罕有地一齊同場出席活動《微博之夜2020》，黃曉明嘅呢一個舉動更被無視，令佢哋嘅關係成謎。

Photo from 微博

自從傳出婚變傳聞之後，Angelababy同黃曉明就好少同台出現。係2月28號嘅《微博之夜2020》活動當中，Angelababy就獨自一人行紅地毯，而黃曉明就未有係紅地毯露面。對比同場嘅藝人夫婦一齊行紅地毯放閃，佢哋嘅舉動令離婚傳言再一次成為網民嘅熱話！

Photo from 微博

喺典禮當中，其他的藝人夫婦都獲大會安排坐埋一齊，唯獨得佢哋呢一pair係被安排隔開坐，令二人關係顯得更加撲朔迷離。網民對於佢哋婚變嘅消息反應好唔同，有部分網民就覺得係大會嘅安排導致佢哋嘅處境十分尷尬，好難有互動，亦有部分網民覺得佢哋只差未公布離婚嘅消息。

Photo from 微博

有人就話其實佢哋兩個並非完全零交流，因為當Angelababy同其他女明星喺台上表演嘅時候，黃曉明有攞起自己嘅電話拍照。但係咪真係幫Angelababy影緊相就真係得佢自己先知喇？！但因為Baby感覺比較冷淡，網友們都看不過眼，直言「有點出息吧，看著就累」，「ab連裝都懶得裝了」。

Photo from 微博

而同一日亦係Angelababy嘅生日，黃曉明同以往一樣係半夜就po文獻上生日祝福，但暫時仲未得到回覆。跟過往的甜蜜互動實在相差太遠了，難怪不少網友都說「應該是離婚了沒誤，差在還未公布」！

Photo from 黃曉明微博

回顧返佢哋兩個嘅感情，Angelababy同黃曉明喺公開咗戀情之後，一直都愛得好高調！佢哋拍咗拖4年並於2015年結婚，佢哋花費高達10億嘅婚禮成為當時嘅熱話，之後喺2017年誕下兒子「小海綿」。但喺2019年就開始不停咁傳出二人婚變嘅消息，初時黃曉明曾經用強硬嘅態度表示如果再有不實傳聞將會提告。不過隨住婚變嘅傳聞越傳越耐，佢哋就無再正面咁回應過。

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

黃曉明被爆過年不陪妻兒蒲夜店！Angelababy反被罵心機重！兩人微博帖文再傳婚變

17 Feb 2021
Angelababy同黃曉明呢對夫妻屢傳婚變，喺新年同情人節期間，佢哋更係零互動，而網民就憑佢哋微博嘅蛛絲馬跡力證兩人已如陌路人。有指黃曉明過年現身夜店，但反而Angelababy被鬧心機重，掀起雙方fans罵戰。

Photo from 微博

Angelababy同黃曉明結婚初期一直高調放閃，不過之後漸漸開始唔再提及對方，微博更加零互動，貌合神離令婚變傳聞越演越烈。

Photo from Angelababy微博

早前黃曉明同前女友同台，令Angelababy疑做第三者插足黃曉明同女友感情嘅舊事再度成為熱話，AB發長文否認嘅同時稱老公為「黃先生」，如此疏離嘅稱呼令外界猜測兩人早已離婚。

Photo from 黃曉明微博

喺剛過去嘅農曆新年，兩人亦無合體，分隔兩地過年。Angelababy喺上海，而黃曉明亦返青島老家陪伴母親、外婆過年。

Photo from Angelababy微博

Photo from 黃曉明微博

喺黃曉明抵達上海嘅當天，AB更飛去外地工作，兩人行程完美錯過。

Photo from 微博

到情人節兩人仍是零互動，Angelababy更喺微博post出自拍，留言似有所指：「聽說今天是西方人的節日，還好我是南方人」疑暗示自己唔過情人節，對於有老公嘅佢嚟講似乎表示自己無情人，網友紛紛估佢想表態單身。

Photo from Angelababy微博

情人節過後，有人爆料喺夜店見到黃曉明，更指佢已喺第二次嚟，身邊圍繞唔少女性。喺夜店照發出後不久，黃曉明再post微博指自己同家人一齊包餃子，下面留言都係鬧佢去夜店。

Photo from 微博

Photo from 黃曉明微博

有網友指夜店照喺舊相，反斥Angelababy故意放風製造輿論，心機極重，不過亦有Angelababy fans指黃曉明唔係第一次蒲夜店，喺兒子「小海綿」生日時亦唔陪妻兒，而去夜店玩。

Photo from 微博

喺2015年，黃曉明亦被指去夜店，當時Angelababy不惜發微博：「我是夜店」維護對方，如今兩人已唔再係昔日嘅恩愛夫妻，更有人認為兩人離婚係遲早嘅事，依家佢哋就好似楊冪同劉愷威當時宣佈離婚前嘅狀態咁，只係為咗兒子而維持表面關係而已。

Photo from Angelababy微博

Photo from 微博

Text: HolidaySmart Editorial

黃曉明、Angelababy打破婚變傳聞？新戲齊宣傳、新店互靠近　網民：終於有互動！

2 Feb 2021

黃曉明同 Angelababy 2015 年結婚，至今已經有 5 年幾嘅時間。佢哋曾經被稱為圈中嘅「模範夫婦」，深受粉絲歡迎。可惜近年，依對夫妻被傳出婚變，Angelababy 更加畀指係狐狸精，雙方澄清都無補於事，甚至令男方退出同前度同場嘅節目先令依場風波暫時平息。唔少網民都認定咗佢哋已經分開，但日前眼利嘅網民終於發現到佢哋互動嘅蛛絲馬跡，令一眾喜愛佢哋嘅粉絲喜出望外。

黃曉明同 Angelababy 以前螢幕前後都非常甜蜜，喺好多人心中嘅「模範夫妻」，唔少人都好羨慕佢哋嘅婚姻！

Photo from Angelababy Official Weibo

Photo from 黃曉明 Official Weibo

不過，日前黃曉明就參加咗一個叫做《乘風破浪的姐姐 2》嘅內地節目，入面有佢嘅前度女友李菲兒，二人同場一事引起網民嘅熱烈討論，更加令到 Angelababy 係狐狸精依個講法再度被人傳開去。面對依件事，Angelababy 喺微博指自己認識黃曉明嘅時候，對方話自己係單身嘅，已經同李菲兒分咗手。佢覺得自己冇必要同大家解釋一件咁簡單嘅事，就算要解釋都應該係由當事人黃曉明解釋，而唔係自己。不過，眼利嘅網民當時就發現 Angelababy 稱呼黃曉明做「黃先生」，未免有啲距離感，懷疑兩個人係咪已經離咗婚？

Photo from Angelababy Official Weibo

黃曉明嘅回應就更加實際，佢選擇直接離開引起爭論嘅節目，希望可以令事件平息，同埋唔好令節目受到自己嘅花邊新聞所影響。

Photo from 黃曉明 Official Weibo

有唔少網民喺依件事之後都認為佢哋兩個已經離咗婚，舊情不再。不過，近日就有眼利嘅網民發現：兩個人最近有互動呀！

Photo from Angelababy Official Weibo

Angelababy 日前就宣佈佢嘅火鍋店要喺成都開業啦！個名叫做「斗鎏火锅」，餐廳內部裝修精緻，而且食材豐富高級，加埋 Angelababy 個名係背後支撐，喺網路上引起咗一番熱話！眼利嘅網民就發現：依間舖所在嘅地方，斜對面正正就係黃曉明間新開嘅烤肉店「烧江南烤肉」。莫非依樣就係「有錢齊齊搵」？

Photo from 斗鎏火锅 Official Weibo

除咗依樣之外，由陳偉霆、周迅主演嘅電影《侍神令》即將喺大年初一上映，圈中唔少藝人都紛紛幫佢哋轉發示意支持，當中亦都包括黃曉明同 Angelababy。

令網民眼前一亮嘅當然唔係佢哋一齊支持依套戲嘅行為咁簡單，而係佢哋兩個轉發時都寫咗同一句說話：「新的一年，有如神助。」

Photo from 黃曉明 Official Weibo

Photo from Angleababy Official Weibo

兩個人轉發時講埋同一句嘢，實在令人喜出望外。不過，都有網民指出依句嘢根本係官方宣傳口號嚟嘅，只係咁啱大家都用咗啫，你又點睇呢？

Photo from 电影侍神令 Official Weibo

有趣嘅係，當年有人指出 Angelababy 係戀上咗黃曉明先至同陳偉霆分手，但依家兩公婆又係微博度幫佢主演嘅電影宣傳，實在係令人有啲混亂。到底佢哋兩個嘅婚姻係咪已經結束，到依家都仲未有人知，而大家有冇咩特別嘅睇法呢？

Photo from Angleababy Official Weibo

Text: HolidaySmart Editorial

黃曉明與舊愛同台掀熱議　Angelababy 澄清自己並非第三者

7 Jan 2021

由黃曉明擔任主持嘅《乘風破浪的姐姐》第二季將開播，黃曉明與前女友李菲兒同台嘅消息引起網民關注，網民再次談論當年黃曉明、Angelababy 及李菲兒嘅關係，而 Angelababy 日前就發文澄清自己並非第三者。

明星女團競演真人秀節目《乘風破浪的姐姐》由黃曉明擔任成團見證人，節目第二季即將開播，而當中最矚目嘅就係黃曉明前女友李菲兒都會參與節目拍攝，兩人將會於節目同台，消息一出瞬間引起網民熱議。黃曉明、Angelababy 及李菲兒當年嘅關係亦再次被網民提起。

Photo from 黃曉明微博

Photo from 李菲兒微博

黃曉明及李菲兒因拍攝《鹿鼎記》而相戀，交往 3 年分手，其後黃曉明公開認愛 Angelababy，而李菲兒當年接受雜誌採訪時就表示係 Angelababy 要求黃曉明做選擇，所以佢先自動退出，於是 Angelababy 就被認為係第三者介入兩人嘅感情。

Photo from 黃曉明微博

事件再次被網民談論，Angelababy 日前就喺微博發文澄清自己並非第三者：「當初我認識黃曉明的時候，他告訴我他是單身，直到李菲兒在雜誌採訪上給了我一個莫須有的稱呼。事後我第一時間問了黃先生，他告訴我他們已經分手了。前因後果就是如此簡單，這麼多年我不想解釋，一來覺得沒有必要，日子是給自己過的。二來也覺得這是黃先生和李菲兒的事情，要說也應是黃先生來向大家澄清。十年過去了，今天我選擇自己站出來，把前因後果說清楚。不因為別的，只是肩膀上的擔子太重，不太想再幫別人扛著這口鍋了。我知道欲加之罪何患無辭，也知道可能是節目噱頭、他人財路。但我在這件事情上，無法用平常心面對，這點小情緒，也請大家體諒。」

Photo from Angelababy 微博

其後黃曉明都喺微博發文澄清 Angelababy 唔係第三者：「其實節目已經錄完三期了，這段話我在節目錄製的時候其實已經說過了，今天我要在節目播出之前把它說出來！《乘風破浪的姐姐》這個節目之所以能夠如此成功，是因為它所傳達的價值觀是對每一位女性真正的尊重，它也讓我們看見了女性的無窮魅力。如果大家關注的焦點繼續停留在這裡的話，首先會傷害我的家庭；其次這還傷害了所有對這個舞台無比尊重、付出無數汗水的姐姐們，她們在這裡要收穫的是關於她們自己的故事，而不是成為別人故事裡的陪襯；同時，這個話題也傷害了當事人，她擁有自己的生活，不該停留在這個話題裡。而對於我來说，這個舞台上的每一位姐姐都是值得尊重的，都應該受到公平的對待。這是一個正能量的節目，會有很多姐姐們的精彩舞台表演，請大家多多關注。在這裡我必須要說，baby 不是小三，一直以來的傳言都純屬子虛烏有，大家不要被有心網友利用而傷害到我的家人！這麼多年來我覺得沒有必要去反覆提這件事，是因為我不想再被更多的人去利用這件事情博眼球，但今天我不得不說，因為我們真的受夠了。我的家人永遠是我的底線！此時此刻起，我真的希望大家不要再去傷害我的家人了！！！」

Photo from 黃曉明微博

黃曉明發長文澄清後更再次發文保護家人：「有甚麼話都衝我來！我的評論永不關閉！」

Photo from 黃曉明微博

黃曉明夫婦二人發文澄清，而當事人之一嘅李菲兒就對事件未有作出回應，唔少網民都湧入李菲兒微博留言質問，「姐到你了你發不發」、「你就是想紅吧，一般人明知道節目有前男友，被邀請也會拒絕避嫌。你去就是為了炒作紅？」都有網民支持李菲兒，認為成件事好似打壓李菲兒咁，畀黃曉明夫婦曬完恩愛後就等李菲兒揹鍋，亦有網民希望李菲兒唔好因為事件而退賽，要好好比賽。