日本澀谷「黑辣妹」網紅近況曝光！熱潮曾經風靡一時！現時已經完全消失？

香港過去曾經掀起一陣「MK風」，而日本喺1990年代至2000年代就掀起「辣妹風」，當時女生們認為黝黑嘅皮膚更加吸引，佢哋多數喺澀谷出沒！然而隨住時代變遷，呢個文化似乎已經消失得無影無蹤，宜家等我哋一齊睇下過往著名「辣妹」網紅們嘅近況啦～

Photo from EGG雜誌

# 日本辣妹必要條件！

過往日本曾經流行過「辣妹風」（亦稱「黑辣妹潮」ガングロ），同名稱一樣，女生們都會利用化妝令自己擁有黝黑嘅膚色，而且妝容亦比較誇張；部份女生仲會去美容院專登「曬黑」，據悉當時一次費用就要至少2萬日圓（約港幣1,360）！而服裝方面，佢哋多數都會穿著迷你裙、厚底鞋、浮誇美甲款式以及超級亮眼嘅髮色等。

Photo from Twitter

Photo from Twitter

# 受到日本知名女星影響而掀起潮流？

由於「辣妹」們經常都會出沒於澀谷街頭，加上該區最有名嘅就係109百貨，所以佢哋亦被網民廣稱為「109辣妹（GAL）！據悉，當時引領潮流嘅就係日本人氣女星安室奈美惠，佢本身出生於沖繩擁有健康膚色，出道後瞬間爆紅，令好多少女都因此追隨佢嘅打扮。

Photo from EGG雜誌

Photo from SUPER MONKEY`S

不過宜家「109辣妹」已經唔再係日本流行嘅文化喇！當中唔少過往出名嘅「辣妹」都已經改頭換面，宜家等我哋睇下其中幾位嘅近況啦～

# 渡邊加苗

渡邊加苗係當時日本辣妹雜誌「egg（エッグ）」嘅人氣模特兒，當時嘅藝名係Kaatan（かぁ～たん），仲被網民稱為「辣妹教主」！近年，日本電視台亦曾經拜訪佢，宜家佢已經成為人母，目前正在經營服裝網店。令大家驚訝嘅係原來卸下濃厚嘅妝容後，佢嘅皮膚白裡透紅，五官清秀。

Photo from 《マツコ会議》

Photo from 渡邊加苗IG

# 水野祐香

水野祐香以前嘅藝名為「あこ吉」，仲曾經同其他人組成團體「ゴングロ3兄弟With U」，人氣亦都非常高～宜家嘅佢成為網紅，開設自己嘅YouTube頻道分享化妝保養心得。現時年約42歲嘅佢依然保養得非常好，同以前冇太大分別，被網民大讚凍齡有術！

Photo from 《マツコ会議》

Photo from 水野祐香IG

Photo from 水野祐香 YouTube

# 電視台成功尋獲僅餘嘅「辣妹」？！

不過隨住時代嘅變遷，「109辣妹」嘅文化好似已經逐漸消失。福岡電視台上年就搵到居住喺北九州嘅37歲人妻「うぬ」，佢懶理他人目光，將臉部塗成深啡色，再搭配超誇張嘅眼影以及服裝，的確十分搶眼！

Photo from 《ノブナカなんなん？》

Photo from 《ノブナカなんなん？》

而佢就透露自己成為「辣妹」嘅年資只係得3年，因為幾年前嘅萬聖節同朋友一齊打扮成辣妹，但就因此而愛上變裝嘅感覺，維持至今！

Photo from 《ノブナカなんなん？》

相關文章：日本夫婦分享獨特婚姻生活！ 丈夫容許妻子帶同新歡一齊同住？

相關文章：年薪$2.9億日本富婆超豪華生活公開！每次食飯都要包場/ 另有豪宅專放雜物

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本正盛行「已婚聯誼會」?! 參加者只想尋覓友達以上伴侶

23 Dec , 2021

相信唔少人嘅擇偶條件中都具備「專一」呢項條件，希望另一半能夠對自己一心一意。最近，日本綜藝節目就揭露「已婚者聯誼」活動，而呢類型嘅活動亦非常常見，然而佢哋嘅目的只係為咗尋找一位「友達以上」嘅異性朋友，而並非出軌？！

Photo from 《女が女に怒る夜》

# 日本流行「已婚者聯誼」活動？！

「一次不忠，百次不容」唔少人都不能接受另一半精神或肉體上出軌，但係部份人就似乎有截然不同嘅諗法喇～日本綜藝節目就提及到喺社交網站中「已婚者聯誼」嘅活動變得受歡迎，而大部分嘅參加者都只係想尋找一位「友達以上，戀人未滿」嘅對象，並從中獲取滿足感！

Photo from 《女が女に怒る夜》

# 全為結交新朋友？

有部份日本網站就係專門辦呢類型嘅活動，而簡介上就表示唔少參加者都係因為結婚後同舊朋友漸行漸遠，亦難以認識新朋友，所以藉此尋找有共同話題嘅「好朋友」，希望可以互相訴苦。

Photo from 日本網站

# 稱呼對方為第二對象！

而參加者都會稱呼新認識嘅對象為「第二對象（Second partner）」，佢哋嘅行為會超越一般友誼，例如：擁抱、接吻等，但就絕對唔會發生關係！

Photo from TVB

# 規定不能發生親密行為！

根據主持人所講，定下呢個規定係因為驚參加者嘅另一半會發現「第二對象」嘅存在，並提出離婚要求。而接吻以及擁抱就避開「婚外情」嘅定義，即使參加者將來真係要辦理離婚手續都可以令賠償金額大大減少，令在場嘅嘉賓都對此感到驚訝！

Photo from 《女が女に怒る夜》

Photo from 《女が女に怒る夜》

# 網民直呼：不能理解！

節目中嘅嘉賓都對呢類型嘅活動表示唔理解，認為根本就係嘗試將出軌合理化，有違道德觀念！而且唔少人都認為既然呢班參加者認能喺另一半身上獲得滿足感，就唔應該結婚，而並非喺結婚後再尋覓其他對象！

Photo from 《女が女に怒る夜》

相關文章：網紅嫁豪門4年誕龍鳳胎仍沒名份 資產遭轉移揭老公出軌 被逼淨身出戶

相關文章：【東京奧運】男友傳睇奧運照報行蹤 被女友揭出軌！藏2大穿崩位 強大觀察力震驚百萬網民

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）