成龍與谷愛凌合照想提攜對方做武打演員？22年前自傳卡通片主角離奇撞樣谷愛玲！與空姐合照「抄牌」引熱議？
國際巨星成龍（Jackie Chan）係非常著名嘅動作演員，仲因此而成立名為「成家班」嘅動作電影拍攝團隊，當中位位都係出色嘅特技演員。最近，中美混血兒滑雪運動員谷愛凌（Eileen）就上載咗打拳嘅影片，有眼利嘅網民就發現同行朋友來自「成家班」，令網民不禁猜測佢係咪想嘗試做武打演員？！
Photo from 成龍微博
# 成龍培養特技演員團隊！
現年67歲嘅成龍（Jackie Chan）入行多年，曾拍攝多部經典動作電影《醉拳》、《新精武門》等，闖出亞洲進軍好萊塢！而本身武功高強嘅佢喺1967年成立特技演員班底「成家班」，能夠加入團隊嘅成員都係出類拔萃嘅動作特技演員，實力相當；雖然佢哋1992年時宣佈解散，但後來又再重組。
Photo from 成龍微博
# 谷愛凌都加入「成家班」？！
然而，「成家班」最近似乎有新動靜？！自由式滑雪運動員谷愛凌於冬奧獲金牌後，瞬間成為網民們嘅關注對象，唔少網民都表示喺北京街頭偶遇佢。日前，佢喺IG Story上載打拳嘅影片，只見佢身穿Sports bra加短褲，身材十分fit，而且姿勢亦睇落有模有樣～
Photo from 谷愛凌IG
Photo from 谷愛凌IG
# 有指成龍已邀請谷愛凌參與電影拍攝
有網民指陪伴谷愛凌練習嘅男仔係「成家班」嘅成員，而佢亦上載同成龍一齊嘅合照，令大家都開始猜測莫非谷愛凌想挑戰做埋特技演員？！早於拍攝北京冬奧宣傳片嘅時候，谷愛凌就已經被導演丁晟詢問是否有意加入娛樂圈，但當時在旁嘅工作人員就話「來不及了，你要排成龍大哥後面。」睇嚟成龍已經向佢發出拍電影嘅邀請～
Photo from 谷愛凌IG
# 網民反應兩極！
網民仲搞笑咁話二人嘅合照同美國卡通《成龍傳奇》（Jackie Chan Adventures）嘅海報非常相似，提議佢哋可以一齊拍攝真人版動畫；但亦有網民抱持相反意見「要小心這大叔！」、「有給他電話號碼及地址嗎？」等留言。
Photo from 《成龍傳奇》
Photo from 微博
# 內地空姐機上偶遇成龍，炫耀被國際巨星「抄牌」！
一向都非常親民嘅成龍大哥早前被內地空姐網紅「水果滴滴」大讚，指佢工作期間喺機上偶遇成龍，對方仲大方同佢合照「不僅給照相，還要了我地址電話，說要給我們寄禮物，也太平易近人了吧」，火速成為網民熱議！
Photo from 微博
# 原來係為送出親筆簽名書！
其後空姐向網民解釋成龍詢問攞地址嘅原因，只係想講親筆簽名自傳書送俾佢，大晒收到嘅禮物。然而，有網民就似乎唔太認同成龍大哥嘅做法，仲覺得搭膊頭影相似乎過分親密「是全天下男人都會犯的錯嗎？」、「保持適當社交距離」等，令空姐最終將post刪除！
Photo from 「水果滴滴」微博
Photo from 「水果滴滴」微博
# 成龍大哥影相習慣
有部份網民就指成龍大哥向來都鍾意搭膊頭影相，不分男女，而過往佢亦曾經因為同內地女團「硬糖少女303」比較親暱嘅合照而備受網民熱議！
Photo from 硬糖少女微博
Photo from 勝利微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
谷愛凌未來動向曝光！狂賺2億廣告代言費！即將回美國做學生？
21 Feb , 2022
Photo from 谷愛凌微博
# 榮獲女子自由式滑雪大跳台金牌！
現年18歲嘅中國選手谷愛凌於今屆自由式滑雪女子大跳台決賽中勇奪金牌，成為此項目中年紀最輕嘅冠軍得主！本身係中美混血兒嘅佢，操得一口流利普通話以及英文，仲係模特兒，前途無可限量！
Photo from 微博
# 避談國籍問題！
而谷愛凌嘅國籍亦受到唔少大眾關注，由於佢曾經喺賽後講過「在中國係中國人，在美國是美國人」嘅言論，因此被網民笑稱擁有「動態國籍」！
Photo from 谷愛凌微博
# 超受廣告商歡迎！
谷愛凌憑優越外型獲網民大讚，亦吸引唔少廣告商邀請佢做代言人，榮登廣告界新寵兒。根據內地媒體報導，佢已經至少有27個廣告代言，當中好多都係國際知名品牌包括Tiffany & Co.、LV等，有指佢已經激賺至少$3,500萬美金（約港幣2億700萬）！
Photo from 谷愛凌微博
Photo from 谷愛凌微博
# 谷愛凌即將回歸校園！
然而，谷愛凌接受美國報章訪問時坦承好鍾意滑雪，但唔肯定會否再參加比賽！而佢就表示自己即將到美國知名學府史丹佛讀書，希望可以嘗試多方面發展，盼望可以用自己嘅日記出書，亦會繼續模特兒事業。
Photo from 谷愛凌微博
Photo from 谷愛凌微博
# 內地網民反應兩極！
內地網民反應兩極，部分網民表示支持年紀輕輕嘅佢做自己；但部分網民對佢嘅選擇感到不滿，「賺這麼多然後會美國？」、「為什麼不留在中國啊」等留言，並且質疑佢嘅國籍！
Photo from 微博
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
