燦神廖偉雄自爆兩度確診新冠靠3招康復計劃開過200萬呎有機農場！

生活熱話娛樂新聞

By Cheryl on 30 Mar 2022

Digital Editor

「燦神」廖偉雄淡出演藝圈多年，現時已定居內地，專注打理有機農業生意。最近，佢在個人YouTube頻道表示，自己兩度確診新冠肺炎，並分享舒緩病情心得。此外，燦神更打算在不久將來開設一個超過200萬平方呎嘅有機農場！

Photo from 燦神龍場 FB

燦神拍片分享新冠病情

64歲廖偉雄（燦神）雖然多年無拍戲，但設有自家YouTube頻道，分享其生意發展和健康資訊。近日，佢拍片講述近日「中招」經歷，又指今次疫情都「冇得搞，只係遲中早中嘅問題」。佢回覆傳媒查詢時亦承認已兩度確診新冠肺炎。

Photo from 廖偉雄 YouTube

燦神自言係喉嚨痛和扁桃腺發炎方面「專家」，身體一有不適就很容易察覺得到，佢分享在第一次確診時，在醫生介紹下用了兩種物品減輕症狀，包括用天然海水噴鼻劑減輕喉痛，以及採用滴蜂膠作消炎解毒之用。燦神指，平時用一至兩次滴蜂膠，好快就消除了喉痛，但到第二次確診，卻還是未能完全根治喉痛。

Photo from 廖偉雄 YouTube

二度中招要「加藥」

第一次確診新冠再到病愈後10天，燦神與朋友聚餐和一起搭車，兩日後收到朋友通知自己檢測呈陽性消息，而燦神之後都開始喉痛，最終再次確診。佢表示扁桃腺痛了3日，感覺猶如「有針刺嘅感覺」。今次除了使用上述嘅海水噴鼻劑和滴蜂膠外，更需要服用一款在泰國生產，有清熱解毒功效嘅中藥才能完全康復。

Photo from 廖偉雄 YouTube

雖然佢在片中容貌較為憔悴，但燦神表示佢服用該中藥後，睡了一晚就好返。燦神亦建議大家喝大量水，特別係檸檬水以補充維他命C，又指以上心得都純屬其個人經驗，始終每人體質不同，有病就應聽從醫生指示。對於在短期內兩次確診，有網民認為在首次確診後應有抗體，所以質疑佢係咪新冠復發，不過，大家見到燦神已回復健康都感到欣慰。

Photo from 廖偉雄 YouTube

退出幕前後發展有機農業

燦神早於1990年代後期淡出娛樂圈，之後曾投資多個行業，包括美容直銷和在內地開卡拉OK場所，但都不成功，其後因欠債被銀行入稟追討申請破產。到2001年，佢轉型在馬來西亞製作「燦師傅」叉燒，之後再遷移到廣東羅定市定居，在當地發展有機農業，當中佢發展嘅「亞燦米」，更係全國十大好米之一，以及中國華南地區唯一一個有國際三大認證的大米。