宋智孝解釋頻繁更新IG原因，上載多張短髮美照！粉絲們要求換造型師！盤點過往4個「炒車」造型
韓國綜藝節目《Running Man》主持班底嘅宋智孝一直都被粉絲稱為女神，幾個月前卻因為突然剪短頭髮，網民反應兩極，部分網民仲批評髮型令佢變成「大媽」。近日，佢一改以往嘅習慣，頻繁於IG上載新照片，終於獲得網民讚賞，為自己平反！
Photo from 宋智孝IG
# 宋智孝獲網民封為女神！
現年40歲嘅韓國女演員宋智孝，因出演長壽綜藝節目《Running Man》而為人熟悉，憑「傻大姐」性格獲得「懵智」稱號～擁有凍齡樣貌嘅佢平時大多化淡妝，有時甚至會素顏出鏡，同其他女藝人截然不同嘅作風，獲大眾稱為女神！
Photo from 宋智孝IG
Photo from 宋智孝IG
# 上年無預警剪短髮，卻被網民批評？！
幾個月前，宋智孝突然改變新髮型，以清爽嘅短頭髮於《RM》登場，令唔少網民感到驚訝！雖然粉絲們都讚賞智孝嘅新造型；但部分韓國網民就認為唔工整嘅瀏海似係節目遊戲懲罰，仲形容為「被狗啃嘅髮型」，網民們要求經紀公司換造型師，引起熱議！
Photo from 宋智孝IG
Photo from Running Man
# 最近突然開始經營IG，上傳多張個人照！
過往甚少經營IG嘅宋智孝，近日居然頻繁咁上載短髮照片，而佢嘅拍照pose穿搭亦同以往有啲唔同，睇嚟佢已經搵到適合自己嘅造型喇～
Photo from 宋智孝IG
Photo from 宋智孝IG
# 《RM》中解釋原因！
於最新一集嘅《RM》，智孝就被問到突然活躍於社交平台嘅原因，而佢回應「因為我最近常常被稱呼為大媽，想換個風格，所以努力嘗試一下」，而佢仲自爆拍照姿勢都係工作人員喺背後不停教導所得出嘅成果！
Photo from friDay @ YouTube
Photo from friDay @ YouTube
宋智孝出道至今已經21年，部分粉絲早前因爲「短髮事件」，誇張到發表聯合聲明「我們要求為她（宋智孝）更換有實力及經驗造型師，但經紀公司多年來都完全不重視。」宜家就等我哋盤點一下韓國網民們認為嘅「炒車」造型啦～
Photo from Naver
1. 《Running Man》服裝造型
過往，有網民就批評宋智孝嘅造型師冇好好準備出演服裝，衣服嘅配色奇特，而且未能凸顯智孝嘅好身材！髮型方面，智孝曾剪空氣瀏海，但髮型師並冇為佢好好整理髮型，任由碎髮披撒。
Photo from Dcard
Photo from Dcard
Photo from Dcard
2. 2021年AAA頒獎典禮
智孝於頒獎禮中連續3年榮獲「人氣女演員獎」，依然好受歡迎～但有眼利嘅網民就發現身穿黑色大衣嘅佢，裡面嘅內搭居然唔小心曝光，令網民批評造型師唔夠細心！
Photo from nate韓國論壇
Photo from Starsnews
3. 電視劇《我們愛過嗎》記者發佈會
擔任女主角嘅宋智孝身穿寬鬆嘅白色連身裙，不過裙嘅版型令智孝上半身睇落有啲臃腫，加埋個曲髮令整體感覺太「復古」！
Photo from 宋智孝IG
Photo from 宋智孝IG
4. 2017 香港 MAMA頒獎禮
2017年，智孝來港出席MAMA頒獎典禮，當時造型師終於為佢挑選咗一條貼身嘅連身裙，成功大晒 S line好身材；但服裝嘅設計及配色本來就比較老氣，加上萬年不變嘅長直髮，令網民都表示「心痛智孝」一度登上韓國熱搜！
Photo from nate韓國論壇
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
宋智孝將缺席《Running Man》拍攝！公開10年病史！尚未打針需要隔離
21 Jan , 2022
韓國演藝圈最近再度受到疫情影響，其中人氣綜藝節目《Running Man》就因為有嘉賓確診，而急需安排進行檢測，所幸全部成員PCR檢測結果都係陰性！然而，成員之一嘅宋智孝就仍然需要進行隔離，並公開多年來嘅秘密？！
Photo from 宋智孝IG
# 韓國長壽節目《Running Man》
韓國人氣綜藝節目《Running Man》不知不覺已經播出咗將近12年，喺世界各地都非常受歡迎，擁有唔少粉絲！
Photo from Running Man
Photo from SBS Youtube
# 韓國演藝圈再受疫情影響？！
然而，韓國演藝圈最近就受到疫情嘅影響，有唔少藝人都相繼確診。就連「國民MC」劉在錫都喺上月確診，不過已經完全康復，並重新投入拍攝工作～
Photo from SBS Youtube
# Super Junior成員銀赫確診，3天前曾出席《RM》錄影！
銀赫 @Super Junior就喺20日當天爆出確診，由於佢喺17日當天作為嘉賓出演《Running Man》，所以節目固定成員全部都立刻需要進行檢測，令唔少粉絲都十分擔心！
Photo from 銀赫IG
Photo from Running Man FB
# 《RM》成員檢測結果出爐！
根據韓國媒體報導，《Running Man》節目組以及成員們嘅檢測結果都係陰性！然而，宋智孝就因為同確診者嘅路線有類同，再加上佢暫時仍未接種疫苗，所以需要自主隔離10日，將會缺席《Running Man》24日及25日嘅拍攝行程！
Photo from 宋智孝IG
Photo from 宋智孝IG
# 全昭旻亦會缺席拍攝？
全昭旻亦被爆因為腳踝骨折而需要緊急進行手術，將會暫停所有演藝工作，包括《RM》拍攝行程，專心休息養傷。
Photo from 全昭旻IG
# 宋智孝尚未接種疫苗，引發網民好奇！
唔少韓國網民就對於宋智孝尚未接種疫苗而感到好奇，而所屬經紀公司就因此而公開宋智孝多年嘅「秘密」！
Photo from 宋智孝IG
# 公司公開宋智孝10年病史！
原來宋智孝小時候就有對「西藥」過敏嘅現象，喺2011年佢因為工作忙碌而嘗試打點滴幫助恢復體力，然而身體卻竟然出現異常反應，仲因此而導致呼吸困難，被送入急症室。自此，佢嘅身體就開始對抗生素相關嘅治療有過敏反應！
Photo from 宋智孝IG
而醫生經過判斷後，就建議宋智孝喺打疫苗前先深思熟慮，所以佢現時依然尚未接種疫苗！
Photo from 宋智孝IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
