【肥美人】大熱參賽者「洋腸」被指真人同照片差別大？！何超儀前衛造型打扮惹熱議，雪姨都係評審之一！

電視電影娛樂新聞

By Stephanie on 12 Apr 2022

Digital Content Writer

ViuTV真人騷《肥美人》於昨日（11日）首播，其中8位參賽者已經登場，位位都盡展所長，展現自信美～節目組亦邀請咗14位來自不同領域嘅專業評判，而已故賭王何鴻燊嘅千金何超儀打扮非常前衛；而KOL雪姨亦被發現係專業評審嘅其中一員，引發熱議！

Photo from 《肥美人》

# 全新選美節目《肥美人》首播！

全新選美真人騷《肥美人》一共有29位參賽者，當中所有參賽者嘅BMI都超過25，節目目的係希望藉此打破大眾一直以來對「美」嘅定義，令各位參賽者都可以透過表演才藝去展現自信！

Photo from 《肥美人》

# 大熱「洋腸」率先晉身16強！

早前，ViuTV就已經發佈29位參賽者嘅照片，俾大眾投選「EXTRA LIKE GIRL」；而大熱12號嘅邢洋陽（洋腸）就順利獲得最高票數，直接進入16強！

Photo from 《肥美人》

Photo from ViuTV FB

# 網民覺得真人同照片好唔同？！

不過，唔少網民都認為洋腸真人似乎同佢IG所上載嘅照片有啲出入！大部分網民都覺得照片中完全睇唔出佢係「大碼女孩」，下巴尖尖手臂纖幼，令大家都懷疑係「照騙」？！

Photo from 《肥美人》

Photo from 洋腸IG

# 大部分參賽者都選擇展現舞技～

當中唔少參賽者都選擇以舞蹈作為才藝表演，而佢哋嘅舞技亦的確唔錯㗎～1號丁珮筠(丁丁)跳蔡依林嘅《大藝術家》，獲小儀大讚懂得享受舞台；而4號朱煒淇(朱朱)就表演As One歌曲《Candy Ball》，仲同原唱之一嘅陳葦璇一齊跳咗一段舞～

Photo from 《肥美人》

# 評審何超儀造型超搶眼！

除咗參賽者外，評判們亦成為節目嘅亮點之一，是次比賽嘅主評審分別係小儀、何超儀以及楊詩敏（蝦頭）。不過何超儀嘅造型打扮成功引起話題，有網民發現佢好似圓潤咗，而且服裝似乎過份前衛，令大眾都表示「唔係好識欣賞」、「著到好似迪士尼嘅庫伊拉咁」！

Photo from 《肥美人》

Photo from 小儀IG

# KOL雪姨成為唯一一位沒有名銜嘅評判？！

有眼利嘅網民仲發現14位專業評審中，竟然有早前鬧出「盆菜風波」嘅KOL雪姨！不過相信節目較早前就已經錄影好，琴日播出嘅時候，只係得雪姨一位冇標明職業或者獲獎頭銜，令網民都講笑咁話「什麼都不是」。

Photo from 《肥美人》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【ViuTV2022節目巡禮】下年劇集+綜藝搶先睇：5大重頭原創劇、神徒選秀、銀髮《造星》！新吉祥物登場！

18 Oct , 2021

ViuTV今年推出的多部劇集和綜藝節目，都成功掀起全城熱話~日前《ViuTV2022節目巡禮》就公布五大重磅原創劇集，除了MIRROR成員在兩部運動題材劇集擔正主演，仲有久違再拍劇的郭羨妮、梁詠琪等助陣！綜藝節目方面，當然少不了ViuTV最受歡迎的真人騷節目，包括另類選美節目《肥美人》和《女金剛》、七師傅《七救星》第二輯《七福星》等~而MIRROR成員Anson Lo與Anson Kong雖然無份參與劇集，但個人的綜藝節目~即刻來睇2022年的ViuTV有哪些精彩節目！

ViuTV 2022 | 原創劇集

·《i.SWIM》

Photo from ViuTV截圖

《i.SWIM》以遊泳為主題，講述兩位青年泳手展開一段亦師、亦敵、亦友的競賽，一場「天賦」與「努力」的較量。除了憑《大叔的愛》而人氣急升的Edan（呂爵安）擔正，還有一眾年青演員加盟，包括Jeffrey（魏浚笙）、Alton（王智德）、黃奕晨、George（歐鎮灝）及Marco（葉振弘）等~

Photo from ViuTV截圖

·《季前賽》

Photo from ViuTV截圖

同樣以運動為主題的劇集還有勵志喜劇《季前賽》，講述關於街頭籃球的故事，主演陣容包括MIRROR姜濤、Ian（陳卓賢）、Edan、Stanley（邱士縉）、ERROR 193（郭嘉駿）及肥仔（梁業）。由於以籃球為主題，《季前賽》一度被指是港版《男兒當入樽》，令人期待！

Photo from ViuTV截圖

·《IT狗》

Photo from ViuTV截圖

《IT狗》以一班IT界另類精英為主幹，講述他們在職場的奮鬥血淚史，演出陣容包括Lokman（楊樂文）、淩文龍、陳漢娜、岑珈其、Stanley（邱士縉）、Frankie（陳瑞輝）、彭秀慧及余逸思等。雖然劇集明年才在ViuTV推出，但已率先受邀在第十八屆香港亞洲電影節率先播出！

·《冥冥之中》

Photo from ViuTV截圖

由郭羨妮、劉心悠、栢天男、潘燦良及蘇志威等主演的懸疑劇《冥冥之中》，以死神公司為背景，講述一間以連鎖效應死亡事件來平衡人口數量的公司，題材非常新穎破格！其中，已經相隔6年沒有接演長篇劇集的47歲郭羨妮，在劇中竟然飾演與自己年齡相差16歲的陳嘉倩的曾祖母，充滿挑戰性~

Photo from 郭羨妮_IG

·《反起跑線聯盟》

Photo from ViuTV截圖

早前已經正式開拍的《反起跑線聯盟》，由梁詠琪、周家怡、潘燦良、強尼、練美娟、ERROR 肥仔、李炘頤等演出，講述一對堅拒成為怪獸家長的父母，和要求子女贏在起跑線上的「虎爸」、「虎媽」，在學校為自己的理念爭辯的故事。今次是梁詠琪相隔十多年後再次拍劇，令人相當期待~

Photo from ViuTV截圖

ViuTV 2022 | 推薦劇集

·《940920》

Photo from ViuTV截圖

2019年以奇幻穿越、平行時空為題材的《二月廿九》，曾被譽為ViuTV版《金宵大廈》，大獲好評~原班人馬再度合作推出續作《940920》，並由吳海昕、劉俊謙繼續擔任主演，更有劉俊謙女友蔡思韻加盟。

·《三命》

Photo from ViuTV截圖

由杜琪峰擔任導演的警匪片，大規模製作堪比電影，目前公開的演員包括ERROR 阿Dee（何啟華）、林愷鈴、胡子彤和袁富華，但暫時未知是連續劇還是一集完的電視電影，一起拭目以待！

ViuTV 2022 | 綜藝節目

·《神的女主角》

Photo from ViuTV截圖

《神的女主角》以MIRROR Anson Lo尋找MV女主角為主題，公開招募神徒家族參與，以「家庭組別」展開比賽，並選出六個神徒家庭對決。Anson Lo在宣傳片中表示自己非常重視家庭，所以很好奇六個參加家庭的背後故事，並希望能透過節目讓大家的家庭關係變好~

Photo from ViuTV截圖

·《香港秘密搜查官》

Photo from ViuTV截圖

無製限OT編集団製作的全新力作！《香港秘密搜查官》特別找來陳漢娜、Asha徐㴓喬等做搜查官！宣傳片可見他們需要上山下海，更打著「係香港搵嘢搵到要拼上性命，調查不明飛行物體、學習超能力、搵野生鹿等﹗ 」

Photo from ViuTV截圖

·《Have A Sweet Gym》

Photo from ViuTV截圖

《Have A Sweet Gym》是由MIRROR Anson Kong（江?生）獨自主持的飲食節目~AK在宣傳片紅表示「一啖砂糖一啖咩？一邊整甜品一邊教減肥！我搵啲靚仔幫生粉操肌，我去學整甜品，幫大家補充卡路里！」期待AK的大顯身手！

Photo from ViuTV截圖

·《我不是廢老》

Photo from ViuTV截圖

被稱為銀髮版選秀真人騷《全民造星》的《我不是廢老》，參加者當然是一班銀髮族~比賽期間會安排他們學習唱歌、瑜伽等各種技能，其中一位參賽者就直言唔介意以三點式示人，但又唔想令人不安，相當搞笑！

Photo from ViuTV截圖

·《聲戰》

Photo from ViuTV截圖

在《七救星》經過七師傅加持後男子組合P1X3L，人氣急升，更擁有自己的綜藝節目，是一個關於聲音、考聽覺的ASMR類遊戲節目。

Photo from ViuTV截圖

·《肥美人》

Photo from ViuTV截圖

繼《口罩小姐》、《造美人》之後，ViuTV再次舉辦另類選美節目！全新推出的重磅級選美真人騷《肥美人》，希望能打破世俗對肥人的審美框框，讓參賽者們挑戰自我、發揮才華，展現「自信就是美」。節目已於10月13日起公開招募~

Photo from ViuTV截圖

·《女金剛》

Photo from ViuTV截圖

同樣於2022年登場的全新選秀真人騷節目，還有以強悍健碩的「女漢子」為主題的《女金剛》！雖然暫時沒有公開招募詳情，但在宣傳片中有特別提及「丟開鮮花、化妝品，愛拎士巴拿，全新一小時真人騷，塑造強悍女金剛！」

·《七福星》

Photo from 張敬軒_IG

《七救星》將於11月開拍第二輯《七福星》！七師傅表示全新一輯唔同上一輯，會邀請巨星，第一位嘉賓就是張敬軒，還會邀請少爺占等人。「《七福星》會有新元素，但仲諗緊，一定會有好多驚喜﹗」

·ViuTV 2022 | 新一代吉祥物「生菜」

Photo from ViuTV_Facebook

繼「Sound Bear生啤」之後，ViuTV全新一代吉祥物「Sound Choice生菜」登場，諧音「生財/才」頗有吉祥的意思！話說「生啤」自2017年起成為ViuTV吉祥物後，現已晉升高層，日理萬機，處理吉祥物業務漸覺分身乏術。之前在《全民造星IV》女團海選現場，發現有一只身形樣貌與自己不相伯仲的女參賽者，非常驚喜，即刻使用權力請花姐（黃慧君）出手，繞過所有行政手續，招攬它成為ViuTV新一代吉祥物，取名「Sound Choice生菜」。