![何超蓮竇驍結婚!細數兩人過往情史,竇驍曾與奚夢瑤傳緋聞?!](https://image.presslogic.com/holiday.presslogic.com/wp-content/uploads/2023/04/fdca4cc2.jpg?auto=format&w=718)
何超蓮竇驍結婚!細數兩人過往情史,竇驍曾與奚夢瑤傳緋聞?!
賭王何鴻燊三房千金何超蓮與內地演員竇驍近日喺峇里島舉行世紀婚禮!並公開多張婚禮照片,超蓮戴住三對龍鳳鈪出嫁,盡顯賭王千金嘅貴氣同風範,回顧佢同竇驍嘅相愛歷程,兩人一直愛得高調,不過亦曾傳出情變。佢哋相愛前嘅感情生活都好精彩!
Photo from 竇驍微博
何超蓮被譽為「最索千金」!
何超蓮過往憑著甜美樣貌以及魔鬼身材,獲網民稱為「最索千金」~除此之外,佢學歷亦非常唔錯,以一級榮譽成績畢業於英國倫敦大學的商學院,曾任職會計師;同爸爸一樣非常有商業頭腦,2018年投資買下台灣知名牛肉麵海外代理權,分別於銅鑼灣以及旺角開舖做老闆娘,可惜礙於疫情關係最終喺2020年宣佈結業。
Photo from 何超蓮微博
Photo from 何超蓮IG
2019年與內地男演員竇驍拍拖!
事業順利嘅何超蓮感情生活一樣精彩~2019年,佢被拍到與內地男演員竇驍於升降機熱吻,掀起熱話,二人隨即公開戀情。認愛後佢哋一直愛得甜蜜,經常於社交平台大晒恩愛,仲會以情侶檔出席公開活動以及綜藝節目,感情有增無減~
Photo from 竇驍微博
Photo from 何超蓮微博
2022年底超蓮竇驍零互動傳分手
賭王離世後設靈,竇驍一連三日陪住超蓮出入,準女婿身份已獲三房確認,而網友亦不時以「你老公」稱呼竇驍,超蓮亦未有反駁,兩人結婚似乎只係時間問題。不過2022年年尾就傳出兩人分手嘅消息,佢哋有一段時間微博「0互動」,與以往「打情罵俏」嘅情況大為不同,以往何超蓮一定會喺微博公開祝男友生日快樂,但到12月15日竇驍34歲生日,超蓮竟然一反常態無任何表示,有網民猜測兩人情已逝。
Photo from TVB
Photo from 何超蓮微博
Photo from 何超蓮微博
Photo from 何超蓮微博
4年情修成正果,峇里島舉行世紀婚禮
之後超蓮上TVB錄《獎門人》時就被問到感情狀況,超蓮雖然不願提感情事,但就指承認感情穩定。之後喺情人節又晒出甜蜜合照,力證感情不變。2月尾時更傳出兩人將於4月18日於峇里島拉埋天窗,近日佢哋以及好友都陸續飛往峇里島,為婚禮作準備。
Photo from TVB
到4月18日嘅大日子,竇驍喺微博晒出多張婚禮照:「三餐四季@何超蓮Laurinda」,超蓮亦有轉發:「餘生漫漫@竇驍」,相戀4年終於修成正果,超蓮亦由「最索千金」變成「竇太太」!翻查超蓮以往嘅感情生活亦相當豐富!
Photo from 竇驍微博
Photo from 竇驍微博
Photo from 竇驍微博
Photo from 竇驍微博
2008年情竇初開
過往何超蓮桃花緣都非常好,時不時都會與其他男藝人爆出緋聞。2008年,何超蓮與於英國一齊讀書嘅朋友徐鈺恆交往,據悉對方家庭經營電子生意;而情竇初開嘅佢仲曾經帶同初戀男友出席東華晚宴,介紹俾父母認識;可惜戀情最終無疾而終!
Photo from 何超蓮微博
模特兒黃俊豪(Jeremy)
而何超蓮第二任公開嘅男友係模特兒黃俊豪(Jeremy),外型高大健碩嘅佢同何超蓮外型非常匹配,但有傳男方太高調,加上性格多情,所以引起超蓮媽媽不滿,交往1年左右就分手收場!現時Jeremy已經變成藝人,曾出演大台電視劇《我家無難事》;人脈亦非常廣,與呂良偉、關之琳等一齊聚會。
Photo from 黃俊豪IG
Photo from 黃俊豪IG
吳克群
2011年,何超蓮與台灣歌手吳克群開始拍拖,感情似乎非常穩定。吳克群亦係超蓮喺竇驍之前唯一承認嘅男朋友。但到2015年年尾,何超蓮突然於IG表示「答應自己,這是我最後一次為你流淚,我不會記恨,我要往前走」,二人各自發佈「分手宣言」,4年感情迎來終結!其後,何超蓮曾暗示男方性格花心,但遭到男方否認,二人分手原因一度引起熱議。
Photo from 吳克群IG
Photo from 微博
柯震東
何超蓮吳克群分手後,多次與男藝人們傳出緋聞。2016年4月,佢就被拍到與柯震東喺台北唱K,期間男方仲一度攬住佢,關係似乎非常親密!不過,何超蓮事後澄清只係好友關係,而對方只係比較熱情咁招呼佢。
Photo from 柯震東IG
方力申
2016年尾,何超蓮與方力申傳出秘戀幾個月,有傳二人一齊去喜馬拉雅山做義工嘅時候,仲親密咁「一支水兩份飲」!然而,男方曾向傳媒表示只係好友關係,仲大讚對方係好女仔。
Photo from 方力申IG
Photo from 何超蓮微博
楊政龍
喺2017年,媒體就大爆何超蓮與楊受成細仔楊政龍熱戀,仲被拍攝到二人一齊去睇戲;但女方當時回應「佢係我契哥」,二人感情一直都非常好,絕對唔係情侶關係。
Photo from 何超蓮微博
竇驍出道與周冬雨傳戲假情真
竇驍嘅緋聞女友亦都唔簡單,佢出道參演由張藝謀執導嘅電影《山楂樹之戀》就同拍檔周冬雨傳出緋聞,不過兩人當時都否認戀情。
Photo from 《山楂樹之戀》劇照
豪門千金程曉玥
竇驍曾經同過另一位豪門千金程曉玥傳過緋聞,不過程曉玥之後又同另一位內地男友鄭愷拍拖,兩人緋聞無疾而終。
奚夢瑤
竇驍同超模奚夢瑤都傳過緋聞,當時竇驍更喺微博晒出奚夢瑤食飯嘅相片,事隔多年,竇驍成為賭王女婿,而奚夢瑤則嫁畀四房何猷君,一對緋聞男女最終成為親戚,真係世事難料!2019年竇驍同何超蓮公開戀情時奚夢瑤就發微博澄清自己同竇驍一直以嚟都係同事關係,又指合照中嘅女士係以前公司老闆,最後又祝好友同超蓮幸福快樂!
Photo from 竇驍微博
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
何超蓮肚凸凸惹網民熱議:幸福肥定係真有喜?竇驍公開嗌超蓮「老婆」再引秘婚疑雲
27 May , 2021
有「最索千金」之稱嘅已故賭王何鴻燊三房千金何超蓮同男友竇驍拍拖以嚟向來愛得甜蜜,更不時喺社交平台上高調放閃曬恩愛。早前更有傳二人已秘密結婚,不過好快佢哋就否認咗。而近日網上就再傳出疑似超蓮懷孕嘅疑雲。
Photo from 何超蓮/weibo
早前喺超蓮生日時,竇驍就為超蓮準備咗一個猶如求婚Party嘅生日會慶祝,十分之浪漫,氹得超蓮甜在心頭。不過生日會又點上得到個呢!近日有網友就喺社交網中上傳另一段竇驍為超蓮慶生嘅短片。
Photo from 何超蓮/weibo
Photo from weibo
片中二人身穿情侶 Tee、戴上情侶手鐲,竇驍親自為女友點蠟燭,唱完生日歌後再肉緊摸着對方錫,該網友直言佢哋成晚都不停放閃!
Photo from weibo
Photo from weibo
不過有網友就 fouse 咗喺超蓮身穿嘅黑色鬆身 Tee 上,並指超蓮嘅肚子出奇地凸起,對比身邊嘅竇驍,肚子明顯有肚凸凸嘅感覺,隨即惹來懷孕疑雲!
Photo from weibo
Photo from weibo
但有網友就覺得可能只係拍攝角度同衣着問題,或者超蓮只係「幸福肥」而已。
Photo from weibo
其實睇番超蓮早前上載嘅相,佢都係穿鬆身衣服比較多,加上之前竇驍又曾喺內地真人騷《追星星的人》中公開叫超蓮做老婆,氹得超蓮即時冧爆甜笑,明顯兩人已認定對方,視對方為結婚對象。
Photo from 《追星星的人》截圖
Photo from 《追星星的人》截圖
此外,喺上個月時,就有傳出超蓮同竇驍已婚嘅消息,但當時竇驍就迅速否認,並指何家仍處守喪期。
Photo from 何超蓮/weibo
唔知今次會唔會係超蓮嘅守喪期已過,二人已秘密領證仲有喜呢?!
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)