劉嘉玲關之琳罕有同場出席派對 疑不滿嘉玲約前夫行山 曾反目斷交5年

本為閨蜜嘅劉嘉玲和關之琳曾於2015年反面，原因有傳與後者前夫兼富商陳泰銘有關。但嘉玲在前年釋出二人合照宣布破冰，到近日，兩人更同場出席一場星級派對，玩得不亦樂乎！

劉嘉玲早前在上海渡過居家抗疫生活，到上個月終於返港，繼續郊遊行山之餘，又為姪仔劉兆恩（Jeff）慶祝生日，非常惬意。

Photo from 劉嘉玲IG

Photo from 劉嘉玲IG

劉嘉玲與關之琳同場出席派對

日前，佢同呂良偉夫婦、關之琳、琦琦等好友一同參加牛仔主題派對。眾人都悉心打扮，劉嘉玲和關之琳同樣穿上黑裙，頭戴牛仔帽，並分別以紅色圍巾及長靴點綴造型。而呂良偉更手執雪茄擺甫士打卡，真係入型入格。不過，派對大合照就未見嘉玲身影，可能佢一時行開咗~

Photo from 呂良偉微博

Photo from 呂良偉微博

Photo from 呂良偉微博

關之琳曾不滿劉嘉玲與前夫行山？

劉嘉玲與關之琳相識超過20年，本屬好姊妹嘅兩人一度傳出不和，有指原因與一名富商有關。關之琳自2007年起多次被拍到跟身家逾400億嘅富商陳泰銘出雙入對，雖多次傳出婚訊，但都被兩人否認。直到2015年，關之琳突然在公開活動自爆已經同陳泰銘離婚，外界才知道二人曾秘婚。

Photo from Sotheby's FB

同一場合中，關之琳更直言劉嘉玲與陳泰銘曾結伴行山，令佢相當介懷，又直指兩人無顧及別人感受。劉嘉玲知道消息後，亦反駁：「我都唔知佢結婚離婚，唔係best friend啦！」

Photo from 關之琳微博

從此，佢跟嘉玲嘅姊妹情正式決裂，二人亦甚少同場。2016年，兩人曾前後腳出席一場婚宴，關之琳當時被問與劉嘉玲同場會否尷尬時，坦言：「應該佢尷尬啲。」不過，劉嘉玲似乎不太在意，更向傳媒表示不需避嫌。

Photo from 劉嘉玲IG

斷交5年正式和好

到2020年，劉嘉玲突然在IG分享一張關之琳合照，可見兩人身貼身笑得非常自在，佢又在限時動態上載了對方獨照，證實斷交5年嘅兩人正式破冰。

Photo from 劉嘉玲IG

Photo from 劉嘉玲IG

相關文章：上海封城｜眾星豪華居家抗疫生活曝光 富人屋苑齊集彭于晏劉嘉玲 樓價3千萬起

相關文章：關之琳細佬正面照曝光！職業為風水師或繼承5億身家！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）