MC張天賦透露婉拒ViuTV男團邀約原因！親自回應與2位MV女主角緋聞！坦承現時單身想拍拖

歌手MC張天賦憑歌曲奪得多個新人獎，成為人氣歌手～最近，佢上商台《星光背後》接受專訪，自爆唱歌並非靠天賦，仲解釋當時婉拒加入男團嘅原因，並提及上年備受觸目嘅緋聞！

Photo from 張天賦IG

MC今年獲得多個新人獎項！

現年25歲嘅MC（張天賦）於ViuTV《全民造星2》中獲得亞軍，其後簽約成為華納唱片旗下歌手，推出嘅歌曲《反對無效》、《記憶棉》、《時間不早》等都獲得唔錯嘅成績，於唔少頒獎典禮中橫掃新人獎項！

Photo from 張天賦IG

自學唱歌，全靠後天努力！

日前，MC接受商台電台《星光背後》專訪，指自己從小就鍾意唱歌，最鍾意模仿台灣歌手周杰倫，後來，佢選擇自學唱歌，指學習過程非常艱辛，並非如大家所講嘅非常有唱歌天份「我真係靠後天嘅努力㗎」！

Photo from 商業電台 YouTube

爸爸未能看《造星2》決賽成遺憾！

MC坦承當年家人都唔贊成佢入行，只得3年前去世嘅爸爸全力支持佢；認為爸爸未能睇到佢參見《造星2》決賽係遺憾，但相信爸爸都會睇到佢宜家嘅表現，抱持樂觀心態面對！

Photo from 《全民造星2》

解釋未有簽約成為ViuTV第二男團原因！

當被問到當年ViuTV邀請佢加入男團傳聞時，MC直言覺得自己「勝任唔到男團」，而且唔擅長跳舞；加上佢想擁有更加大嘅自由度，所以就婉拒與ViuTV簽約嘅機會！

Photo from 張天賦IG

回應與MV女主角傳緋聞一事

上年，MC嘅感情生活都受到大眾關注，其中2段緋聞係同合作過嘅MV女主角有關。佢表示得知新聞曝光後，反應並唔大「做呢行多人識，好自然會成為話題。」強調同2位女主角都只係普通朋友！當被問到會否避免同異性出街時，佢表示非常掙扎「我行得正企得正，點解要避免同異性出街？」日後或者儘量避免單對單與異性出街。

Photo from MC張天賦 YouTube

Photo from 華納

網民講笑指係「MC魔咒」！

曾經出演過MC MV嘅女主角們都被爆出新聞，包括：Santis與YouTuber「熊仔頭」分手、Ash與台灣籍丈夫離婚等，令唔少網民都忍唔住話「似乎有MC魔咒」，女主角們都「無一倖免」？！

Photo from FH Production @YouTube

Photo from taiwan.fatboy@IG

大爆理想女友條件！

正值事業上升期嘅MC坦承現時單身並且想拍拖，仲曾經喺陳志雲嘅節目中大爆自己係「大男人」，比較鍾意小鳥依人、長頭髮嘅女生；而佢就話最近新增咗一個要求「希望佢得體，意思即係言行舉止談吐方面見得人，最好就靚啦！」

Photo from 張天賦IG

相關文章：網民疑似撞破Ash同MC張天賦約會?拍MV戲假情真?MC一句回應兩人關係

相關文章：熊仔頭宣布與Santis解約，疑與MC約會有關？曾傳兩人已秘婚

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

MC張天賦再被揭有新歡？！女方有男友，網友憑自拍照踢爆兩人關係非一般

4 Feb , 2022

MC張天賦早前連環同《全民造星4》Ash（鍾卓穎）、「熊仔頭」Santis傳緋聞，雖然MC指自己仍是單身，但網友再發現MC疑似有新對象，女方更被爆有男友！兩人非一般關係曝光全因一個線索？！

Photo from warnermusic

MC張天賦被連環爆與Ash、Santis同遊超市

MC張天賦唱功了得，異性緣都唔錯，早前因為被揭同MV女主角Ash（鍾卓穎）平安夜同遊超市傳出緋聞，同時Ash宣佈離婚令MC陷入「第三者疑雲」！

Photo from lihkg

Photo from warnermusic

雖然MC澄清同Ash唔熟，又強調自己係單身，但風波未平佢被爆同另一女子到訪超市shopping，女方疑似係「熊仔頭」FHProductionHK嘅Santis，有傳Santis係熊仔頭老婆，所以MC再被指介入他人婚姻。

Photo from Santis IG

網民再爆MC疑似有新歡

緋聞事件發生僅過去一個月，MC表示會同女性保持距離，眼利網民再發現MC疑似有新歡！連登討論區有人開post「突發！！MC繼Ash Santis又一新女」，樓主更附上有關照片。

Photo from warnermusic

憑自拍照踢爆兩人關係親近，門嘅特徵都一樣？！

樓主晒出一位女士喺鏡前嘅自拍照，仲話：「背景似Mc屋企」，仲大爆女方早有男友。睇返女生嘅自拍，的確同MC曾公開嘅自拍照背景十分相似。

Photo from lihkg

Photo from lihkg

Photo from lihkg

不過背景相又唔代表啲咩，細心嘅網民指出：「想話道門咁啱一樣姐，點知門側邊都係一樣」，兩人自拍照左邊門框都有同一個特點，更有網友搵到：「係門後面條地毯都一樣」

Photo from lihkg

Photo from lihkg

Photo from lihkg

女方被爆有男友

網友表示MC有follow到相中女士嘅IG，而喺事件傳出後女生嘅IG已設為私人帳號，但有follow嘅網友稱女方開始大量刪除IG照片。

Photo from HolidaySmart

Photo from lihkg

有疑似知情人士指女方曾同男朋友講唔得閒，因為要同女仔fd去staycation慶祝生日，但實情係約咗MC？！事主暫未回應緋聞，但已掀起網友熱議。

Photo from MC IG

Photo from lihkg

有人認為MC唔抵幫：「聖誕一單，新年又一單」、「咁樣自毁前程真係自己攞嚟」，不過亦有網民稱MC靚仔又有實力，異性緣好其實好正常。

Photo from MC IG

Photo from lihkg

Photo from lihkg

Photo from lihkg

相關文章：Ash鍾卓穎神隱18日「復出」試水溫？Sica留言力撐竟掀罵戰！

相關文章：Ash前夫突襲MC直播留言後道歉!自爆同女方簽保密協議+收6萬台幣封口？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）