歐陽娜娜人設崩壞致人氣急跌，真人騷現真面目？三原因惹觀眾反感

By Moon Lam on 06 Jun 2022

Digital Content Writer

就黎22歲嘅歐陽娜娜係內地全力發展演藝事業，2020年就有媒體報導歐陽娜娜半年就有約7500萬港幣收入！有台灣星二代嘅光環又有經理人打造完美人設，可以話「嬴在起跑線」，但最近就有媒體指佢係內地人氣暴跌，甚至人設崩壞？

#星二代出身從小備受關注

歐陽娜娜係台灣出世，父母係著名藝人歐陽龍同傅娟，姑姑亦係歌手歐陽菲菲，所以歐陽家三姐妹從小就受媒體關注。

Photo from 節目截圖

佢由6歲起學大提琴，12歲已經舉辦自己嘅演奏會，成為台灣有史以來年紀最細嘅獨奏家，13歲更以全額獎學金入讀美國音樂名校柯蒂斯音樂學院，因此傳媒以「天才大提琴美少女」稱呼佢。音樂實力加上清純甜美嘅外形同氣質，令佢係14歲就獲得第一次演出機會。

Photo from 節目截圖

#氣質出眾星路順暢

當時歐陽娜娜參演一套叫《北京愛情故事》嘅電影，同男主角劉昊然飾演一對情侶大受歡迎，戲中更憑出眾嘅氣質獲觀眾讚賞。

Photo from 電影劇照

一年後再參演電影《破風》亦被提名澳門國際電影節最佳女配角。

Photo from 電影劇照

而大提琴古典專輯《15》亦係日本獲最佳新人獎，而佢亦係同年從美國柯蒂斯音樂學院休學，正式加入演藝圈。

Photo from 《15》專輯封面

佢係18歲時宣布簽約壹心娛樂，經紀人楊天真被稱為營銷鬼才，曾經同范冰冰合作，於是佢亦將歐陽娜娜包裝有才華嘅完美美少女，透過分享女學生嘅生活影片而受到少女追捧，用個性穿搭將佢捧為時尚界寵兒，甚至用「每個女生都想活成歐陽娜娜」打造人設。

Photo from 歐陽娜娜 Youtube

#出道8年人設崩壞

娛樂博主「鳳凰說」就提及歐陽娜娜最近係內地人氣急跌嘅原因。第一就提到佢嘅「浮誇演技」。2016年歐陽娜娜曾經係電視劇《是！尚先生》任女主角「鹿小葵」，天真樂觀嘅角色感覺對青春活力嘅歐陽娜娜無咩負擔，只要本色演出就可以，結果因為令人尷尬嘅演技被網友評為「元氣少女演成傻子」，更覺得佢呢個角色太吵鬧。

Photo from 鳳凰說 Youtube截圖

而係節目《演員的誕生》更再一次令觀眾大跌眼鏡，連台詞都無清晰咁表達，令人直呼「真的不會演戲」。

Photo from 鳳凰說 Youtube截圖

但憑住本身嘅音樂才華同時尚穿搭形象，2018年搜狐舉辦95後四小花旦仍然有佢一席之位。

Photo from 鳳凰說 Youtube截圖

而演技評價麻麻，歐陽娜娜就轉戰綜藝，參加真人騷節目令佢嘅真實個性更加表露無違。而第二個令佢人氣急跌嘅原因就係「和男性相處無分寸」。「鳳凰說」嘅影片就提及係內地節目《潮流合夥人》中，佢話自己帶黎嘅衫唔夠，同樣參加節目嘅周揚青即刻大方表示可以出借衣服，但佢當時用「好餓」黎轉移開話題，而節目上一句「謝謝姐姐」仲係節目組後製嘅。

Photo from 鳳凰說 Youtube截圖

而且觀眾後來發現歐陽娜娜最後疑似係向男賓陳偉霆、范丞丞借衫，當時網友就表示一個以經營潮流店為主題嘅節目，要搵人借衫其實唔難，因此紛紛覺得歐陽娜娜呢個行為充滿「綠茶味」。除此之外佢係節目中亦有未經允許去陳偉霆嘅房間、私自用陳偉霆嘅配飾，當時20歲嘅佢又莫名咁叫35歲嘅陳偉霆做「爸爸」，令網友覺得佢無禮貌又無家教。

Photo from 鳳凰說 Youtube截圖

網友又翻出佢同其他男星炒緋聞嘅事，歐陽娜娜初出道同劉昊然嘅《北京愛情故事》圈獲唔少粉絲，男方澄清當歐陽娜娜係妹妹，而另一邊廂歐陽娜娜就係節目中曖昧咁表示同劉昊然有可能。而歐陽娜娜亦有唔少緋聞對象，仲同唔少男星有親密嘅舉動，19歲就傳過7段緋聞，連網友都評價佢表裡不一，鍾意周圍認契哥。無作品靠炒緋聞維持熱度、拍廣告同代言賺錢先係令觀眾對佢反感嘅地方，到2019年四小花旦本身歐陽娜娜嘅位置已經被人取代。

Photo from 鳳凰說 Youtube截圖

「鳳凰說」博主嘅影片提及歐陽娜娜為演藝圈退學，已經等同放棄職業演奏家嘅路，而佢現時嘅大提琴水準已經同同齡嘅演奏家差好多。不過歐陽娜娜亦有轉行歌手路線，以佢嘅音樂天賦做唱作歌手應該都無咩大問題，但佢嘅原創《THE BEST FOR YOU》被網友認為抄外國歌手SHAED嘅《Trampoline》，引起更多人反感﹐即使公司澄清「絕無抄襲」都無補於事。