K11 ARTUS寓館住宿連餐飲套票 低至64折！3款房型全擁私人露台，邊睇海景邊歎下午茶！

尖沙咀K11 ARTUS推出超正住宿連餐飲套票！低至64折，有多達三款房型選擇，全部坐擁私人露台，仲包早餐及三層架下午茶，等你一邊食一邊睇景，超級愜意~ 以下即睇優惠詳情！

K11 ARTUS推包2餐住宿套票

K11 ARTUS 寓館係尖沙咀海濱上嘅文化藝術地標，在2019年開幕後廣受歡迎。今次，K11 ARTUS新推連餐飲嘅Staycation套票，優惠低至64折，有三款房型任揀，分別有：ARTUS Studio 開放式公寓、ARTUS One 城景套房 及 HARBOUR One 海景套房，全部擁私人露台，住客可飽覽維港海景或城市景觀，非常chill！

免費使用設施及無邊際泳池

酒店嘅優越地理位置，除了讓客人可從多角度俯瞰維港景色，交通亦好便利。酒店內亦有多個設計舒適嘅公共空間，更有專人進行藝術導覽服務，讓大家了解K11 ARTUS內嘅藝術展品，仲有不容錯過嘅無邊際泳池，啱晒去打卡！

全部方案已包雙人早餐，及Artisan Lounge雙人下午茶 (價值HKD878)。住客可到位於10樓嘅全日餐廳 The Commune 食早餐，大歎中式、西式及健康類菜式。

安坐私人露台歎High Tea

下午茶方面，酒店將安排專人將Artisan Lounge嘅三層架英式tea送到住客房間，等大家可以安坐露台，望住靚景歎high tea~

3款房型任揀

套票開放三款房型畀客人任選，入住和退房時間分別為：15:00及12:00，全部內置1張特大雙人床 (2.06米寬)、步入式衣帽間、開放式廚房及寬敞私人露台，客人可免費享用房內迷你吧，一應俱全。「開放式公寓 Studio City View」面積達48平方米，木系裝潢時尚型格 (價錢：$4400起)。

「 一房套房 ARTUS One」面積達85平方米、極具柔和格調，住客可放鬆身心欣賞迷人城市景致 (價錢：$5280起)。

「海景一房套房 HARBOUR One」面積達71平方米，住客可同摯愛坐在私人露台裡一邊談心、一邊欣賞維港海景，相當relax (價錢：$6160起)。

套票優惠期由即日起至6月27日，兌換日期則到6月30日截止，有關防疫措施請進入預訂網查看。方案價格已包含加一服務費，想鬆一鬆，遠離城市煩擾嘅朋友，就要快啲預訂套票喇~

「K11 ARTUS 住宿連餐飲優惠套票」
優惠期：由2022年6月1日至至2022年6月27日
兌換日期：2022年6月1日至2022年6月30日
電話：2107 3388
地址：九龍尖沙咀梳士巴利道18號
預訂網址：https://bit.ly/3Q3dZDq

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）