【天文現象2022】超級月亮6~7月接連登場！全年最大滿月係幾時？香港最佳觀賞時間/地點+交通攻略一覽

今年只出現2次嘅「超級月亮」，分別於6月和7月登場，其中7月更係今年最大滿月，當然要把握機會好好觀賞喇！如果天氣好嘅話，用肉眼都可以見到比平時更大更光嘅月亮。一文睇清「超級月亮」香港最佳觀賞時間、地點~

Photo from NASA

#「超級月亮」6~7月登場

進入6月，可以睇到「超級月亮」（Supermoon）啊！根據美國太空總署（NASA）嘅資料，香港嘅最佳觀賞時間為6月14日晚上7時52分，如果天氣好嘅話，抬頭望上天空，就能見到比平時更大嘅月亮~

Photo from NASA

不過，直至今日（6月8日），香港天文台預報下周6月14日香港大致多雲，並有幾陣驟雨~如果計劃到郊外觀月，記得出發前再留意當晚的天氣變化以及帶備雨具，以防萬一啦！

Photo from 香港天文台

#全年最大滿月

如果錯過6月14日嘅「超級月亮」唔緊要，因為7月仲有一次，而且係全年最大嘅「超級月亮」！7月14日凌晨2時38分為最佳觀賞時間，對天文現象有興趣嘅朋友千萬不要錯過！

Photo from NASA

#「超級月亮」是什麽？

話説「超級月亮」並非天文學嘅專業名詞，只係一般坊間用來形容在滿月後見到較大嘅月亮，這個説法最早出現於1979年。「超級月亮」一般會在兩個條件下出現：一係滿月/新月，二係月球位於最接近地球嘅地方（近地點）。當「超級月亮」出現時，代表月亮和地球之間嘅距離低於或接近35.4萬公里，所以月亮在視覺上看起來會比平時大至少12%，而且會更光！

Photo from NASA

如果天氣允許嘅話，用肉眼在家中望出窗外就能睇到「超級月亮」~如果想看得更清楚，可以到更寬闊及光害較少嘅戶外甚至郊野地區。另外，用望遠鏡嘅話，可以比較清楚睇到月亮表面嘅坑洞和陰影~

#香港推薦觀月地點

·天文公園

Photo from FB@香港太空館

位於西貢嘅天文公園係香港太空館設立嘅小型觀星地，亦係全港首個以天文設施為主題嘅公園，佔地1,200平方米，設有天文研習區、肉眼觀測區和望遠鏡觀測區。公園24小時開放，擁有各式各樣觀星設備，又係一個觀賞月亮嘅地方！

前往方法：於西貢市中心乘搭94、96R號九巴或7、9號專線小巴，在西貢北潭涌下車，再乘坐的士約15分鐘
*由於地方較偏遠，在北潭涌或需Call電召的士

·大埔海濱公園

Photo from 康文署

佔地約22公頃嘅大埔海濱公園，係是康文署轄下最大嘅公園，一向係人氣的賞月好去處！園内設有多個體育設施、昆蟲屋、不同嘅主題花園和香港回歸紀念塔，以及可一覽月亮景致嘅大草地。另外，仲有長達1,200米嘅海濱長廊，可一邊散步一邊賞月~

前往方法：乘搭九巴72A、73、73X、75X、271、275R、74K、75K、71K或71S號巴士；或乘搭K17號港鐵接駁巴士；或從大埔墟港鐵站出發，步行約30分鐘。

·石澳

Photo from Presslogic

位於香港島東南部嘅石澳，一向是觀賞天文現象嘅熱點~由於遠離市區，加上附近沒有太多高樓大夏，景色優美清靜，幾乎沒有光害嘅環境，絕對係觀月嘅推薦地點！

前往方法：從筲箕灣站A3出口出發，乘搭9號新巴至石澳巴士總站下車

·大美督

Photo from 漁農自然護理署

毗鄰船灣淡水湖主壩嘅大美督，因遠離市區，光害污染較少，所以一直係非常受歡迎嘅休閑景點。很多人都喜歡來這裡踩單車或燒烤，同時亦係觀賞天文現象嘅推薦好去處！

前往方法：在大埔墟鐵路站乘搭75K號或275R九巴（275R九巴只限星期日及公眾假期），或20C及20R專線小巴，在大美督巴士總站下車，車程約30分鐘。

·大坑墩

Photo from 漁農自然護理署

位於清水灣半島東邊臨海處嘅大坑墩，在清水灣郊野公園範圍内，郊遊設施相當完善，包括燒烤場及涼亭等，平日係著名嘅放風箏熱門勝地！在風箏場可飽覽無敵山海景，加上光害污染低，所以亦非常適合觀月~

前往方法：於鑽石山港鐵站C2出口外乘搭91號巴士，於清水灣道「大坳門站」下車，步行約20分鐘至大坑墩入口

·大帽山

位於新界嘅大帽山，海拔957米高，是香港最高嘅山峰~這裡不但係行山、觀賞日出日落嘅人氣好去處，亦非常推薦觀月！整個視野寬闊開揚，沒有太多阻擋物，而且站在山上感覺與天空嘅距離更接近，可以更清楚睇到月亮。

前往方法：從港鐵荃灣站A出口，步行至大河道北的巴士站，乘搭51號巴士至郊野公園站下車

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

相關文章：【天文現象2022】4月有得睇天琴座+寶瓶座流星雨！最佳觀星時間+推薦地點+直播連結

相關文章：【紅月亮】2021香港月全食+血月＋超級滿月！最佳觀賞時間、地點、網上直播連結一覽