download HolidaySmart 假期日常 app
荃灣豬肉檔威威被爆曾做傳銷？疑招攬員工，稱每月最多可搵5萬

荃灣豬肉檔威威被爆曾做傳銷？疑招攬員工，稱每月最多可搵5萬

娛樂新聞
By Jennifer on 10 Jun 2022
Digital Editor
今晚食乜餸：小二，嚟一碟花生！

阿威（劉宋威）走紅後人氣急升，日前開生日會更吸引過百「威威豬（阿威fans）」出席，不過最近有網民喺Facebook搵到疑似阿威舊相，指佢曾經做過傳銷，力sell一支黑色產品，即時引起網民討論。

阿威（劉宋威）走紅後人氣急升，日前開生日會更吸引過百「威威豬（阿威fans）」出席Photo from Facebook群組「荃灣鮮肉威威應援群」

荃灣豬肉檔阿威舊照曝光

「肉類分割技術員」阿威因為一張合照而成為新晉網絡紅人，接廣告又上電視，仲開埋生日會，待遇拍得住人氣偶像！日前宣佈正式出道嘅阿威開設多個社交帳號，又明言有意做幕前工作，相信見到生日會咁多fans出現應該會令阿威信心大增！

「肉類分割技術員」阿威因為一張合照而成為新晉網絡紅人，接廣告又上電視Photo from 品牌宣傳圖

但最近網上就有人爆出疑似阿威舊相，其實自佢走紅以嚟已有唔少「除罩舊照」曝光，但今次阿威手中仲拎住一支黑色產品，有網民見到呢支產品即留言：「呢支嘢黑心傳銷，無個好人」

最近網上就有人爆出疑似阿威舊相，其實自佢走紅以嚟已有唔少「除罩舊照」曝光，但今次阿威手中仲拎住一支黑色產品Photo from Facebook群組「大埔 TAI PO」

有網民見到呢支產品即留言：「呢支嘢黑心傳銷，無個好人」Photo from Facebook群組「大埔 TAI PO」

Maione青春定格原液（噴噴）

網友又表示佢哋聲稱呢支產品功效超多：噴頭會生髮、噴臉會瘦面等，十分神奇。翻查資料，呢支產品名為「青春定格原液(神奇拉提噴霧)」，俗稱「噴噴」，售價係HKD$1,580，聲稱一支可替代爽膚水、精華液、眼霜、面霜、日/晚霜等：「3-5個月讓你年輕5-10歲；3秒鐘透皮吸收、10分鐘緊緻拉提、28天塑形輪廓」

翻查資料，呢支產品名為「青春定格原液(神奇拉提噴霧)」，俗稱「噴噴」，售價係HKD$1,580Photo from Maione Hong Kong

一支可替代爽膚水、精華液、眼霜、面霜、日/晚霜等：「3-5個月讓你年輕5-10歲；3秒鐘透皮吸收、10分鐘緊緻拉提、28天塑形輪廓」Photo from Facebook群組「大埔 TAI PO」

招攬網友推銷產品？

網上又流傳一張疑似係阿威以前嘅Facebook，icon正係阿威同青春定格原液合照，該Facebook帳號出post招攬員工：「有無朋友想喺唔影響正職嘅情況下每月賺多1萬至5萬？」並列出部分要求：要識玩Facebook同Wechat、溝通能力良好、出嚟做嘢至少2年等。佢寫道：「先相信，後看見」、「歡迎預約了解生意制度或試噴產品」

網上又流傳一張疑似係阿威以前嘅Facebook，icon正係阿威同青春定格原液合照，該Facebook帳號出post招攬員工

威威被爆曾經做過傳銷？Photo from Facebook群組「荃灣鮮肉威威應援群」

有關產品劣評甚多？

而喺2018年就有Facebook page「直銷傳銷 背後真相」出post指有讀者爆料怒斥相關產品用咗會出現敏感情況：「唔少銷售產品嘅人都知道個產品有問題」

2018年就有Facebook page「直銷傳銷 背後真相」出post指有讀者爆料怒斥相關產品用咗會出現敏感情況：Photo from Facebook「直銷傳銷 背後真相」

疑似威威與有關產品合照Photo from LIHKG

有內地傳媒揭呢支青春定格原液係出口轉內銷的國產產品，由珠海諾氏公司生產，並非從美國進口。另外，相關產品於2015年、2016年未能通過檢查，仲被要求責令整改。

相關產品於2015年、2016年未能通過檢查，仲被要求責令整改。Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

荃灣豬肉檔AK阿威否認有後台捧紅！承認對幕前工作大感興趣

2 Jun 2022

荃灣街市豬肉檔AK阿威（劉宋威）爆紅，唔止接拍廣告，嚟緊仲會大搞生日活動，與一眾粉絲「威威豬」慶祝。日前佢受訪時就指走紅係意料之外，並非有公司捧紅，佢坦言有興趣做幕前，又話任何類型嘅工作都有意接觸。

荃灣街市豬肉檔AK阿威（劉宋威）爆紅，唔止接拍廣告，嚟緊仲會大搞生日活動Photo from 威威 劉宋威 Facebook

荃灣豬肉檔AK阿威爆紅

早前因為一張合照，荃灣街市豬肉檔一位「肉類分割技術員」阿威就被指貌似MIRROR成員AK而爆紅，短短幾個星期，阿威工作嘅豬肉檔每日都有好多市民搵佢合照，佢更接拍波鞋廣告，又開設社交帳號，正式出道。

早前因為一張合照，荃灣街市豬肉檔一位「肉類分割技術員」阿威就被指貌似MIRROR成員AK而爆紅Photo from Facebook群組 荃灣人

阿威工作嘅豬肉檔每日都有好多市民搵佢合照，佢更接拍波鞋廣告，又開設社交帳號，正式出道。Photo from 威威 劉宋威 Facebook

阿威爆紅隨即吸引一班fans自組「威威豬」，Facebook「荃灣鮮肉威威應援團」群組成員現已突破1.6萬人，阿威生日更會聯同商場大搞生日活動，榮獲偶像待遇！

阿威生日更會聯同商場大搞生日活動，榮獲偶像待遇！Photo from 荃新天地 Facebook

否認有後台捧紅，阿威承認對幕前工作感興趣

不過阿威迅速走紅卻惹嚟大公司「幕後推手」疑雲，有指阿威工作嘅豬肉檔係大集團經營，令網民質疑阿威係公司處心積慮推出嘅網紅，希望用人氣推高銷量。阿威接受訪問時表示一開始有熟客問可唔可以同佢影相，結果合照流出就令佢變成網絡紅人，否認有後台捧紅。

阿威迅速走紅卻惹嚟大公司「幕後推手」疑雲，有指阿威工作嘅豬肉檔係大集團經營，令網民質疑阿威係公司處心積慮推出嘅網紅，希望用人氣推高銷量。Photo from Facebook群組 荃灣鮮肉威威應援團

阿威接受訪問時表示一開始有熟客問可唔可以同佢影相，結果合照流出就令佢變成網絡紅人，否認有後台捧紅。Photo from 娛樂新聞台

對於佢日日髮型都打理得一絲不苟，阿威解釋：「我由細到大都中意自己set頭」，但佢承認現時好多廣告工作都係由公司同事接洽。阿威坦承對幕前工作感興趣，希望將來有機會咩都可以嘗試，包拾拍戲、拍廣告等。

對於佢日日髮型都打理得一絲不苟，阿威解釋：「我由細到大都中意自己set頭」Photo from 娛樂新聞台

阿威坦承對幕前工作感興趣，希望將來有機會接觸更多方面，包拾拍戲、綜藝節目等。Photo from 威威 劉宋威 Facebook

密密接job，阿威坦言有留意「素人對手」？

阿威澄清佢並非龍虎武師出身，只係少時喺圍村，對舞獅感興趣，空閒時間都會舞獅但最近因為疫情已好少再參與有關活動。出道短短時間，阿威就接咗唔少廣告，佢話會同公司同事商量選擇，煮嘢食行山做運動都無任歡迎。

阿威澄清佢並非龍虎武師出身，只係少時喺圍村，對舞獅感興趣Photo from 娛樂新聞台

出道短短時間，阿威就接咗唔少廣告，佢話會同公司同事商量揀選，但就表示咩工作都有興趣接Photo from 廣告照

對於自佢走紅後其他街市紛紛出現「賣魚MC」、「兩餸飯Ali」嘅明星相素人，阿威坦言自己都有留意：「各行各業都係行行出狀元啦，無話邊個睇中邊個嘅。」佢又指走紅後生意並無特別好咗。

對於自佢走紅後其他街市紛紛出現「賣魚MC」、「兩餸飯Ali」嘅明星相素人，阿威坦言自己都有留意Photo from Facebook群組 荃灣鮮肉威威應援團

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

娛樂新聞劉宋威