鄭秀文罕有提及原諒許志安原因，原來同爸爸有關？回顧二人33年愛情長跑
54歲許志安喺2019年被爆出婚內偷食事件，導致形象插水，幸好最終亦獲得妻子鄭秀文嘅原諒。最近，鄭秀文就透露當年選擇原諒伴侶嘅背後原因，原來係同爸爸多年來嘅教導有關？！另外，許志安似乎正密謀復出，據悉已簽約新唱片公司。
Photo from 鄭秀文IG
2019年許志安被爆偷食，形象一夜盡毀！
2019年，許志安被傳媒大爆偷食黃心穎，而導致形象一落千丈！事件曝光後，佢立刻召開記者會，爆喊道歉指自己非常後悔「我係一個壞咗嘅人，期望大家可以俾時間我搵返我自己。」，呢番言論引起網民熱議！而妻子鄭秀文都選擇原諒丈夫，繼續維繫二人嘅婚姻關係。
Photo from 東張西望
Photo from 鄭秀文IG
鄭秀文透露當年原諒許志安原因！
昨日（19日）適逢係父親節，鄭秀文喺IG上載同已離世爸爸嘅合照，坦承爸爸在生時曾教導佢唔少人生道理，令佢一生受用！而佢就罕有地透露當年選擇原諒丈夫嘅原因，原來係源於爸爸嘅一句「要懂得欣賞他人，也要欣賞伴侶而非單單愛。」令佢堅信愛能夠排除萬難，選擇與許志安繼續共度餘生。
Photo from 鄭秀文IG
許志安將正式復出？
而許志安就因為「安心事件」而導致需要停工，事業發展停滯咗2年；直到今年3月宣佈加盟環球唱片，正式復出！其實上年佢就已經飛往台灣參與電視劇《接招吧！製作人》嘅拍攝，一直都密謀緊「復出之路」，逐漸出現返喺幕前「試水溫」。
Photo from 許志安IG
Photo from 許志安IG
鄭秀文透露對方心情緊張！
鄭秀文近日出席活動受訪時，公開為許志安打氣「只要佢身體同心理準備好，我就覺得係最好嘅時間。」仲忍唔住大爆許志安其實好緊張「真係要再上台面對觀眾，唔多唔少都會有種恐懼。」希望佢能夠珍惜可以再次唱歌嘅機會！
Photo from 鄭秀文IG
Photo from 許志安IG
鄭秀文與許志安於1989年認識！
鄭秀文同許志安過往一直係大眾眼中嘅「模範情侶」，二人喺1989年認識彼此，屬於同一間唱片公司；喺1991年被安排合唱《其實你心裡有沒有我》，後來二人就被爆出熱戀中嘅傳聞。期間，鄭秀文曾與古天樂、謝霆鋒等傳出緋聞，但二人感情穩定，並冇受影響。
Photo from 娛樂新聞台
Photo from 娛樂新聞台
二人交往多年，曾公開於頒獎禮上晒恩愛～
喺2001年「十大勁歌金曲頒獎典禮」二人同時榮獲最佳男女歌手獎項，當時許志安就向鄭秀文發表「廚房宣言」，令台下嘅鄭秀文感動落淚，甜蜜感情羨煞旁人！可惜喺2004年，許志安突然宣布分手。女方非常失望，仲因此傳出患上抑鬱症，後來二人維持返朋友關係；而回復單身嘅許志安先後與助手潘恆章及模特兒余德琳交往。
Photo from 娛樂新聞台
Photo from 鄭秀文IG
2007年傳出復合消息？！
直到2007年許志安爸爸離世，鄭秀文前往拜祭而傳出二人低調復合嘅消息。2009年，鄭秀文舉辦演唱會時邀請男方做嘉賓，仲一齊合唱《其實你心裡有沒有我》，喺台上互動甜蜜，令二人嘅關係變得更加撲朔迷離！2013年，二人被爆與峇里島秘密結婚，直到2014年先承認婚訊，被大眾譽為「香港最後一個童話」。
Photo from 娛樂新聞台
Photo from 娛樂新聞台
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鄭秀文超性感不扣鈕造型公開！deep V到肚臍！Sammi：有幾多俾幾多
23 Mar , 2021
鄭秀文（Sammi）向來穿衣打扮都非常前衛，近日佢喺IG公開拍攝花絮片段，一身不扣鈕白裇衫配黑西裝，性感程度爆燈！
Photo from 鄭秀文IG
Sammi一向打扮新潮，曾經公開過演唱會重口味戰衣，令人驚歎唔係個個人都carry到件衫。
Photo from 鄭秀文IG
Photo from 鄭秀文IG
雖然有網友指似燒乳豬雙眼，但仍有唔少fans話Sammi著得好好睇！
Photo from 鄭秀文IG
Sammi日前喺IG公開佢工作嘅幕後花絮，見佢拎住枝唇膏補妝，最搶眼嘅係佢著上黑西裝，內搭白色裇衫，裇衫不扣鈕中門大開直落到肚臍，勁sexy！
Photo from 鄭秀文IG
Photo from 鄭秀文IG
Sammi不時用手整理衣領，微微拉開裇衫，眼睛半瞇，似乎相當欣賞自己嘅造型。
Photo from 鄭秀文IG
Photo from 鄭秀文IG
佢留言指：「#非常sammi #有幾多俾幾多 #百分百sammi」睇嚟佢都覺得呢身造型好有自己嘅風格。
Photo from 鄭秀文IG
大批網民留言讚Sammi好型！亦有網民問：「個眼神都好迷 當時係咪好眼瞓？」
Photo from 鄭秀文IG
Photo from 鄭秀文IG
Photo from 鄭秀文IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
