吳綺莉自爆為搵食做裝修/保險/地產！曾指成龍未有支付母女生活費？！

現年49歲嘅吳綺莉誕下女兒吳卓林後風波不斷，近年母女關係不佳，吳卓林更離開屋企與女友Andi生活。吳綺莉最近表示佢上個星期喺工地做裝修，又自爆有做保險、地產，連牌照都考埋！

Photo from 吳綺莉微博

吳綺莉與成龍誕下女兒吳卓林，近年母女關係差

吳綺莉於1999年同有婦之夫成龍傳緋聞，之後更誕下女兒吳卓林，佢曾公開承認成龍係經手人，不過女兒出生後成龍並未讓女兒「認祖歸宗」，之後吳綺莉同女兒相依為命。

Photo from 吳綺莉微博

吳卓林長大後同媽媽吳綺莉嘅關係唔好，喺公開出櫃之後佢指自己會工作賺錢，同外籍女友Andi生活。吳綺莉雖然指女兒事前未有通知佢，但就開明表示只要知道女兒身體健康同安全就滿足。

Photo from 吳卓林IG

但之後離開屋企嘅吳卓林返屋企攞嘢之後卻被吳綺莉報案指家中財物失蹤，及後吳卓林稱早已通知母親此事，令母女關係再陷入冰點！

Photo from 吳綺莉微博

吳綺莉自爆轉行做裝修、保險、地產

最近吳綺莉喺微博自爆佢上個星期喺工地做裝修，今個星期要上課，進修：「我的工作是演員、主持、裝修、設計、保險和理財顧問，地產，家庭主婦。前輩說的、你要令客戶賺錢，才會有回頭，所以除了拍戲，還要知道現在的市場情況，不管那份工作，客戶的感受就是我的感受。今天剛下課」

Photo from 吳綺莉微博

原來自2021年出演ViuTV劇集《太平紋身店》後就甚少於幕前出現嘅吳綺莉開拓其他嘅賺錢機會！唔止做保險、地產，更親自到工地裝修，十分貼地！佢更表示自己已經考取牌照。

Photo from 吳綺莉微博

曾表示成龍未有支付生活費，吳綺莉否認收過4,000萬

多年嚟吳綺莉曾怒斥成龍無畀過生活費，而2018年吳卓林同外籍女友Andi更拍片求助，指兩人於加拿大流落街頭1個月，吳卓林於片中亦首度自稱係成龍女兒。

Photo from 成龍微博

Photo from 吳綺莉微博

其實喺誕下女兒後，外界屢傳成龍曾提供母女生活費，但吳綺莉喺微博否認有收過錢：「這世界什麼人都有，什麼二千萬、三千萬、四千萬，只要你們説得開心，能令別人開心也是一種福氣。」

Photo from 吳綺莉微博

Photo from 吳綺莉微博

吳綺莉背負第三者嘅罵名多年，早前終於發文認錯：「孩子是無辜的，我的任性我負責任」，但佢又鬧爆：「三天兩月就説收啦多少錢、四天半年就説一分錢都不給你，其實說一兩次大家都能明白，不用說足兩十多年，對孩子的傷害太大了，可以停嗎！」仲直斥：「希望某巨星再有任何宣傳，不要再用貶低我和孩子來做宣傳」，矛頭直指成龍！

Photo from 吳綺莉微博

Photo from 吳綺莉微博

Photo from 吳綺莉微博

Photo from 成龍微博

相關文章：成龍與谷愛凌合照想提攜對方做武打演員？22年前自傳卡通片主角離奇撞樣谷愛玲！與空姐合照「抄牌」引熱議？

相關文章：魏駿傑前妻張利華與男友胡雅倫爭執受傷？！離婚後過豪華生活！外貌不停進化變成外國人？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

蒙嘉慧轉行經營日本房地產！鄭伊健投資百萬撐老婆！幫港人移民/物業管理/升學

8 Feb 2021

鄭伊健同蒙嘉慧（Yoyo）結婚多年，感情要好。近日有傳鄭伊健打本百萬畀老婆開日本房地產公司，專為港人辦理移民、物業管理、升學等業務。而兩人本身亦喺當地有物業，更有意長住添！

鄭伊健同蒙嘉慧拍拖7年，2013年於日本東京結婚，佢哋都好中意日本，平時無工作嘅時候都會去日本旅行。

近日有報道指蒙嘉慧獲老公鄭伊健打本，轉行經營日本房地產公司，專營福岡移民。

Photo from 蒙嘉慧Facebook

據知蒙嘉慧經營嘅房地產公司名為「八方不動產株式会社」，屬於日本國土交通省「全國宅地建物取引業保証協會」之會員。

Photo from 福岡官方城市指南YOKANAVI

公司Facebook page上有蒙嘉慧嘅影片，佢同移居福岡嘅朋友大談去福岡踩單車嘅烏龍事。

Photo from 八方不動產株式会社Facebook

公司除咗移民之外，仲有物業管理、升學等服務提供。而且有日本辦事處同香港直屬辦事處，可以廣東話溝通確保全無交流障礙。

Photo from 福岡官方城市指南YOKANAVI

其實蒙嘉慧自2018年拍完《飛虎之雷霆極戰》後已甚少喺幕前演出，之前有指鄭伊健計劃退休後同老婆蒙嘉慧移居日本，兩人已喺當地置業，平時都會飛過去短住幾個月。

Photo from 鄭伊健Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）