港女呻男友未到25就禿頭 怕人笑想分手 網民:我係男友會好Hurt
禿頭是許多男人生命中難以承受的痛，不但影響外觀，自信心大受打擊，更受盡外界的奇異目光，甚至有女生會嫌棄另一半禿頭。最近有人在Dcard討論區發文，指男朋友的脫髮問題愈來愈嚴重，再下去怕自己接受不了分手收場，希望集思廣益尋求解決方法。
男友20出頭便開始脫髮
事主表示男友20出頭，二人交往半年，發現男友頭頂的頭髮愈來愈少，一低頭便露出光溜溜的頭皮，從背後看會見到明顯禿頭跡像，害怕男友未到25歲便慘成「地中海」。事主坦言男友對自己很好，不想因此事而分手，又指自己性格自卑，很在意別人目光，怕被朋友取笑，想在男友情況惡化前及早改善，但當面指出問題又拍傷害男友自尊心，希望有人給予意見以及分享自身經驗作參考。
Photo from 《美少年之戀》劇照
認為事主自私多於自卑
有網民表示事主若純粹因男友禿頭而分手，其實並沒有很愛男友，兩個人在一起，對方的內在、性格和價值觀都比外表重要，指出事主最大的問題是自卑，直言禿頭是男人大忌，相信男友亦非常擔心此事，建議她主動找男友傾訴。有人則認為事主怕被人取笑是自私及要面子，而不是自卑，建議她多關心男友生活。有網民直言：「唔好比佢知你係介意人地目光，我係佢我會好hurt」
Photo from 《春嬌救志明》劇照
Photo from Dcard討論區
建議事主盡早找男友商量
有網民更為事主列出5大禿頭成因，包括：壓力問題、作息問題、疫苗副作用、遺傳因素及油脂分泌失衡。有人指禿頭問題只會持續惡化，更有可能是身體出現問題的先兆，應盡早求醫，又建議事主買防脫髮產品給男友。不過亦有網民指出遺傳性禿頭是難以根治，建議男友直接剃光頭。亦有人笑言男方到35歲一定無可避免禿頭，建議事主介意就盡早分手。
Photo from 《內科朴院長》劇照
Photo from 《太陽的後裔》劇照
年輕人禿頭問題普遍？
現代人生活壓力大，禿頭問題逐漸年輕化，不少網民表示遇過禿頭問題，主要原因是生活作息不定時，休養一下便好了。不過亦有網民表示不介意伴侶禿頭，更分享自身經歷，指前任25歲有「地中海」，因為家族遺傳，但自己並沒有介意，依然很愛他，又大讚對方是個聰明人，可能用腦過度才導致禿頭。
Photo from 《哈利波特》劇照
Text: HolidaySmart Editorial （小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
43歲梁競徽泳池狂歡，超高髮際線現形！北上發展2年工作量大減？！
6 Jul 2021
Photo from 梁競徽微博
梁烈唯宣布改名為「梁競徽」
梁競徽父親係武打片演員，佢於1999年參演電影出道，入行後多數演配角，喺唔少劇集中嘅表現都令人留下深刻印象，所以即使係做配角，佢仍獲唔少家庭觀眾認識，形象入屋。
Photo from 梁競徽微博
不過梁競徽直到2012年先獲得「飛躍進步男藝員」獎項肯定，其後到2018年佢就再獲「最佳男配角」。2019年1月，佢宣布捨去舊名「梁烈唯」改名為「梁競徽」。佢嘅外號「唯唯」曾為人熟悉，突然改名佢並未透露原因，不過之後佢嘅工作量就比之前少咗。
Photo from 梁競徽微博
梁競徽北上發展2年工作量減少？
喺2007年至2012年期間，佢產量最高，每年有近6、7套劇集出街，2012年後亦保持每年2套電視劇播出，但直到2019年後，佢嘅電視劇作品只有《鐵探》、《使徒行者3》、《飛虎之雷霆極戰》、《飛虎之壯志英雄》，作品量大減。
Photo from 梁競徽微博
Photo from 梁競徽微博
2021年1月梁競徽轉為部頭合約，更北上發展尋求機會。佢早已停用Facebook 同埋IG，淨係用微博同抖音。佢更喺內地接拍網絡劇、網絡電影等，初嚐男主角滋味！
Photo from 梁競徽微博
與友人泳池狂歡，梁競徽43歲髮際線超高成焦點
工作量無以前咁多嘅梁競徽有更多時間放喺日常生活之中，近日天氣漸漸變熱，梁競徽就喺微博公開同好友喺泳池玩樂嘅影片，片段開頭就見梁競徽好chill咁靠喺泳池角落，戴住副超嘅佢一臉寫意。
Photo from 梁競徽微博
Photo from 梁競徽微博
不過有唔少網民卻將重點放喺佢嘅髮際線上面，從片中可見梁競徽髮線十分高，額頭呈現明顯嘅「M」字，好多fans為佢感到擔憂：「老哥發際線後退的厲害啊」，但都有人表示梁競徽人到中年卻無發福已十分難得。
Photo from 梁競徽微博
Photo from 梁競徽微博
Photo from 梁競徽微博
影片後面仲有梁競徽與友人上演動作戲，梁競徽扮被對方打到落泳池，梁競徽啲頭髮濕咗之後似乎更加稀少，梁競徽踏入4字頭後可能要好好保養頭髮。
Photo from 梁競徽微博
Photo from 梁競徽微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
梁競徽晉身名價鐘錶店老闆！戴逾60萬勞力士現身！豪氣稱下一步進軍飲食業
15 Sep 2021
Photo from 梁競徽微博
#梁競徽與老婆育有一女，近年北上拍電影做男主角
梁競徽入行多年，演過唔少TVB劇集，2014年與拍拖11年女友兼中學師妹駱保雯結婚，同老婆育有一女一子。
Photo from 梁競徽微博
喺TVB打滾多年都係做配角，近年佢北上掘金，接拍咗電影《浴血狂蟒》擔正做男主角，佢喺入面飾演愛國人士，作為男主角佢嘅戲份好多，喺微博post咗唔少劇照宣傳。
Photo from 《浴血狂蟒》
#撐國貨李寧、華為，有意安排女兒返內地讀書
心繫國家嘅梁競徽唔止喺電影入面愛國，現實中都身體力行撐國貨，先係大晒全身李寧牌，大讚李寧質料好，佢發微博更係用華為手機，平時又會喺紀念日致敬中國。
Photo from 梁競徽微博
Photo from 梁競徽微博
愛國嘅梁競徽更表示考慮將女兒送去內地讀書，不過計劃似乎仍未實行。但佢喺內地發展應該唔錯，更升呢做老闆！
Photo from 梁競徽微博
#升呢成名貴鐘錶店老闆
梁競徽與人合資喺尖沙咀開咗名貴鐘錶店，佢指自己喺呢行做咗20年咁耐，想開展新事業，又因為自己中意所以決定開鐘錶店。
Photo from TVB
Photo from 梁競徽微博
有好多圈中人出席新店開張活動，包括吳卓羲、胡定欣、陳山聰、陳自瑤、陳敏之、高海寧、江嘉敏、謝東旻等，可見梁競徽圈中人緣唔錯。
Photo from TVB
#梁競徽戴60萬勞力士，下一步做餐廳老闆
店內售賣嘅名錶全部都價值不菲，而梁競徽就謙虛表示自己只係小股東，佢感激合伙人畀機會佢學嘢。雖然梁競徽指自己佔股份比例好少，但新店開張當日佢戴咗ROLEX COSMOGRAPH DAYTONA 18ct黃金款。
Photo from TVB
呢款名錶喺勞力士官網售價係HKD$28.6萬，但炒價早已高達$60萬以上，梁競徽盡顯老闆行頭！佢又指開鐘錶店只係第一步，佢同股東有意進軍飲食業，嚟緊會開餐廳，最快出年3月就開張，睇嚟佢北上真係賺唔少！
Photo from Rolex
Photo from 梁競徽微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
