沈殿霞77歲生忌｜肥姐於演藝圈極具影響力！人脈超廣！「開心果」地位無人能取代
7月21日係沈殿霞（肥姐）嘅77歲生忌，儘管佢已經離開我哋長達14年，但佢嘅招牌笑聲依然深入民心，係大家心目中嘅「開心果」！宜家就等我哋回顧一下佢喺演藝生涯嘅傳奇一生，絕對稱得上係一位全能藝人。
Photo from TVB
沈殿霞77歲生忌
今日係沈殿霞（肥姐）嘅77歲生忌，佢喺2008年2月19日因為肝癌而病逝，終年62歲！雖然肥姐已經離世多年，但佢嘅響亮嘅笑聲、獨特髮型以及粗黑框眼鏡都係佢獨有嘅「標誌」，至今已經令香港人難以忘懷；就連Google網站今日都特地搵設計師整咗圖片紀念肥姐。
Photo from TVB
Photo from Google網站
1960年開始演藝生涯
肥姐於1945年7月21日於上海出生，隨後喺1958年跟隨父母移居香港，並於1960年成為電影《一樹桃花千朵紅》嘅童星，正式開啟佢嘅演藝之路！直到1967年，佢就加入大台工作，擔任長壽節目《歡樂今宵》嘅主持，仲同汪明荃、王愛明及張德蘭組成「四朵金花」以及扮演「上海婆」而人氣急升。
Photo from TVB
Photo from TVB
曾參與多部電影/電視劇，落力出席公益活動
擁有開朗性格嘅肥姐曾參與多部電視劇及電影拍攝，包括：《富貴逼人》系列、《七十二家房客》等，當中唔少都係搞笑嘅喜劇。而佢嘅演藝事業獲得出色嘅成就，從1960年代到2000年代都活躍於幕前，仲投入參與公益活動盡心盡力；喺演藝圈擁有超高地位，獲得大家嘅尊敬！
Photo from 《富貴逼人》
圈中人脈超廣！
肥姐亦憑樂觀豁達性格贏得人脈及地位，喺1970年代初與張沖、謝賢、陳自強、陳浩、秦祥林、鄧光榮6人組成「銀色鼠隊」，當時6位男成員都將佢當成妹妹般疼愛，關係融洽。而當年喺肥姐嘅追思會上，鄧光榮仲激動咁指責肥姐前夫鄭少秋，可見二人感情有幾深厚～
Photo from TVB
Photo from 亞視
用心提攜演藝圈後輩！
肥姐唔單止深受前輩愛戴，仲非常照顧後輩：佢同歌神張學友因為合作電影《南北媽打》而熟悉，仲成為咗對方契媽；而哥哥張國榮都因為受肥姐提攜，當年喺遺書中特別指名感謝「多謝肥姐，家人一樣的肥姐」，可見佢對待身邊嘅人都非常用心！
Photo from 《南北媽打》
Photo from TVB
與女兒鄭欣宜感情深厚
喺1985年，肥姐與鄭少秋喺加拿大結婚，並於1987年誕下女兒鄭欣宜（Joyce），但喺1988年提出與鄭少秋離婚，並爭取女兒撫養權。隨後，肥姐獨立撫養女兒，母女感情深厚，宛如姐妹般相處～而肥姐臨終前事先安排好6000萬遺產嘅去向，規定喺佢35歲前只能每個月提供2萬生活費俾佢。
Photo from 鄭欣宜IG
Photo from 《康熙來了》
加拿大列6月1日為「肥肥日」！
喺肥姐逝世後，加拿大溫哥華市政府喺2008年起將6月1日定為「肥肥日」，以感謝佢生前為當地華人圈所作出嘅慈善貢獻。儘管肥姐已經離世14年，但佢對大家嘅影響都似乎非常深遠，長存於大眾心中。
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
欣宜35歲繼承沈殿霞肥姐6千萬遺產 戶口曾剩$26 以往受情困一度想離港！
20 Aug , 2021
藝人鄭欣宜於2008年經歷媽媽沈殿霞（肥姐）離世，外界以為當時21歲嘅佢能立即接收遺產，但其實經規定下佢要到35歲後才可動用媽媽遺產。即係話，現年34歲嘅欣宜喺唔過一年後便能繼承全部遺產。
Photo from 鄭欣宜 IG
沈殿霞（肥姐）於2008年二月離世，佢生前留下6千萬港元遺產。由於當時年僅21歲嘅欣宜受規定約束下要到35歲以後先能夠動用遺產，所以在此之前，佢只可以每月從中提領2萬港元作生活費。
Photo from 康熙來了
然而，受香港物價及環境影響下，其生活費並不夠用，所以肥姐離世後，欣宜稱佢戶口一度窮到只剩26港元。即使係咁，佢仍無向爸爸鄭少秋求助。
Photo from Youtube影片截圖
34歲欣宜喺本地娛樂圈發展多年成績不錯，於今年5月發表單曲《先哭為敬》反應不俗，於多個音樂排行榜名列前茅，成為5台冠軍歌，其後與Serrini合唱歌曲嘅「尾班車Version」亦獲得熱烈反應。
Photo from 鄭欣宜 IG
雖然欣宜現時發展順利，但其實佢於事業初期都曾被感情問題影響，甚至一度萌生離開香港念頭！佢早前拍片上自家YouTube頻道，大談新歌錄音及分享多年嘅愛情觀變化，指自己自18歲開始拍拖，此後便害怕單身。
Photo from Joyce 鄭欣宜 Youtube
Photo from Joyce 鄭欣宜 Youtube
佢表示害怕單身可能因為當初從外國回港時無咩朋友，就覺得有男朋友陪伴就會無咁驚。佢透露，有一次單身時間達4年，當時感到絕望，覺得喺香港唔會搵到一個懂欣賞自己嘅伴侶。
Photo from Joyce 鄭欣宜 Youtube
當時佢傷心到直頭覺得要離開香港，又指：「雖然娛樂事業好重要，但其實對我好重要嘅另一樣嘢，亦都係希望有一日搵到啱嘅對象生小朋友，我好想好想製造一個家庭，我成日許願都好focus on希望個天俾一個好嘅伴侶我。」
Photo from Joyce 鄭欣宜 Youtube
Photo from Joyce 鄭欣宜 Youtube
不過，欣宜透露想法於去年年頭同前度分手後有改變：「我更加希望自己幸福快樂，我發現我唔鍾意熱鬧，原來我係好唔鍾意出街，我依家先發現自己係好需要一個人嘅時間。」
Photo from Joyce 鄭欣宜 Youtube
佢同時指，自己向來畀人開朗外向印象，但其實佢係內向及害羞。佢希望充實行程，成為最好版本嘅自己，同時又不要為休息感內疚：「咁先對得住未來男朋友、老公或者小朋友。如果你需要一個伴侶來完整自己，你自己必須做更多功課，你要先自己完整自己。」
Photo from 鄭欣宜 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
