向佐被爆偷食帶美女回婚房！3點揭郭碧婷嫁入向家飽受委屈？！
向佐與台灣女星郭碧婷結婚後育有一女，早前更宣佈懷二胎，而向來對新抱十分滿意嘅向太亦不時向傳媒透露兒子兒媳嘅近況。但有內地傳媒卻大爆日前影到向佐背妻偷食嘅相片，佢帶同一位美女回到婚房，兩人舉止親暱，有關爆料被向太怒而反駁，但網友對解釋並不受落。
Photo from 向佐微博
郭碧婷嫁向佐，承諾生3個兒子
現年37歲嘅向佐2019年與郭碧婷結婚，兩人婚後一直高調晒恩愛，兩人生下女兒「Cora向芷（小奶皇）」後有指向太陳嵐豪氣送北京、台北兩間豪宅畀新抱以作獎勵。
Photo from 向佐微博
Photo from 向佐微博
郭碧婷看似深得奶奶向太愛錫，其實由戀愛到結婚到誕女到懷二胎，向太不時代兒子、新抱回應外界一切傳聞。有傳郭碧婷答應會為向佐生三個兒子，向太亦證實此事。郭碧婷再度懷孕全家都大為興奮，不過向佐同妻子分居兩地，未能時時相見。
Photo from 向佐微博
Photo from 向佐微博
向佐郭碧婷分隔兩地，向佐被爆偷食？
喺宣佈妻子懷上第二胎後向佐表示正在辦理前往台灣嘅相關手續，有網友問：「你們怎麼天天分居的？」向佐回應稱：「疫情期間 多有不便之處。我們也不想」
Photo from 向佐微博
Photo from 向佐微博
Photo from 向佐微博
估唔到夫妻分隔兩地，向佐竟然被內地狗仔大爆疑似背妻偷食？內地狗仔「江小宴」早前預告有名人偷食嘅新聞，更稱係「今年最勁爆的娛樂新聞」，之後佢開直播公開片段，並指「向佐約會美女，同回男方婚房超親密」
Photo from 微博
片中有一位白衣美女同向佐前後腳搭車回向佐與郭碧婷位於北京嘅婚房，向佐喺電梯大堂等候白衣美女，之後一齊搭?，向佐更親切為美女披上針織外套，十分體貼，狗仔指：「兩人一同回家後當晚沒有再出來。」暗示向佐背妻密會美女。
Photo from 微博
向太代兒子回應，直指狗仔亂講
而一向都代兒子、新抱回應外界傳聞嘅向太得知有關新聞後亦立即回應，佢對傳媒表示：「亂講！這是他一個大姐姐。」向太稱白衣女子日常幫向佐洽談商務合作，今次見面只係為咗向佐嘅電影項目。不過網民對呢個解釋唔太受落，認為見面傾公事無必要揀喺婚房呢啲地點，而另一名狗仔「張小寒」得知向太回應後更留言指會繼續發第二彈、第三彈等。
Photo from 向佐微博
Photo from 微博
Photo from 微博
向太不滿新抱郭碧婷擅自染髮
以往向太一直表現得十分疼愛新抱，不時公開大讚郭碧婷，但曾多次被指佢插手兒子新抱嘅生活。2019年底，郭碧婷喺微博大晒自拍，相中佢頭髮內挑染成橘紅色，竟引來奶奶向太不滿，更公開留言：「乖乖媳婦兒，回台北就換髮型了？下次一定要問一下我的同意吧？」即時掀起網民熱議，網友認為郭碧婷咁大個人鍾意染髮就染髮，換咩髮型唔使向太同意，直言向太：「管得太寬了吧！」
Photo from 微博
Photo from 微博
向太炫耀對郭碧婷好
喺郭碧婷誕女後，向佐曾晒出夫妻合照向老婆示愛，大讚郭碧婷「生完之後更美」，向太亦留言為自己叫新抱生3個仔嘅傳聞平反：「當初說生三個娃是她說的啊！我不會逼她的，但是會鼓勵與獎勵。還未懷上就已經在歐洲訂了這套香奈兒給她，又買珠寶給她了」，但網民就指：「這話感覺完全是利益」
Photo from 向佐微博
Photo from 向佐微博
真人騷節目揭向佐對郭碧婷唔好？
有網友翻出郭碧婷同向佐參加真人騷《女兒們的戀愛》嘅片段，當時兩人籌備緊婚禮，向佐喺狹窄小路揸車時郭碧婷忍唔住叫佢揸慢啲，但向佐並未理會，令郭碧婷大呼好驚，之後更撞到路邊小樹，郭碧婷嚇到崩潰落淚。
Photo from 向佐微博
Photo from 微博
Photo from 微博
Photo from 微博
雖然向佐有道歉但落車後佢就一馬當先行到最前，到咗住處亦係郭碧婷先打破沉默，主動同向佐講嘢，而向佐一開始仲唔理郭碧婷。當時兩人感情備受外界質疑，向太就發微博大晒兒子兒媳牽手照，澄清佢哋好甜蜜，直言綜藝節目內容都係作出嚟。喺「向佐偷食」傳出後，唔少網民都指睇嚟郭碧婷嫁入向家其實並無表現出嚟咁開心。
Photo from 微博
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
