【鬼節禁忌】農曆七月10大居家禁忌！附上台灣網民10個爆笑禁忌解讀～

每年嘅農曆七月都被外界稱為「鬼節」，而農曆七月十四更加係俗稱「鬼門開」嘅日子，大家就記住要早啲返屋企喇！而長輩們都會成日提醒大家呢個月內要小心行事，以免惹上不必要嘅麻煩，以下為大家介紹10大傳統居家禁忌。

Photo from 《咒》

相信大家經常會聽到長輩們喺農曆七月時，叮囑大家要早啲返屋企。但其實農曆七月都有唔少居家風水禁忌㗎，以下為大家整理咗10項：

1.不要開土動土

相傳喺農曆七月動土好容易驚動到「朋友仔」，真係需要動工就切記等到農曆八月先開始喇！若果本身喺農曆七月前已經開始動工，就可以繼續施工～

Photo from 《做工的人》劇照

2.不要入宅

盡量避免為屋企添置大型家具或者電器，一唔小心好容易令「朋友仔」跟隨埋返屋企。但若果只係添置日常小物就冇問題～

Photo from 《陪你一起長大》

3.不要買樓

外界一直都話「農曆七月買樓會導致運氣大減」，就算真係要搬屋都必須要喺日天黑前完成，或者特地尋找吉日！不過唔少網民就指「鬼月」嘅房價大多比較便宜，如果大家係「百無禁忌」嘅話可能會尋覓到好嘅住所。

Photo from 《我的家政夫渚先生》

4.屋內切勿掛燈籠/風鈴

相傳寺廟都會喺普渡當日掛上燈籠，方便指引「朋友仔」們聚集，並享用為佢哋準備嘅祭品，尤其係白色燈籠就更加唔可以擺！由於風鈴掛上後好容易發出清脆嘅聲音，好有可能會令「朋友仔」誤會係呼喚緊佢哋！

Photo from 《孤獨的美食家》

5. 避免令屋內環境陰暗/潮濕

盛傳「朋友仔」都比較鍾意陰暗嘅地方，而長期關閉窗戶仲會令屋內環境潮濕，以上種種環境都好易吸引到「朋友仔」㗎！

Photo from 《他人即地獄》

6. 室內裝修不宜太陰暗

比較深沉嘅顏色，如黑色、灰色等會好易聚集陰沈嘅氣息，適宜喺房間內擺放顏色鮮豔嘅家具，藉此為自己帶來正能量～

Photo from 《sweet home》

7. 不適應有拱門拱窗 

由於拱門及拱窗嘅形狀與墓碑有啲相似，比較容易招來陰氣。若果屋企內真係有相似嘅設計，就可以盡量將上方彎曲嘅地方遮蔽。

Photo from Pinterest

8.屋內植物太多

若果屋內嘅植物太過茂盛就會令「朋友仔」聚集，建議大家喺農曆七月前修建以下屋內嘅樹木，亦可以用紅色布條或繩子為住樹幹繞一圈，將陰氣轉為陽氣！

Photo from 《孤獨又燦爛的鬼神》

9. 公仔太多

想化解毛公仔太多嘅問題，就要將紅色紙剪成十蚊銀幣嘅大小，再張貼喺公仔嘅底下或者腳板底就可以～

Photo from 《請輸入檢索詞WWW》

10. 鞋頭不可以對床

夜晚瞓覺嘅時候，記住要將拖鞋嘅鞋頭背對張床，咁就可以避免「朋友仔」著咗你對鞋喇！

Photo from 《K2》

台灣網民爆笑分享破解禁忌方法！

雖然以上嘅都只係傳統禁忌，相唔相信農曆七月嘅各種禁忌就視乎每個人嘅諗法～最近台灣FB專頁「名人沒有說過語錄」分享咗10大破解農曆七月禁忌嘅方法，成功引起熱議！

禁忌1：唔好喺半夜曬衫

冇陽光，衣服好難乾

禁忌2：唔好喺室內開遮

室內根本冇雨，攞遮好似傻仔～

禁忌3:唔好喺人哋背後叫全名

因為真係好冇禮貌

禁忌4:唔好半夜吹口哨

會吵到人哋瞓覺，第二日仲要返工/返學㗎！

禁忌5:唔好偷偷食祭品

上面好多灰，食咗會肚痛

Photo from 《頭七》

禁忌6:唔好半夜喺戶外影相

冇自然光影相唔靚啊～

禁忌7:唔好半夜剪指甲

第二日仲要返工/返學就早啲瞓先

禁忌8:唔好攞地下嘅利是

多數裡面都冇錢，只係其他人隨手扔掉

禁忌9:唔好半夜一個人企喺路邊

夜媽媽嚇親人之餘，夏天仲會有好多蚊！

禁忌10:唔好相信傳統7月禁忌

會令大家變得好驚清！

唔少網民睇完之後都表示恍然大悟，認為樓主講得好有道理「看完半夜去廁所都頓時覺得不可怕」、「原來是這樣」等，希望大家都平平安安渡過～

Photo from 《返校》劇照

相關文章：農曆七月鬼節6大衣著禁忌！女生注意鬼節夜晚出街唔好再著露肩～睇完你就明白啦！

相關文章：細數香港7大驚悚都市傳說！九廣鐵路鬧鬼廣告、西貢結界

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【鬼節禁忌】農曆七月15大不能做的事！拍膊頭減弱陽氣+不亂回頭+搭電梯不照鏡！

16 Aug , 2021

鬼節禁忌逐個睇！農曆七月盂蘭節 相傳鬼門關大開，尤其七月十四（8月21日）就快到，陰氣最重，無事就早啲返屋企啦！話説鬼節切記盡量小心行事説話，以免不小心冒犯招惹靈體！以下15件鬼節不能做的事，信不信由你~

·不亂回頭

如果在街上聽到疑似有人叫你，或在後面直呼你的全名時，千萬不要立即回頭。尤其是人烟稀少或荒郊野外的地方，因為呼叫你的分分鐘不是人類！

Photo from 電影《迷離夜》劇照

·路不拾遺

鬼節期間，不少人都有燒街衣，即祭品、紙錢供奉游魂野鬼、求家宅平安的習俗，如果在街上見到一些祭品、紙幣或硬幣，千萬不要起貪念，據為己有~因為它很可能是屬於靈體，若將其拿走，靈體會跟隨著你，以討回這些祭品。雨傘亦是靈體最喜歡多藏的地方之一，所以記著不要帶走不屬於自己的東西…

Photo from 電影《盂蘭神功》劇照

Photo from 電影《見鬼10》劇照

·夜晚不晾衫

如果是上班族或一天都很忙碌，只能晚上才可洗衫晾衫，在鬼節期間最好盡量避免。因為與之前所提及的雨傘一樣，「濕噠噠」的衣服同樣是靈體喜歡棲身的地方之一。如果將衣物收回房間，很可能會順便將靈體帶回家。

Photo from 微電影《淑貞》截圖

·不亂拍膊頭

俗語話「人有三把火」，頭頂一把，左右膊頭各一把。相傳此三把火是人的精氣神所在之位，只要三把火穩定，大部分靈體就不敢接近。因此，若其中一把火被拍熄，陽氣就會減弱，靈體就可能有機會接近。

Photo from 電影《蝙蝠侠對超人：正義曙光》劇照

·夜晚不剃毛

有傳人的毛髮代表「精氣神」，同拍膊頭的説法一樣，如果在鬼節期間的晚上，剃毛可能會損害自身的「精氣神」，讓陰氣重的靈體容易接近。

Photo from 電影《危城》截圖

·夜晚搭電梯不照鏡

很多鬼片都有鏡子照到靈體的畫面，加上有傳電梯是通往陰曹地府的通道之一，所以晚上盡量避免在電梯內照鏡。如果電梯內有鏡子，切記盡量避免注視，分散自己的注意力，以免睇到不想見的「東西」。

Photo from 電影《青魇》截圖

·浴缸不儲水過夜

屋企有浴缸的人請注意！據説水面和鏡子是一樣的説法，容易照到靈體，所以浴缸最好不要儲水過夜，浸浴後記得立即將水放走。

Photo from 《紅衣女孩》MV

·夜晚不影相

大部分現代人都喜歡影相或自拍，但在鬼節期間的晚上，最好盡量避免做這件事，否則張相分分鐘「多咗個人」，嚇暈自己！

Photo from 《龍婆》劇照

·不穿黑/紅色衣服

不論暗沉的黑色或鮮艷的紅色，都特別容易招惹靈體，讓其依附，所以在鬼節期間最好不要穿著全黑或全紅的衣服。

Photo from 《紅衣女孩》MV

·筷子不插飯碗

千萬不要將筷子插在飯碗中央！有傳這樣與香爐插香相似，很容易招惹靈體過來「開餐」！

Photo from 電影《盂蘭神功》劇照

Photo from 電影《盂蘭神功》截圖

·不要掛鈴

鈴聲是會吸引靈體，切記特別是晚上外出時，盡量不要佩戴過多的飾物，尤其是一些會發出鈴聲的手鏈、脚鏈或鎖匙扣等。另外，風鈴亦同樣會吸引靈體，需盡量避免。

Photo from 電影《童童的風鈴密室》劇照

·夜晚不吹口哨

有傳吹口哨時的音頻能與靈體搭上，容易招來「它們」，尤其鬼節期間夜晚是一天中最陰最邪的時刻，所以千萬不要亂吹口哨，以免不小心招惹靈體~

Photo from 電影《奇謀妙計五福星》截圖

·不靠墻行或站立

傳聞靈體最喜歡站在墻邊，尤其是人少、陰暗的橫街窄巷或濕氣重的地方，所以在鬼節期間避免靠墻行，以免不小心撞到「它們」！

Photo from 電影《盂蘭神功》截圖

·不坐尾班港鐵

由於深夜時陰氣邪氣極重，有傳港鐵的尾班車都是用來載靈體，並非載人！如果不小心要搭尾班車，切記不要坐車尾，可能一不小心坐到「它們」！鬼節期間都是早點返屋企~

Photo from 電影《幽靈人間》劇照

·夜晚不游泳

鬼節期間盡量避免去海邊，尤其是夜晚去游泳。相傳如果八字不夠重，可能會遭到傳説中的「水鬼」找替身來投胎！

Photo from 電影《童童的風鈴密室》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）