女富豪自資拍古裝劇與24歲小鮮肉演員合作！男主角無奈表情成亮點！過往台灣都曾出現類似事件？
有錢就是任性！近日內地一部古裝戲《鳳鳴笙簫簫》喺橫店舉行開拍儀式，但就被發現戲劇出品人同女主角都係女富豪劉芊螢擔任，而男主角就係24歲嘅王軒，令大批網民猜測係女方自資同小鮮肉拍戲。而男主角出席公開活動時嘅無奈表情更令網民忍唔住大笑～
Photo from 劉芊螢微博
內地女富豪出錢籌備拍戲
最近，內地古裝戲《鳳鳴笙簫簫》正準備開拍，但卻意外引起網民熱話。事關網民發現戲劇出品人同女主角都係同一個人，由女富豪劉芊螢擔任；同時佢亦係一間金融公司嘅高級主管。而男主角就係24歲嘅王軒、男二係曾出演選秀節目《青春有你3》嘅周峻宇，兩位都係新晉嘅「小鮮肉」演員！
Photo from 劉芊螢微博
Photo from 微博
特地邀請小鮮肉演員合作？！
近日，戲劇舉辦開機儀式所有出演演員都有份出席，而搞笑嘅場面似乎令網民更加確信女主角係為咗圓夢而籌備電視劇？！從照片中所見，女主角兼出品人劉芊螢表情嘅喜悅完全掩蓋唔住，小鳥依人咁喺男主角身邊影相，仲含情脈脈咁望住對方！
Photo from 微博
男演員表情尷尬，形成鮮明對比！
相反男主角就目無表情，不時露出尷尬嘅笑容，似乎唔太知道如何應對「熱情」嘅女主角。當日嘅照片都令網民忍唔住留言「有錢人的快樂就是這麼簡單！」、「男一完全是生無可戀的表情」等，大家都一致認為電視劇只係「假象」～
Photo from 劉芊螢微博
Photo from 微博
即睇更多人氣文章：
男一王軒只上載個人宣傳獨照
事後，男主角王軒喺微博上載單人照，並寫上「一直覺得演員是一個純粹、單純的事業，作為一個演員我沒有那麼多彎彎繞繞。角色是我的使命，演戲是我的事業，對手演員是我的同事，僅此而已！希望給大家帶來好的作品！」
Photo from 王軒微博
女富豪劉芊螢樂觀面對網民留言！
另一方面，首次擔正做女主角嘅劉芊螢非常樂觀咁面對網民嘅留言，指「感激大家提出中肯的建議，我會更加努力地呈現出好的作品给大家！」仲話雖然自己演戲經驗少，但就會為咗今次嘅戲劇付出200%努力，睇嚟好有決心咁！
Photo from 劉芊螢微博
Photo from 劉芊螢微博
台灣《西門無恨》女製作人重金邀請俊俏男演員！
原來過往演藝圈都有唔少類似事件，為咗同偶像合作而「落重本」策劃拍攝電視劇或電影。台灣電視劇《西門無恨》就係其中一個例子，據悉當時製片人兼女主角楊鈞鈞花費3千萬台幣籌備劇集，仲邀請當紅小生焦恩俊做男主角。由於女方當時已經42歲加上劇中妝容令佢睇落更加成熟，與年僅31歲保養得宜嘅焦恩俊相比，對比非常大，網民都講笑稱佢為「西門大媽」！
Photo from 《西門無恨》
劇集太甜蜜，被網民認定係「自肥」？！
而劇中內容係男主角對女一萬分疼愛，經常擁抱或者親吻佢，並大讚佢係絕色美人，令大批網民都覺得女主角係花錢「自肥」！
Photo from 微博
Photo from 《西門無恨》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
時差7小時｜陳冠希狂熱粉絲豪擲千萬拍電影！做女主角與偶像戀愛圓夢
24 Dec , 2021
陳冠希（Edison）早年曾拍過一套電影《時差7小時》，女主角李倩妮平平無奇，但原來係Edison fans，更出錢欽點佢做男主角，同自己喺戲中談情一嚐與偶像戀愛滋味，但就被指係陳冠希電影生涯嘅黑歷史！
陳冠希2004年拍電影《時差7小時》
陳冠希喺2000年出道初期就憑混血靚仔樣風靡萬千少女，成大眾夢中情人。佢出道多年參演過唔少電影、電視劇，其中佢擔任男主角嘅電影《時差7小時》卻仍然有好多人未有所聞！
《時差7小時》2004年於內地上映，係一部青春校園電影，Edison嘅校服look當然十分迷人，而同佢有大量對手戲嘅女主角卻貌不驚人，更唔係著名嘅演員。
女主角李倩妮係陳冠希fans，背景超強勁？
女主角李倩妮其實係Edison嘅忠實fans，電影原作《長翅膀的綿羊》亦係出自佢手筆，更曾獲得多項圖書獎，李倩妮亦同時擔任電影編劇。佢將自己寫嘅小說拍成電影，更搵埋Edison做男主角，一嚐與偶像「戀愛」滋味！
李倩妮背景雄厚，佢爸爸李意珍當年任職深圳市政府、媽媽則係深圳市平湖外國語學校董事長。李倩妮同媽媽都係《時差七小時》嘅投資公司股東之一，號稱投資2100萬人民幣拍電影。
《時差7小時》劇情
《時差7小時》講述16歲嘅中國女孩珍（李倩妮飾演）獨自去英國留學，認識了香港留學生DJ（陳冠希）。之後DJ同湯姆（Cary Woodworth飾演）同時愛上了珍，並為爭女暗中互相較勁。劇情算係老套嘅男主角、男配角都愛女主角嘅三角戀。
陳冠希見到女主角李倩妮個樣後大為失望？
呢套電影仲有唔少花邊新聞，喺公佈女主角人選前電影方曾舉辦試鏡，點知就突然宣佈女主角將由原著作者李倩妮本人擔任。當時更有報道指當陳冠希見到李倩妮由紐約寄過嚟嘅錄像後嚇咗一跳，一直搖頭並表示大失所望，不過電影開拍一個星期後全劇組都覺得未接受過訓練嘅李倩妮好努力。
網友感嘆李倩妮「有錢可任性」
而《時差7小時》上映後深圳市曾要求全市中小學生要以20元人民幣「優惠價」入場睇電影，事件曝光後掀起風波，雖然李倩妮堅稱電影製作無受到父母暗中幫助，但外界普遍認為李倩妮一家借身份「谷票房」，電影更被視為係陳冠希電影生涯嘅黑歷史。
雖然《時差7小時》上映至今已過咗17年，但唔少網友仍感嘆陳冠希「命途坎坷」，指女主角平平無奇，要陳冠希同另一個男生為佢爭風吃醋好無說服力：「有錢果然可以任性」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
