尾二一屆口罩小姐｜獲性感組參賽者攬到實，網民：阿Dee要報工傷

娛樂新聞

By Jennifer on 02 Sep 2022

Digital Editor

今晚食乜餸：小二，嚟一碟花生！

ViuTV節目《尾二一屆口罩小姐》日前一集去海洋公園做任務，雖然一眾參賽者打扮密實，但要坐機動遊戲都忍唔住嚇到花容失色，其中性感組馬小玲同KBG更攬住阿Dee（何啟華），有網友稱：「阿Dee要報工傷！」

Photo from 《尾二一屆口罩小姐》

《尾二一屆口罩小姐》十六強

《尾二一屆口罩小姐》第14集中，十六強參賽者各自分成兩組：「193 DEE組」同「肥仔保錡組」，繼影寫真相之後，佢哋分組到海洋公園繼續比賽。

Photo from ViuTV

首先每組要派出兩人，坐喺海盗船嘅兩邊，一個人負責估口罩上嘅人物，另一人就負責畀提示，除咗兩位參賽者，仲有主持人都會坐喺參賽者旁邊。

Photo from 《尾二一屆口罩小姐》

性感組嘅馬小玲坐海盗船攬實阿Dee

其中性感組嘅嘅馬小玲獲193安排同阿Dee一齊坐，193仲話：「馬小玲，攬實阿Dee！唔使答㗎，淨係攬住佢（阿Dee）就已經贏喇！」而坐佢哋對面嘅KBG則表示好驚，更一直撓實浩南。

Photo from 《尾二一屆口罩小姐》

馬小玲喺海盗船一開始郁嘅時候已捉實阿Dee手臂，雖然佢問出「係咪ViuTV女藝人」嘅問題，但由於對面嘅KBG太驚，佢之後都估唔到真正嘅答案，馬小玲就好聽193話由頭到尾都撓實阿Dee。

Photo from 《尾二一屆口罩小姐》

KBG坐過山車全程撓住阿Dee

坐完海盗船後，佢哋就要挑戰「動感快車」，並喺過山車運行途中睇清地上舉起嘅字牌，並組成句子。本來規則中喺第二、第三排最左同最右各坐1人，共4人。但KBG太驚，於是阿Dee坐喺佢隔離。

Photo from 《尾二一屆口罩小姐》

連節目組都忍唔住問阿Dee個個都想有人陪，點解佢會揀坐喺KBG隔離，阿Dee解釋稱咁啱放底啲喇就被人叫佢先行去最近嘅位置。阿Dee一坐底，KBG就忍唔住捉佢隻手，不過由於過山車嘅安全設計，KBG未能好似坐海盗船咁攬實阿Dee手臂，但佢仍全程撓住阿Dee左手。

Photo from 《尾二一屆口罩小姐》

KBG同馬小玲身材超好，網民指：阿Dee自肥

KBG同馬小玲都係性感組組員，佢哋喺拍攝寫真時已大騷豐滿身材，唔少網民睇完新一集《尾二一屆口罩小姐》都笑言根本係「ERROR自肥計劃」，亦有人稱：「阿Dee要報工傷！」

Photo from ViuTV

Photo from 《尾二一屆口罩小姐》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

尾二一屆口罩小姐｜17位口罩小姐身份公開！好多都曾經出演ViuTV真人騷？最年長佳麗為55歲！

19 Aug 2022

ViuTV節目《尾二一屆口罩小姐》播出接近一個星期，而最後50強嘅名單已經出爐！雖然今次節目組走神秘風，喺參加者展示才藝嘅時候唔俾講名，而且入圍嘅都暫時唔可以公開樣貌；但依然有唔少眼利嘅網民認得部份「口罩小姐」，原來好多參加者係KOL，而且都出演過ViuTV嘅節目？！

Photo from ERROR IG

45號 Kylie C

45號佳麗表演足球評述，認真準備嘅模樣獲批判們大讚！而網民就發現佢有份出演早前播出嘅戀愛真人騷《戀愛Staycation》第一季嘅Kylie（鄭杞瑤），當時憑傲人身材成為焦點；而過往佢亦曾經獲YouTube 頻道「熊仔頭」邀請一齊拍片。

Photo from ViuTV IG

Photo from 《戀愛Staycation》

Photo from Kylie IG

60號 KOL 西童

唔少網民喺早期就已經發現KOL西童參加口罩小姐，而大家睇完首集嘅播出後就更加確定佢嘅身份喇～據悉佢現時除咗做KOL之餘，仲成為咗打碟DJ；過往亦因為身材好而獲得男網民們嘅關注。而佢今年亦有以嘉賓身份出演193主持嘅《晚吹戀講嘢》大談戀愛經驗。

Photo from ViuTV IG

Photo from 西童IG

33號植詠珊Cathy

33歲嘅植詠珊過往曾經係有線電視嘅主播，後來轉型成為演員，曾經喺ViuTV劇集《ISWIM》客串；亦有份同媽媽「媚姨」一齊出演真人騷《阿女又戀嚟》，母女間嘅互動引起熱議！

Photo from ViuTV IG

Photo from 植詠珊IG

Photo from 《阿女又戀嚟》

40號星二代 Jeannie Lam（莉莉菇）

Jeannie（林靜莉）其實係一位星二代，媽媽係1979年香港小姐季軍鍾慧冰。上年同樣有份出演ViuTV《阿女又戀嚟》；其後亦有喺香港開電視主持節目《細路開電視》、《30分鐘大放餸》等，似乎想向主持人嘅道路進發～

Photo from ViuTV IG

Photo from 《阿女又戀嚟》

15號Venus

15號佳麗Venus有開設自己嘅YouTube頻道，喺IG簡介上自稱「醉可兒」，平時鍾意上載跳舞影片～

Photo from ViuTV IG

Photo from Venus IG

21號 Suki

Suki喺自我介紹時成功以跳舞及甜美樣貌，贏取到男評判們嘅心，而當時「藍仔頭」亦表示見過佢，二人曾經合作過拍片。佢現時係舞團S.Jewelous HK嘅成員之一，而且仲係網店模特兒！

Photo from ViuTV IG

Photo from Suki IG

28號 KOL阿櫻Violet

阿櫻係YouTube頻道「Chill Up」嘅其中一位成員，喺自我介紹時非常大膽咁將蛇擺上肩膀，成功突圍而出！而佢自己本身都經營緊個人嘅YouTube頻道，對占卜、水晶、爬蟲類動物非常有興趣～

Photo from ViuTV IG

Photo from 阿櫻IG

30號 Kit

Kit（張敏潔）自我介紹時身穿波衫，並且模仿張柏芝喺《少林足球》嘅角色而突圍而出。而睇返佢嘅IG，佢都經常獲唔同品牌邀請出席活動㗎～

Photo from ViuTV IG

Photo from Kit IG

31 號嘉嘉

嘉嘉（kaka )嘅身型嬌少，而佢就表示因為身高及外型經常都係飾演學生或者女兒嘅角色，過往佢曾經出演過電影《狂舞派3》，亦曾經擔任過主播。熱愛唱歌嘅佢偶爾亦會上載唱歌Cover影片，大展歌喉～

Photo from ViuTV IG

Photo from kaka IG

43號 Lila

現時從事保險從業員嘅Lila過往曾經參加過唔少選美比賽，喺2018年參加過香港小姐競選，可惜最終因為合約問題未能繼續比賽；其後於2019年再次參加《世界小姐》，成功躋身40強，非常厲害！

Photo from ViuTV IG

Photo from Lila IG

46號佳麗與女兒一齊報名參賽！

46號佳麗係今次50強裡面第二年長嘅參賽者，被網民指外型同打扮都同七師傅極度相似！而佢就表示自己係同囡囡一齊報名參加，點知自己入圍，囡囡卻出局；事後評判叫囡囡再次上台同媽媽表演，最終成功為囡囡爭取都入圍機會～因此嚴格而言比賽可以話係有51位入圍嘅佳麗。

Photo from ViuTV IG

Photo from ViuTV

Photo from ViuTV IG

54號歌手鍾雨璇

54號佳麗以一身OL黑絲襪嘅打扮出場，自我介紹時話「我唱歌唱咗十幾年都冇人識」，並表演用腳趾夾住毛筆寫字，非常特別～後來網民發現佢應該就係歌手鍾雨璇（前名：蘇慧恩），過往曾經參加過《超級巨聲》但未能入圍；其後又參加過2011年香港小姐於20強止步！上年佢仲突然喺《新城勁爆頒獎禮2021》暈倒，由陳展鵬及吳浩康等歌手抬走。