港媽每週比$500零用錢中五女 包早午飯車費仲要求儲$100 網民:有啲離地

時下學生一個禮拜$500零用到底夠唔夠使？有港媽分享每星期會比$500零用讀緊中五嘅女兒，最近更希望佢可以每星期儲$100，表示怕女女使錢無分寸，帖文引起網民熱論，唔少人都話呢位港媽離地！

Photo from 《天氣好的話，我會去找你》劇照

有港媽係親子王國發文，指女兒今年讀中五，自己每個禮拜都會比$500零用錢，包早餐午餐同車錢，不過最近就要求阿女可以每個禮拜儲$100應急用，不過女女就有唔同藉口，話自己係九龍塘區返學食完飯已經無錢，又話零用錢已經唔夠使﹐如果要佢儲錢就要比多啲零用錢。於是樓主就問其他家長到底中五生一星期$500零用錢包全部嘢夠唔夠。