56歲男迎來第5段婚姻，本身已經係一家62口！細數3段網絡瘋傳奇葩婚姻

唔少人都希望能夠搵到情投意合嘅另一半長相廝守～一名56歲嘅巴基斯坦男子都一樣擁有呢個簡單嘅夢想，不過佢經歷咗4段婚姻但依然失敗告終。佢嘅子女們非常擔心佢，仲反而催促爸爸再婚，最終佢亦成功擁有一段新嘅婚姻！

Photo from Daily Pakistan Global @ YouTube

56歲男子擁有11名子女、40名孫子

根據外國媒體報導，來自巴基斯坦嘅56歲男子Shaukat（肖卡特）過往已經擁有過4段婚姻，現時育有10名女兒、1名兒子。當中有8名子女已經結婚，擁有逾40名孫子！

Photo from Daily Pakistan Global @ YouTube

Photo from Daily Pakistan Global @ YouTube

子女擔心父親感孤單，不停催婚！

不過男子嘅子女們擔心當佢哋成家立室後，只剩下爸爸一人會令佢感到孤單，所以不停咁催促爸爸再婚；而近日子女們終於得償所願，爸爸選擇喺第8位女兒出嫁當日都迎娶第5任老婆！

Photo from Daily Pakistan Global @ YouTube

第5任妻子成功「融入家中」～

Shaukat接受當地訪問時透露，之前嘅婚姻都係因為妻子離世而分開。佢強調覺得年齡並非婚姻中最重要嘅元素，而佢第5任妻子則表示「同呢個大家庭相處融洽」，一家62口非常幸福～

Photo from Daily Pakistan Global @ YouTube

即睇更多人氣文章：

32歲女紋眉後驚現4條眉，不願意出門1年！過往超多紋眉失敗例子？

靚女女友學歷低，醫生男不顧父母反對堅持迎娶！20年後大感後悔？！

63歲男43年內結婚53次！

然而「婚姻就像一場係賭注」，有唔少人不停尋覓卻依然未能尋找到可以情定終生嘅另一半。據外媒報導，63歲嘅阿拉伯男子Abu Abdullah（阿布杜拉）居然喺43年內結婚多達53次，其中最短嘅婚姻只係維持咗一個新婚夜！

Photo from AJELNEWS24 @ Twitter

結婚生活頻頻出現問題？

Abu Abdullah表示自己20歲時第一次結婚，女方比佢大6年，強調當時以為能夠一輩子都只愛第一任妻子！不過佢每次結婚不久後都會出現問題，令佢同妻子關係決裂，每段婚姻平均維持3-4個月左右，而佢亦開始踏上漫長嘅「尋妻之旅」～

Photo from AJELNEWS24 @ Twitter

大讚現任妻子，強調唔會再離婚？

Abu Abdullah話結婚只係為咗心靈上嘅慰藉，而並非為私心，過往佢一發現同對方有問題就會立刻提出離婚。如今，佢就話似乎已經搵到希望能夠一輩子一齊嘅女生，大讚現任妻子但就拒絕透露更多資訊，只係話「年輕女人身上找不到的安穩，在年長的女性身上卻找得到」，相信妻子應該年紀比較大～

Photo from AJELNEWS24 @ Twitter

印度男一下子娶8名妻子

現時尚有少部分嘅地區允許「一夫多妻」制～早前，一名印度富翁喺婚禮上一次過迎娶8名妻子，場面震撼，亦引起當地網民嘅熱議！只見婚禮當日，佢哋一字排開影「婚紗照」，但由於人數眾多，所以鏡頭都一下子影唔晒～

Photo from Twitter

被網民稱為「印度韋小寶」

當時唔少網民見到之後，都搞笑留言話佢係「現實版韋小寶」、「晚上應該很忙」等。不過都有網民質疑婚禮嘅真實性，認為可能只係為咗炒作，而並非正式嘅婚禮。

Photo from Twitter

17歲男與一對堂姐妹結婚？

而喺印度最備受熱議嘅一段婚姻就絕對係「2小時內結婚2次」嘅故事喇！17歲蘇潘迪（Supandi）迎娶咗2名同佢同齡嘅女仔，然而最奇怪嘅係2名女子係堂姐妹關係！

Photo from Serambi on TV YouTube

事件引起當地網民熱議

據悉，三人細細個就已經認識，婚事早就已經訂下。不過當地嘅合法結婚年齡為19歲，所以佢哋暫時都只係算訂婚，必須等年齡屆滿先可以完婚。不過當地網民當時都對呢們婚事有意見，認為三人關係好奇怪！

Photo from Serambi on TV YouTube

相關文章：79歲老翁年少時1夫10妻，依然處處留情？！老年時期卻無人問津狀況超慘？

相關文章：巴西男模曾辦婚宴同時娶9位老婆，近日卻經歷被分手！盼能儲夠10位伴侶！用1個方法表達愛意？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）