長沙灣法國菜 ～「藍帶大廚主理」CP值超高！老闆超有人情味～

小編今日推介位於長沙灣福榮街一間極有心思的法國餐廳Oui Oui Bistro。

老闆Jeff 係法國藍帶大廚，佢對食物嘅執著就係堅持選用外國直送食材。老闆Jeff同主廚Kenneth辛苦經營了兩年多的時間，由一開始沒有人認識到今天差不多每晚都Full Booking ，好多客人都係慕名而來。
當老闆每次創作新菜式都會邀請當晚客人試食，而家仲愈來愈多街坊熟客。老闆分享左一個有趣故事，聖誕節其間大部份餐廳為左能提高消費都會推出以人頭計嘅聖誕餐，有一年聖誕一對年約十幾歲嘅小情侶想試一下佢地嘅聖誕餐，當小情侶食到一半嘅時候先發現身上嘅錢唔夠，老闆為左唔想兩位小情人掃興就照著佢地嘅預算製作出聖誕餐。佢希望客人開心就係佢最想做到既事～

1. 西班牙黑毛豬配特制甜豉油

食材選用西班牙入口伊比利亞黑毛豬配上特制甜豉油，以傳統方法製成。最特別之處就係將伊比利亞黑毛豬煮至八成熟，肉質帶點粉紅色時就係最好味嘞。嘩～真係好好好味呀～

2. 海鮮墨魚汁意粉

大廚嘅墨魚汁係由魚湯配上黑魚汁所製成，海鮮仲係每日新鮮運到，廚師仲會選用時令海鮮製作添，每次點選呢個菜式都會有不同驚喜架～～

3. 鵝肝燉蛋

鵝肝燉蛋同一般餐廳食法唔同，燉蛋仲係即叫即製嘅暖食。 鵝肝燉蛋係最為考廚師技術，成個製作過程廚師要不段調節火喉令到燉蛋煮成流質，先可以塗上多士上面一齊食。糖面用噴火槍燒嘅時候個份技巧更要小心控制，唔可以令燉蛋上面嘅糖面過燶架～

燉蛋鋪上多士上一齊食，真係好特別呀～

地址：長沙灣福榮街512-518號依時大廈地下A舖 （港鐵長沙灣站 C2 出口, 步行約7分鐘）

電話：2411 1668

營業時間：星期二18:00-22:00，星期三至五 12:00-15:00 及 18:00-22:00，星期六、日及公眾假期12:30-16:00 及 18:30-22:00 （逄星期一休息）

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載