美麗戰場｜「威爺」李成昌現實中係好男人，曾為患癌姐姐捐骨髓！蔣家旻罕有演反派成功突圍而出！

Digital Content Writer

大台台慶劇《美麗戰場》即將迎來大結局，劇情發展變得越來越緊湊！當中蔣家旻及李成昌二人嘅演技更成為焦點，佢哋成功將反派角色演繹得出神入化，令網民都大讚佢哋嘅演技。而佢哋兩個近日亦接受《東張西望》嘅訪問，談及拍攝期間嘅感受。

Photo from 《美麗戰場》

《美麗戰場》蔣家旻+李成昌演技獲一致好評！

《美麗戰場》正在熱播中並即將迎來大結局！雖然劇情被網民指太老土，不過演員們嘅表現依然成功獲得網民們嘅關注。喺第14集中，飾演「反骨琪」嘅蔣家旻本身想設陷阱俾陳瀅，並將對方交俾威爺（李成昌飾演）。點知劇情竟然迎來大反轉，蔣家旻因無意中飲下紅酒而暈倒，最終與男方發生親密行為！

Photo from 《美麗戰場》

隨後，「反骨琪」因此感到委屈及憤怒，仲對著塊鏡向自己喊話「唔可以喊！鍾家寶我一定要你十倍奉還！」而佢亦成功將本身委屈落淚嘅心情，繼而「唔執輸」自我激勵自己嘅場面演繹得淋漓盡致，令好多觀眾都大讚佢呢場戲絕對可以稱得上係「最佳女主角」嘅水準！

Photo from 《美麗戰場》

呢場戲亦成為網民焦點，蔣家旻及李成昌嘅演技都獲得網民讚賞；而二人劇中嘅片段更有多達逾50萬點擊率！近日，佢哋2個齊齊獲邀喺《東張+》受訪，而主持人容羨媛（Fion）卻興奮咁以二人嘅親密戲作開頭，令一旁嘅2位「當事人」一臉尷尬，而蔣家旻亦話「其實都唔係好好受㗎！」

Photo from 《東張+》

二人都表示拍攝呢場戲時壓力好大，李成昌直言「我哋男演員好多思考㗎！有啲位唔可以太過火，但又要自然，好大壓力㗎！」；而蔣家旻就話自己喺拍呢場戲嘅前一晚緊張到瞓唔著！不過佢哋都表示滿意最終拍攝嘅成果，認為辛苦係值得嘅！

Photo from 《東張+》

現時32歲嘅蔣家旻過往大多飾演「乖乖女」嘅角色，並未有太多突圍而出嘅機會。喺「萬千星輝頒獎典禮2020」，佢成功榮獲「飛躍進步女藝人」；之後喺2021年獲提名為「最佳女主角」。

Photo from 《愛回家》

Photo from 「萬千星輝頒獎典禮2020」

而今次蔣家旻喺《美麗戰場》中罕有地以反派角色「反骨琪」登場，仲將嫉妒心超重嘅角色演繹得好好，令唔少網民都忍唔住好投入劇情！好多觀眾都認為佢今次破格嘅演出，應該可以令佢有份角逐今年「視后」獎項～

Photo from 《美麗戰場》

Photo from TVB FB

65歲嘅李成昌自1979年加入大台至今，曾參與多部劇集拍攝，係為人熟悉嘅演員。2012年，佢曾經喺「萬千星輝頒獎典禮」中獲得「傑出演員大獎」；近2年亦有份入選為「最佳男配角」候選人，現時亦係大台訓練班嘅導師之一，演技實力備受肯定！

Photo from 娛樂新聞台

Photo from TVB

雖然李成昌多數都喺劇中扮演反派角色，不過現實中佢卻係一位好丈夫及好爸爸！佢同老婆知道囡囡鍾意哈利波特，渴望到英國讀書，所以兩夫婦努力賺錢，只為俾囡囡更好嘅學習環境。儘管佢經常都要拍戲，但佢堅持將家人放喺第一位「唔想長時間離開屋企，就算北上一個月我都會心掛掛」可見佢同家人關係非常緊密！

Photo from 李成昌微博

Photo from 娛樂新聞台

另外李成昌亦曾經為不幸換上淋巴癌嘅姐姐捐骨髓，可惜姐姐依然未能戰勝病魔離世。而佢都變得更珍惜同家人一齊嘅時光，並努力工作為妻女提供更好嘅生活，絕對係一位好好先生！

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel