「雞排妹」鄭家純宣佈結婚！日籍丈夫身份大起底！被網民發現原來早有預兆？

台灣女星「雞排妹」鄭家純今日（2日）突然宣佈結婚喜訊，對象係日籍小兒科醫生；據悉男方名字為Akira，與林志玲丈夫撞名。而雞排妹亦透過經理人透露閃婚原因！

Photo from 鄭家純IG

台灣「雞排妹」鄭家純獲大量男粉絲支持

現年29歲「雞排妹」鄭家純憑魔鬼身材及甜美外表，曾推出多本寫真集，成為「宅男女神」！而性格直率嘅佢向來都非常敢言，即時面對網民批評都願意正面回應。

Photo from 鄭家純IG

突然宣佈結婚，丈夫身份公開！

今日（2日），鄭家純突然宣佈結婚消息，男方為日籍小兒科醫生Akira，年紀比佢大3歲！據悉，二人喺2018年透過交友App認識，隨後擦出愛火。當年雞排妹曾高調認愛，並大讚男方溫柔細心。

Photo from 千巡影世

Photo from 鄭家純FB

為丈夫努力學習日文

雞排妹曾表示對遠距離戀愛感到抗拒，但被男方嘅行為所感動，最終決定與對方交往。當時佢仲話男友外型極似吳崢及韓星孔劉；而佢亦為咗能夠同對方溝通更好，努力練習日文，現時日文水平進步神速！

Photo from 鄭家純IG

雖然二人因為疫情而導致感情疏遠，分分合合，不過雞排妹今次去日本進修令二人舊情復燃，情定終生！

Photo from 鄭家純IG

即睇更多人氣文章：

港媽帶4歲女兒遊日本被迫滯留？大呻因航空公司大意導致未能返港，卻反遭網民批評？

男友獨自旅行原來係去整容？質問下解釋背後原因 港女知真相後超震驚

自爆閃婚契機

而雞排妹亦透過經理人公司透露結婚嘅原因，喺佢今年發佈出道10週年畢業寫真前，佢曾擔心男友會因此而介意；然而對方卻貼心回應「如果你因此感到困擾，我會好心痛」，並大讚對方嘅照片拍得靚，令雞排妹放下心頭大石，更認定對方為結婚對象！

Photo from 鄭家純IG

網民發現早有預兆？！

有網民就發現雞排妹早前嘅言論已經早有預告？！過往佢曾透露等到28歲後才考慮結婚，喺今年8月剛踏入29歲嘅佢立刻成為人妻；而喺10月31日，佢突然於FB上載自己飛往日本嘅消息，仲曾經詢問有關購買婚戒嘅問題！

Photo from 鄭家純IG

Photo from 鄭家純FB

Photo from 鄭家純FB

宣佈將來不再拍寫真集？！

而且，雞排妹早前於寫真集記者會中宣佈「我下車了」，宣佈唔再拍攝寫真集，令唔少網民感到震驚！佢當時就透露將會去日本讀書，為期半年；面對感情問題時佢亦只係回應「有好消息會跟大家宣佈」，估唔到過咗一陣就真係傳出喜訊～

Photo from 鄭家純IG

Photo from 鄭家純IG

相關文章：雞排妹鄭家純驗樓驗足3小時！列超長改善清單！網友：太多餘

相關文章：荃灣豬肉檔AK走紅疑似集團操作？盤點9位素人店員 爆紅後命運超不同！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）