冒險樂園前員工大爆內部秘密！擲彩虹大獎原來有秘訣？

By Pat on 09 Dec 2022

Digital Editor

多年嚟一直屹立不倒嘅美國冒險樂園，係大人同小朋友都熱愛消磨時間嘅好地方，走入冒險樂園最多人最熱鬧嘅地方一定係擲彩虹無誤！有前冒險樂園嘅員工就喺連登討論區大爆關於冒險樂園嘅內部秘密。

Photo from Photo from @JumpinGymU.S.A

大家去冒險樂園最關心嘅問題不外乎都係夾公仔、帶小朋友感受歡樂氣氛、更有人希望靠獎票去換心儀嘅禮物。樓主於發文中就聲稱，自己將快離職，希望可以解決網民關於冒險樂園嘅一堆問題，而此Post一出，網民們都紛紛追問樓主有關冒險樂園的秘聞，例如邊部機最抵玩，擲彩虹到底有冇人成功擲到藍色大獎？

Photo from Photo from @JumpinGymU.S.A

1.推銀機最合乎經濟原則？

樓主就認為，推銀機一定係最合乎成本效益，員工內部會叫六人機，而原來推銀機有六邊，根據每邊設定唔一樣，Payout都會唔同，例如一號位，兩邊封三成，二號位就可以左邊封四成，所以玩家玩之前可以注意每部推銀機兩邊鐵塊封咗幾多，再決定要唔要玩嗰一邊咁話。

Photo from Photo from LIHKG

Photo from Photo from @JumpinGymU.S.A

2.最唔抵係邊部機？

有網民覺得夾公仔機係最貴嘅一部，要成12個金幣一鋪，而且公仔質素參次，質疑到底有無人真係會玩，樓主又講到，曾經有客人夾到公仔機壞咗，維修期間聽到原來已經玩咗超過$1000蚊，證明公仔機的確係有市場價值。

Photo from Photo from LIHKG

Photo from Photo from @JumpinGymU.S.A

3.擲彩虹嘅結果係亂判？

有唔少人認為擲彩虹靠嘅係運氣，但亦有人認為靠嘅係員工對擲界嘅判斷，樓主就承認有時唔中都會當中，但單純係因為同情心，如果客人玩咗6-7次都無次中，就算睇到唔中都會話中，又或者如果客人係有禮貌或小朋友就更加會鬆手啲，反正獎品唔係自己嘅，自己開心之餘人哋都會開心。

Photo from Photo from LIHKG

Photo from Photo from @JumpinGymU.S.A

4.藍色大獎係咪真係有人中？

相信好多朋友玩擲彩虹都係亂掉，每次要完全入到彩虹顏色已經好困難，更莫講話要正中藍色而且唔出界，但原來擲彩虹唔單止係靠運氣，仲有真正嘅「高手在民間」，樓主就話其實平日嘅話平均有0-3會中大獎，而星期六日更加多達5-10人中大獎，而高手通常會喺同一場地不停玩，因為「每個場個地滑度唔一樣，有啲滑啲，有啲冇咁滑。所以你適應咗一個場，玩慣成日中，到去咗第二個場就係另一回事。」睇嚟想中大獎，都要密密去同一間練習先得喇！