放租宣傳租客曾中六合彩，獎金高達960蚊，網民嘲笑贏埋唔夠交租

By Pat on 15 Dec 2022

Digital Editor

呢個年代想租樓仲要經地產公司？其實網上已有好多唔同嘅討論區又或者租屋平台可以線上睇樓，但係網上面嘅一切都比人唔可靠嘅感覺，租客好多時都會想知該單位曾經發生過咩事，近日就有網民喺facebook群組「元朗屯門租售靚盤速遞」中出文放租，指上手租客曾經中過六合彩兩次，總獎金仲高達960元，引得一眾網民哈哈大笑。

Photo from Photo from 《地產仔》劇照

樓主於Facebook群組「元朗屯門租售靚盤速遞」指位於錦田市中心嘅一間500呎兩房四樓嘅單位，月租8000元，步行至錦上路西鐵站只需要10分鐘，但就透露「附近街坊披露該單位上手租客，曾經於上址單位居住時分別中過六合彩五獎同六獎，總獎金仲高達港幣玖佰陸捨圓正」，亦即係960元！但由照片可見，該村屋並無任何特別之處，全白無傢俬，只保留冷氣機與及抽油煙機，言下之意應該就係下一位入住嘅租客都有機會中六合彩獎金？

Photo from Photo from「元朗屯門租售靚盤速遞」

網民反應熱烈

帖文一出，一眾網民就忍唔住冷嘲熱諷一番，問「點解業主唔自己住番？」，「贏埋得嗰4日租都冇」、「騙徒話“我都賺夠喇比啲人賺下”」、「中咗咁多錢點算好呀」、「到時唔中六合彩可以退租？」又有人指交屋比樓主出租嘅業主真係可憐，因為樓主喺到「懶搞笑，點知比人笑返轉頭」

Photo from Photo from「大埔 TAI PO」

Photo from Photo from「元朗屯門租售靚盤速遞」

樓主原來早有前科

有眼利嘅網民就指認得樓主，指佢經常會出租一啲老舊嘅村屋「好奇問吓，你d盤成日都偏舊有無人租，定你不如轉去做棟篤笑」、「條友好熟面口，好似係地產佬」、「呢個經紀一向係咁架，你睇得佢啲post多就知佢成日寫無聊嘢」，似乎知道發文者職業就係地產經紀，而翻睇樓主嘅舊文，都唔難發現佢以往嘅發帖，除咗大部份都出租舊樓以外，內容都會令人摸不著頭腦，而且每間舊樓嘅質素保養都比較差，甚至唔出屋內環境相放租，令網民們覺得匪而所思。

Photo from Photo from「元朗屯門租售靚盤速遞」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

出租20年單位收樓竟全屋發霉業主崩潰稱要重建網民震驚:似鬼屋

Sep 29, 2022

租樓最怕遇到無良業主，不過業主都怕遇到「極品租客」！有業主係網上分享，將物業租比同一個租客20年，直到近日收樓當場嚇窒，全屋牆身嚴重發霉，周圍都充斥住唔同嘅油垢污垢，形容為「下水道風」，更可能要全屋拆過重建！

Photo from 《上流寄生族》劇照

放租20年單位

一名台灣網民係Facebook群組「爆廢公社公開版」分享，表示30年前同屋企人係台中居住，讀小學時搬走，於是家人將物業租比同一個租客，至今已經過去20年，樓主表示物業係台中市非常就腳嘅地方，月租1萬台幣（約港幣$2500）。

Photo from 《香港愛情故事》劇照

樓主長大後返到台中工作，曾經多次要求家人收回物業比佢自住，自己亦會比返租金家人，不過樓主嘅媽媽念及該租客經濟條件麻麻，有時仲有欠租情況，就一直無要求對方搬走，於是樓主就要用更多錢租其他唔係精華地段嘅地方。

Photo from 《殺手》截圖

收樓發現污糟到「唔似人住」！

直到近日毫由租客主動退租，樓主媽媽就打算收回物業，留比樓主等佢唔洗再出去租屋，收樓時「居然是這個模樣」！事主形容為「我以為租給忍者龜，把房子打造成下水道風格」，從佢分享嘅圖片中可見，全屋大小角落都嚴重發霉，客廳、浴室嘅牆同地板都發黑同滿佈霉菌﹐而廚房嘅牆就係萬年油垢，紗窗上亦堆積咗厚厚一層灰塵﹐睇落認真核突！