連打邊爐三日，男生腹瀉屙血便，因一個原因感染沙門氏菌
香港人一年四季都喜愛打邊爐，更莫講咁寒冷嘅冬天，不過原來打邊爐都有正確的食法，方法錯誤分分鐘可大可小，台灣就有個男學生因為連打邊爐三日，竟然連續肚瀉足三日，一日瀉足五至六次，到第三日更加出現血便，去睇醫生時就發現原來係食用的方法出現問題。
Photo from Photo from Shutterstock
食用方法出現問題
台灣肝膽腸胃科醫生葉秉威日前在節目《健康好生活》中就講述一宗病例，指一名媽媽帶同仍然在學的兒子去求診，透露兒子經已連續三日腹瀉，而且一天更加腹瀉五到六次，甚至出現血便。經醫生診斷後，發現原來一家人很熱衷打邊爐，近日又再次如是，不過今次有所不同的是，買了一個鍋底回來後，就每天加肉，加蛋煮食。吃不完的食物就放雪櫃繼續保存，隔日再攞出來加熱，然後周而復始地再加新的肉和蛋，就這樣連續吃了兩至三日。
Photo from Photo from Shutterstock
Photo from Photo from Shutterstock
葉醫生聽罷，忍不住說聽起來是「非常NG的」，因為將生熟食物加在一起，每次加熱又不完全熟的狀況，而且食物已經放在雪櫃裏多天，容易造成細菌毒素大量滋生，難怪男生會有這種細菌性腸炎的症狀。經過細菌培養檢查之後，證實男生得了沙門氏菌。
Photo from Photo from Shutterstock
隔夜食物要小心食用
葉醫生之後亦分享，其實隔夜的食物依舊可以食用，但就要跟足以下步驟：
Photo from Photo from Gettyimages'
Photo from Photo from Shutterstock
一）避免口水沾到：食物應事先分開存放，避免沾到口水、容易滋生細菌。
二）已煮熟的食物避免於室溫下存放太久：避免細菌增長，應盡量在1至2小時內放入雪櫃冷藏。
三）海鮮、肉、蛋、內臟不可以隔夜：海鮮及內臟類等食品容易腐壞，建議當天食用完畢。
四）避免反覆加熱：加熱以一次為限。
五）冷藏食物兩天內食完，如放冰格最多可存一個月。
六） 加熱食物至70˚C以上：吃隔夜菜前一定要充分加熱。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
打邊爐無GAS用爭啲搞散頭家？！媽媽堅持要爸爸落街買 多間舖搵唔到終發難
Feb 3, 2022
農曆新年係各家庭食團年飯嘅高峰期，但一多人就容易起爭執。近日，一名網民到討論區發文，分享自己屋企打邊爐無gas用，爸爸被媽媽吩咐落街買但不果，其他人亦唔成功，媽媽最終嬲到自己嚟。雖然最後成功令媽媽接受「周圍都無gas買」嘅事實，但就搞到氣氛僵曬！
Photo from TVB
一家人諗住打邊爐，點知無gas用
最近，一名男網民（下稱樓主）到連登討論區以「頭家因為罐gas散咗」為題發文，佢表示一家人在年廿九打邊爐，豈料無gas，媽媽於是叫爸爸落街買。而爸爸都因為對方本來買漏嘢而已經落咗幾轉街。
Photo from TVB
固執媽媽要爸爸搵勻不同店舖
樓主稱佢屋企本來就有唔需要用gas嘅煮食爐，但媽媽依然唔想換煲，繼續迫爸爸落街買。無奈嘅爸爸搵咗陣就打電話上嚟表示：「冇呀，日本城冇呀。」但媽媽仍不放棄，叫對方轉到另一超市購買，之後爸爸再回電表示一樣無。
Photo from TVB
呢個時候，樓主媽媽已經非常生氣，指示爸爸再去其他店尋找，但爸爸已耗盡耐性，更發脾氣表示唔再搵。媽媽之後大發雷霆，樓主見狀就提議換個唔使用gas嘅爐打邊爐，可惜對方只顧直斥樓主「同個gas爐一樣冇q用」。
Photo from TVB
細佬都忍唔住落街搵
樓主弟弟眼見此情形，都忍唔住主動落街搵gas。途中，由於已過半小時，樓主再次提議換爐，仲表示會自行清潔煲具，但媽媽仍怒火沖天表示：「我話唔換呀！誅多事幹！」之後，樓主弟弟致電表示「樓下真係冇gas」。媽媽聽罷便默不作聲，拿銀包後即衝出門口，離開前亦不忙鬧其他人冇用。
Photo from TVB
連媽媽都出動，終接受現實，惟氣氛已無法挽回
半個種過去，媽媽回家，開口表示：「真係冇gas。」事件開始至今已過了一個多小時，原先嘅邊爐食材已變得唔新鮮，成家人亦嘈到冇哂氣氛，一個二嘅都黑曬面。食飯途中，樓主爸爸更擺低碗筷話唔食，獨自走出家門，自己散步良久才回家。而弟弟之後都離開，樓主亦表示食飽之後會走。
Photo from TVB
對此，不少網民都認為樓主媽媽非常固執，亦感歎一家人食團年飯搞到咁燥底。亦有好心網民搵樓主住邊，「唔太遠嘅話我借畀你」，而樓主則回覆指最後都轉咗爐，並感謝網民嘅心意。
Photo from 連登討論區
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
