七師傅開放3000呎豪宅拍節目客廳超大望無敵海景家底超厚擁有10多個物業

娛樂新聞

By jack on 20 Dec 2022

Digital Content Writer

玄學家七仙羽（七師傅）近年因主持ViuTV綜藝節目爆紅，其後接廣告接唔停，又舉行唱笑會，吸金量驚人。七師傅曾自言身家逾10億，在香港有10多個物業在手。近日她在社交平台分享短片，透露開放自己的豪宅進行節目拍攝，令豪宅內部環境曝光！

Photo from 七仙羽 IG

豪宅望無敵海景裝潢簡約有氣派

近日七師傅分享兩段短片，表示為開電視拍攝賀年節目《開運秘笈》，更開放自己一間位於馬鞍山的3,000呎豪宅進行拍攝，節目組找來Coffee（林芊妤）教主持人阿正做瑜伽。

Photo from 七仙羽 IG

片中可見，豪宅的客廳環境闊落，裝潢以米白色為主調，採用雲石地板，放有鮮花擺設，電視下有一個壁爐，簡約且別具氣派，客廳的落地大玻璃更可飽覽無敵海景，看完片段後，不少網民大讚師傅的豪宅裝修美觀：「間屋好靚呀」、「師傅間屋好靚，好有度假Feel」、「師傅，你間屋真係好靚，風景仲靚」

Photo from 七仙羽 IG

帶同愛貓出鏡表現可愛

另一後短片估計是在豪宅偏廳拍攝，當中有一張米白色梳化，後面則放有具歐式風情的屏風及白色吊櫃。七師傅帶同愛貓出鏡，坐在梳化上接受訪問，期間愛貓不斷發出喵喵聲，並從七師傅手中爭脫逃走到地上，非常搞笑。七師傅留言：「小貓見人瘋，人多就興奮。平時明明好乖，見人多時就要和人玩，人來瘋。抱著它拍攝新年節目時，它不停的掙扎想跑」

Photo from 七仙羽 IG

有網民大讚七師傅的愛貓可愛：「Cat cat 好得意喎」，不過亦有人指師傅太過縱容愛貓，令牠變得任性不聽話：「仙女妳平時ㄧ定好錫好縱妳的可愛貓貓牠呢？所以有啲任性唔太乖乖喎？仙女妳必要敎導唔可縱壞牠的」

Photo from 七仙羽 IG

投資地產有道在香港擁有10多個物業

早前七師傅接受財經媒體訪問，自言身家早已超過10億，透露家境富裕，從小跟隨家人做生意，讀書時期已開始投資，坦言家人曾給她1000萬投資，可惜她炒股票全部輸光，其後轉為投資物業，她曾透露自己認識不少經紀朋友，購入過不少移民盤等性價比高的單位，現時在香港已有最少10個物業在手。據指她在2011年以1600萬購入這間位於馬鞍山的3000呎豪宅，七師傅指這間屋原是放租之用，後來租約期滿，她即用來度假，她表示自己住在紅磡，是因為當地旺她人緣、財運及桃花，而馬鞍山則有利健康，所以每逢假日都會去那處放鬆一下。

Photo from 七仙羽 FB

Photo from 七仙羽 IG

家底超厚多才多藝有學識

七師傅近年接拍ViuTV綜藝節目《鬼同妳上位》及《七救星》人氣急升，憑唔鹹唔淡的廣東話及無厘頭的作風，收獲大批網民歡心。形象趣怪幽默的七師傅其實是一個多才多藝的富家千金，據悉她是馬來西亞華僑，父母在英國做生意，自幼在外國長大，因此說英語比廣東話流利。七師傅曾於英美兩地著名大學留學，大學主修新聞系畢業，其後繼續進修，擁有商業管理碩士學位，她曾任職新聞報導員、財經記者、雜誌編輯及專欄作家，更出版過小說，同時亦是香港作曲家協會會員，曾為多位歌手填詞，多才多藝，從玄學家轉戰幕前依然游刃有餘，深得觀眾喜愛。

Photo from ViuTV FB

Photo from 七仙羽 FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

七師傅放下偶包扮港版郎拿度！人氣超高榮升廣告新寵！身價高達48萬

19 Jan , 2022

人氣超高嘅風水玄學師七仙羽（七師傅）憑著無厘頭嘅風格，成功獲得唔少網民支持！最近，ViuTV又再為七師傅推出新節目《七福星》喇；而節目組就率先上載咗《七福星》賀年歌MV，唔單止邀請咗好多藝人參與，七師傅仲唔顧形象扮鬼扮馬，大派笑彈！

Photo from 《七福星》

# 七師傅搞笑主持風格，獲得網民喜愛！

風水玄學師七仙羽（七師傅）因為上年主持ViuTV節目《七救星》而人氣飆升，無厘頭同搞笑嘅主持風格，成功吸引唔少網民嘅目光，其中佢自創嘅「七連閃電鞭」仲變得非常出名！而佢亦因此而獲得唔少廣告商青睞，成為廣告界嘅新星～

Photo from 《七救星》

# 新節目《七福星》即將開播！

日前，ViuTV就即將再為七師傅開設新節目《七福星》，連同陳安立（Brian）、王頌茵（Kathy仔）、雷深如（J.Arie）以及徒弟郭奕芯（七師傅稱『八鮮乳』），並將於下星期開播，新一年都繼續為香港人發放笑彈～據悉，今次節目嘅嘉賓都非常重量級，包括有張敬軒、吳保錡、郭嘉駿（193）@ERROR、鄭欣宜等。