何傲芝終成功嫁入豪門，疑似已誕下BB母憑子貴！曾以5字諷黃翠如
現年38歲嘅何傲芝多年嚟都同唔少富商傳出緋聞，近日佢終於如願嫁入豪門！老公係「帝皇翡翠」創辦人兼行政總裁董吳玲玲之子董必政，唔少圈中好友獲邀出席婚禮。何傲芝情路坎坷，曾與蕭正楠有一段情，惜最終未能修成正果。
Photo from 何傲芝微博
何傲芝嫁「帝皇翡翠」創辦人兼行政總裁董吳玲玲之子董必政
何傲芝父親係馬主何世根，佢妹妹何傲兒（現已改名為何天兒）參加過2007年參加香港小姐競選，惜大熱倒灶，僅獲「旅遊大使獎」。佢哋兩姊妹先後加入TVB，何傲芝就主力做主持，曾主持《東張西望》。
Photo from 何傲芝微博
Photo from 何傲芝微博
何傲芝離巢多時，本人亦十分低調，甚少有關於佢嘅消息傳出。近日何傲芝結婚，邀請唔少圈中好友，包括Bob林盛斌、沈卓盈、黃婉曼等。黃婉曼就喺IG晒出多張合照，何傲芝嘅丈夫正係「帝皇翡翠」創辦人兼行政總裁董吳玲玲之子董必政。
Photo from 黃婉曼IG
Photo from 黃婉曼IG
Photo from 黃婉曼IG
老公抱B入場，何傲芝母憑子貴嫁入豪門
有指何傲芝獲爸爸介紹認識唔少富貴馬主，佢亦曾經同富二代張明偉傳出緋聞。現年38歲嘅佢終於如願嫁入豪門，不過相信佢能做少奶奶過程都唔容易，從出席婚禮嘅賓客IG可見，新人入場時，何傲芝老公就抱住一個BB，似乎兩人都升呢做父母！
Photo from 何傲芝微博
Photo from 鄭文IG
黃婉曼IG就留言指亦有hashtag「#雙喜臨門」，至於擔任婚禮司儀嘅Bob則發文：「恭喜Gigi同Donald。祝你哋甜蜜幸福幸福，BB健康快樂成長！」相信何傲芝已為丈夫誕下小朋友，母憑B貴成功做豪門少奶奶。
Photo from 黃婉曼IG
Photo from Bob IG
Photo from 何傲芝IG
曾以5字諷黃翠如做小三搶蕭正楠？！
其實喺TVB時期，何傲芝曾同蕭正楠拍拖3年，當時傳出黃翠如介入令佢哋分手，何傲芝更喺微博以蕭正楠金句：「邪不能勝正」暗諷黃翠如！事隔多年，蕭正楠同黃翠如已結婚成夫妻，更經常公開晒恩愛，而何傲芝亦搵到真命天子，更已為人母。
Photo from 蕭正楠IG
Photo from 何傲芝微博
Photo from TVB
Photo from 何傲芝微博
至於佢妹妹何天兒就仲未有著落，何天兒曾與已故娛樂老闆林建名傳出「爺孫戀」，又同「西貢地王」太子爺周子揚拍拖，對象都係有米男士，未知佢會唔會都同家姐一樣嫁入豪門呢？！
Photo from 何天兒IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
何天兒重返娘家拍節目，被指樣貌「大進化」？！與Ali情同姐妹！過往緋聞最受觸目
16 May 2022
現年33歲嘅何天兒（前名何傲兒）過往係大台旗下藝人，直到2015年正式對外宣佈離巢。最近，佢就獲邀上由李佳芯（Ali)及黃霆鋒所主持嘅清談節目《夢中．情．人》，久違地重返大台拍節目～而唔少網民就覺得佢嘅樣貌似乎變得唔同咗？！
Photo from 何天兒IG
何天兒2007年參選港姐入行
何天兒（前名何傲兒）2007年參加香港小姐競選，但最終大熱倒灶只係獲得「旅遊大使獎」，其後正式加入娛樂圈。過往曾出演多部電視劇，包括：《同事三分親》、《宮心計》等，亦有份主持節目，曝光率都幾高！直到2015年，佢喺出演完電視劇《波士早晨》後就宣佈離巢。
Photo from 《Click入黃金屋》
Photo from 《歸去来》
獲邀上Ali主持節目《夢中．情．人》
日前，由視后李佳芯（Ali)以及黃霆鋒主持嘅全新清談節目《夢中．情．人》就邀請咗何天兒做嘉賓，亦係久違地再返「娘家」～而節目主要就係以探索夢境為主，仲會邀請各個範疇嘅專家分析大家嘅夢境，從而解開夢境嘅秘密。
Photo from 何天兒IG
Photo from 何天兒IG
何天兒同Ali關係好，曾於劇中扮演姐妹！
而何天兒於IG Story上載拍攝節目嘅幕後花絮，只見佢同Ali關係非常好，二人仲頭貼頭咁傾計，情同姐妹！過往二人曾於電視劇《波士早晨》中飾演姐妹，而當時嘅何天兒就飾演哨牙妹「姚金鳳」，罕有地放地偶像包袱，可惜當時未能成功引起熱話。
Photo from 何天兒IG
Photo from 《波士早晨》
Photo from 《波士早晨》
網民懷疑何天兒樣貌「升級」？！
不過，有網民就認為何天兒嘅樣貌似乎同剛入行嘅時候唔同咗，五官變得更加精緻！本身已經眼大大嘅佢，雙眼皮變得更加明顯，亦褪去過往稚氣嘅圓潤嘅面形變成V型瓜子臉。
Photo from 何天兒IG
Photo from 何天兒IG
有意轉型成為KOL！
近年，何天兒似乎有意轉型成為KOL，連續2日於YouTube頻道上載彈古箏以及鋼琴嘅影片，大晒音樂天份～而佢不時會喺頻道分享關於保養皮膚以及外出遊玩等影片，同Youtuber們非常相似～
Photo from 何天兒 YouTube
Photo from 何天兒 YouTube
過往緋聞最受觸目！
過往何天兒嘅感情生活都非常精彩，最轟動嘅一段就係同已故娛樂老闆林建名所傳出嘅「爺孫戀」，當時佢因為飽受輿論壓力而公開同男方劃清界線，而男方隨即喺媒體面前哭訴；後來何天兒與「西貢地王」太子爺周子揚拍拖，不過二人最終不歡而散。而何天兒離巢後就簽約到林建名旗下嘅娛樂公司，二人正式上契！
Photo from 娛樂新聞台
Photo from 周子揚IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
