由TVB配角變內地男主角！12個鐘等於無綫兩個月人工！

戴耀明係TVB一直做開綠葉王，而家大變身，返內地做男一，終於挨到出頭天！

TVB其實人材輩出，但無綫只係力捧「親生仔女」，唔少人材都欠缺一個機會同運氣。而戴耀明就係一個人版，入行25年，由亞視到無線，一直都係做三、四線演員，戲份唔多。

但佢仍然好努力做好每一個角色，好似為人熟悉劇集《鐵馬尋橋》入面富有正義感嘅「排長」，仲有係《巾幗梟雄之義海豪情》飾演奸狡角色都獲得正評嘅「向山達也」，兩角均深入民心。然而一時彈起並冇改寫戴耀明係無綫嘅地位，仍然只飾演一D戲份唔多嘅配角。
Photo from TVB
Photo from TVB

好多人都知無綫藝員人工偏低，綠葉演員更加唔洗講，隨時得幾千蚊一個月。戴耀明雖然穩守配角位，但係無綫根本冇機會上位。
Photo from TVB

不過機會黎啦，等左咁多年，戴耀明早前係國內，接拍左一套愛奇藝網絡電影《爆裂老婆三歲夫》，飾演男主角，他接受其他傳媒訪問時都話，真係估唔到可以做男主角，自己知自己事，喺無綫多數做配角，可能有時得幾場戲，但明白喺無綫未必揾到飽飯食，就要出去諗下計，一直留係無綫都冇人識佢叫戴耀明。

而且佢仲話國內資金多，亦好鍚啲演員，除左有保姆車接送，仲提供私人助手，拍一組12個鐘就有3至4萬人仔，有時拍幾個鐘都照收，等於無綫兩個月嘅人工。

不過佢仍然好多謝TVB，因為TVB先令大內地嘅演員、劇組認識佢，仲個個都叫佢戴老師！

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載