Kayan Locker 數月未有互動，傳已分手兩個月兼被好友撬牆腳？

By Pat on 07 Feb 2023

Digital Editor

試當真女神kayan9896（吳家忻）2021年同MC $oHo（蘇豪）、KidNey（許賢）合唱《係咁先啦》爆紅而為人熟悉，而成員之一的林家熙（Locker）16年因為拍攝電影《點五步》正式入行，2020年再加入「試當真」為固定成員之一，二人2020年於試當真影片《唔通佢有男朋友》而認識繼而擦出愛火，並於2021年正式公開戀情至今，但近日就有網民指出，原來kayan同Locker經已分手，而且分手原因仲因為有第三者？

Photo from kayan9896@IG

2021年公開認愛

其實早於兩人公開認愛前，有網民一早已經爆出二人在外拖手的合照，傳出早就撻著半年，而敢愛敢恨嘅Kayan都早已在訪問時表示：「喺街見到我拖住嗰個就係嗰個，想將感情事低調啲。」間接默認戀情，相反Locker就一直閃閃縮縮，雖然曾於試當真影片中高呼：「我鍾意kayan9896！」但其後又指：「絕對冇能力私有化Jeannie，只係大家了解中，有食飯、去街，大家相處都舒服同啱傾，有發展空間。」但當時網民已經質疑Locker食女無數，對感情唔認真。但其後兩人開始於IG上放出Kayan身處Locker家中嘅照片，更毫不避諱地放出親密合照，間接公開戀情。

Photo from kayan9896@IG

成為廣告商新寵兒

而自從兩人公開戀情之後，開始好多廣告商搵佢哋情侶檔出席活動，甚至拍廣告，一齊密密搵真銀，當然kayan本人都深受各大品牌嘅廣告商歡迎，而且戀愛中嘅女人特別開朗自信，加上kayan本身開朗又爽直嘅性格令佢愈來愈受歡迎，而除咗情侶檔嘅廣告照片之外兩人私下都會不停放閃釋出外遊嘅合照，令到外界都認為佢哋嘅感情非常穩定。

Photo from locker_94@IG

Photo from kayan9896@IG

被爆二人無再互動

有網民就於連登討論區留言指出，兩人最後嘅合照已經係上年11月，直到今日都無再出現合照，而且以往分享嘅生活照中都會見到Locker家嘅愛貓花生，以及家居嘅環境照，但男方久未出現於自己嘅屋企，令人不禁產生疑問。而且以往兩人嘅IG互動頻密，幾乎kayan每次發文Locker都會秒速比讚，但自從12月開始就無再喺對方嘅IG上有所互動。

Photo from kayan9896@IG

網民聲稱見到Locker荷蘭攬女？

見到雙方無再互動，而kayan咁啱於1月叱咤頒獎禮後，便到泰國布吉出遊，有指佢係想出外療情傷，但由照片中可見就未有同行朋友，未知是否獨遊。而另一邊廂，Locker IG 就放出到荷蘭旅遊嘅照片，有網民就聲稱於荷蘭見到Locker攬住其他女仔，另外亦有網民發現指同一時間林千渟（原名林渟）亦身處荷蘭，而且照片中嘅地區亦跟Locker相同，懷疑二人係結伴同遊，而kayan同林千渟就因拍攝《#她和她的戀愛小動作》而成為好友，質疑kayan會唔會被好友撬牆腳，但同時亦有網民幫林千渟平反指佢有男朋友，而且其男友林卓彥其實都有一齊去荷蘭咁話。不過孰真孰假相信就只有佢哋自己先知了！

Photo from jeffylcky@IG

Photo from kayan9896@IG

Photo from lamting@IG

Photo from locker_94@IG

Photo from 《#她和她的戀愛小動作》

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

游學修Jessica公開戀情！情史曝光，試當真多女成員被質疑「自肥」

Apr 28, 2022

YouTube 頻道「試當真」創辦人游學修同成員Jessica（陳苡臻）曾傳緋聞不過就被游學修否認，但僅僅過咗兩個月，游學修就喺IG公開認愛，仲話之前否認係因為未追到Jessica？！

Photo from 游學修IG

「試當真」游學修公開認愛Jessica！

「試當真」人氣高企，幾位幕前都由YouTube做到變藝人，更開兩場現場演出，反應熱烈，又開設網上商店、宣佈籌備開拍電影，最近連NFT都賣埋，發展越嚟越好。

Photo from 游學修IG

幾位幕前成員都擁有超強人氣，其中Jessica（陳苡臻）更獲網民封為「世一女神」，不過女神已名花有主！游學修喺IG公開戀情，晒出合照承認同Jessica拍緊拖：「我拍拖了」，成為試當真圍內第二對情侶！

Photo from Jessica IG

Photo from 游學修IG

2個月前共飲一杯凍檸茶傳緋聞

其實早喺二月Jessica同游學修就傳出緋聞，原因係會員直播中，有網民發現二人經常一齊坐，其中一條影片游學修又湊近Jessica耳邊「傾密偈」，之後Jessica更主動將自己嘅飯盒同游學修交換。

Photo from LIHKG

兩人仲開心share一杯凍檸茶，關係親密！不過游學修喺IG澄清當時仲未拍拖：「之前凍檸茶事件本來唔想回應（未追到點公開講未追到呢，，，，」其實Jessica有位交往近7年嘅圈外男友，佢曾IG上載二人甜蜜合照。

Photo from LIHKG

Photo from 游學修IG

Jessica與港隊劍擊運動員前男友相戀7年

有指Jessica男友係港隊劍擊運動員任俊霖，而且仲有疑似婚紗相流出！游學修Jessica緋聞傳出後，游學修曾經喺IG晒合照代Jessica回應已回復單身：「星期六直播後引起討論，有網民翻出舊相。該批相片為Jessica入行前為朋友當模特兒所拍。Jessica於上年已經回復單身，希望大家可以給予空間、減少傷害。」