日男失業3年持續零收入零儲蓄 靠7部手機養活自己？分享另類搵食大法

要養活自己，就要透過工作獲得穩定收入。不過，日本一名39歲男子卻走非傳統路線，佢3年前失業，就算無積蓄都堅拒工作。神奇嘅係，佢可以於「零收入」狀態下解決三餐同住宿，仲喺社交平台分享佢慳錢心得，大爆自己靠7部手機填問卷換點數及商品，又借住朋友居所，生活方式令人大開眼界。

Photo from Japan Rail Pass

據日本媒體報道，39歲男子「多彪導演」（どぴゅ監督）（網名）曾經任職成人影片演員、導演、背包旅客，又做過炒散。自從5年前失業後，佢再無工作過。雖然佢依段時間無收入同儲蓄，但佢諗出奇招應付日常開支！佢仲開埋Twitter同網友分享生活大法，引嚟熱議。

Photo from 《ABEMA変わる報道番組#アベプラ》截圖

有見及此，日本節目《ABEMA変わる報道番組#アベプラ》對佢進行採訪，了解佢如何以「零收入」狀態解決生活。

Photo from 《ABEMA変わる報道番組#アベプラ》截圖

原來，多彪導演全靠7部手機作生財工具，而大部分手機都係用以往工作嘅薪金購入。

Photo from 《ABEMA変わる報道番組#アベプラ》截圖

因為日本有唔少食肆同超級市場都會以「儲積分換禮品」方式吸引顧客，所以，多彪每日都會上網填寫唔同商店嘅問卷，同玩商家發行嘅遊戲，賺佢積分換免費食物同日用品。佢甚至曾透過信用卡迎新禮品免費入住高級酒店。多彪話，如果夠分換較高價值貨品，仲會發揮生意頭腦，將佢哋轉售，再透過利潤支付電話費同其他雜項開支。

Photo from 《ABEMA変わる報道番組#アベプラ》截圖

Photo from 《ABEMA変わる報道番組#アベプラ》截圖

至於住宿，多彪導演本身無住所。佢解決方法就係輪流住喺3名朋友家中，透過幫手做家務、跑腿等工作作為房租。其中一名為佢提供住處嘅朋友表示，會將自己平日消費後獲得嘅積分送畀多彪，但就絕不會提供金錢援助，即使食飯都會「AA制」。

Photo from 《ABEMA変わる報道番組#アベプラ》截圖

被問為何不工作，多彪回應，3年前曾有一份導演正職，但固定工作時間、住處、及打工仔身份令佢更感壓力，擔心隨時失業令佢感到焦慮。而且，佢係一個不愛受拘束嘅人，所以唔想生活被工作定形。佢對現時嘅生活方式亦好滿意。

Photo from 《ABEMA変わる報道番組#アベプラ》截圖

有網民認為多彪毫無生產力，係社會負累，但亦有網民尊重佢另類嘅生活方式，認為佢對人無害，有權以自己方法活出自己人生。

Photo from 《ABEMA変わる報道番組#アベプラ》截圖

現時仍持續無職生活

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

男友失業2年多自稱自修 有賭癮+拒絕見工機會 港女仍不捨放棄！

11 Oct 2021

有情真係飲水飽？最近，一名女網民到網上討論區表示，佢讀室內設計嘅男友失業兩年多，多番鼓勵佢搵工都無效，男方甚至有賭癮，但對事主好好，故令佢非常頭痕，遂向網友詢問意見。

Photo from 原諒他77次

男友失業2年多自稱自修

近日，一名港女到連登討論區發文，稱其男友畢業於室內設計系，Grad後只返過兩個多月全職，辭職理由為上司太惡頂。喺失業至今嘅兩年多期間，男方稱因為佢嘅行業需求高，「一埋位就做，唔識多啲野就會被人鬧又無人教」，故指自己不斷自修以擴闊視野。

Photo from TVB

女事主表示已經同男友傾談多次，而男方都開始感到厭煩，每次答覆都聲稱自己準備搵工，卻遲遲未開始Send CV。女事主見到咁嘅情況，曾建議對方進修，總比日日留家好，惟男方指「無嘢好再讀，要靠自己睇多啲。」

Photo from TVB

男方連兼職都唔願返，仲會賭錢

女事主坦言男友對自己好好，雖然無乜錢，但都願意花錢請下自己食嘢。女事主對此大感無力，故問網友意見。有網民講述自己經歷，話前任情況都同事主男友相似，佢有做Freelance，但一個月只有數千元收入，即使不斷被勸喻都唔肯返全職，導致最後分手。女事主則回應稱自己男友連兼職都唔願做，莫講Freelance。

Photo from 男人唔可以窮

Photo from 連登討論區 評論

之後，有網民對於事主男友可以只靠兩個月全職嘅人工支撐起往後兩年嘅生活費表示讚歎，更將佢形容為「理財大師」。對此，女事主透露其實佢男友有賭博習慣，「小賭，但都幾沉迷」，仲會向朋友借錢。有網民則無奈笑指，原來「自修」兩年係鑽研賭波。

Photo from 連登討論區 評論

Photo from 連登討論區 評論

港女為男友護航

有網民不解為何女事主仍跟對方一起，佢回應大讚男友性格好、孝順，除左賭都無乜不良嗜好，故此唔想放棄佢，又指對方辭職後遇到家人需要照顧才無返工，「但拖下拖下就2年。」

Photo from 連登討論區 評論

有朋友介紹都唔去面試

事主又指，男友嘅朋友曾借錢畀佢，再叫男方到其公司面試，可惜男方都拒絕。有網民見此便直指事主男友好「阻埞」，「工又唔返、又唔係有錢、又唔係進修、仲要係賭仔一個，仲要去到問人借錢都唔返工。」

Photo from 連登討論區 評論

網民認為要忍痛分手，激發男友上進

對此，有網民認為要事主男友發奮嘅話，事主便需要利用分手嚟刺激佢變得上進，不過咁做嘅話，男友將來好可能會嬲左當日放棄自己嘅事主。另有網民指：「除非你肯養佢一世再比錢佢賭，唔係早啲走算啦。」

Photo from 男人唔可以窮

Photo from 連登討論區 評論

Photo from 連登討論區 評論

相關文章：男友畢業4年無正職模擬學炒股！唔肯搵工港女感崩潰！網友：無本點炒

相關文章：失業中年見FG工被拒眼濕濕 20年經驗見Marketing工「咩係KOL？」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）