$198 親民價錢試到15道菜！荔枝角D2 Place假日超精緻義大利菜brunch～意大利人開既正宗意式餐廳！

放假想食好d?位於荔枝角D2 Place 二期既Si Simply Italian，推出餐廳首個一個Weekend Brunch，可以用每位 $198 既親民價錢，就享受15道巧手菜式！呢個餐單已經足夠食飽飽，價錢又比一般buffet平，而且餐廳老闆係意大利人，所以呢間係正宗意式餐廳來架！

呢個餐包括飽嘗10款前菜,菜式都幾精緻架，
仲有一個上下兩層既木架出菜！

10道前菜包括紅蝦他他配哈密瓜醬、煙三文魚配蟹肉三文魚籽、巴馬火腿配巴馬臣芝士、 意大利水牛芝士配車厘茄及新鮮羅勒、 蘆筍香橙沙律、 香煎日本帶子配寳塔花菜蓉等等，小編認為日本帶子同焗千層意大利茄子配水牛芝士最為吸引，細細碟既可以試到唔同菜式，又唔會太飽，正呀！

>

主菜選擇有傳統意大利肉醬闊麵番茄、海膽天使麵忌廉汁配鼠尾草及羅勒同手製牛肝菌意式餃子黑松露忌廉汁配羊奶芝士，加80蚊可以升級至香煎澳洲和牛配燒薯及新鮮沙律菜，呢個歐洲和牛真係唔錯，肉質鮮嫩，煎到好香，肉有嚼口又唔會有渣，小編覺得味道幾好！

+$40 可以升級香煎三文魚柳配車厘茄黑橄欖汁、燒薯及新鮮蔬菜

最後當然要有豐富既甜品先會滿足，甜品都有4款咁多，包括朱古力配意大利芝士忌廉、鮮果雪葩、黑朱古力慕絲同埋忌廉泡芙！

供應時間: 逢星期六 及 星期日 (中午12時至下午3時)
價錢: 每位$198 (另收加一服務費)
地址: 荔枝角長順街15號D2 Place二期地下G03號舖
訂座電話: 2370 9022

Text: Holiday editorial