Edan深夜開Live力證林明禎地位：佢係我身邊重要嘅人！網友話估唔到係「戀愛腦」

By Macy Sun on 22 Apr 2025

Digital Editor

MIRROR成員呂爵安(Edan)日前與岑珈其、魏浚笙(Jeffrey)、徐浩昌(肥腸)、黃正宜(阿正)及劉沛衡(Hillary) 6位《膠戰》成員，完成《膠戰RUN FOR YOUR LIVE》騷回家後未有休息，繼續邊食宵夜邊開直播，並與爵屎(粉絲暱稱)分享近半年的心情，直播歷時接近個半小時。而期間Edan就有自己提起早前與林明禎緋聞一事，更開口力證女方地位？！

前情：Edan聞林明禎激罕不悅變臉被問「女友」近況鬧傳媒黑心：成日畀氹人搭！仲要問？

Photo from IG@edanlui

Photo from IG@minchen333

呂爵安(Edan)日前開Live與粉絲訴心聲，其中就提到過去半年自己經歷了很多事情，很想透過直播與大家解釋，只是期間就被身邊人勸告因此未有直播：「呢半年都幾封閉自己，好綁手綁腳、好多人指指點點，一直好多內心鬥爭，唔知點好。」他又續說：「講到尾都係驚，驚會失去。因為嗰一次意識到我會失去啲嘢、影響啲嘢。」而雖然Edan未有指明半年前所經歷的是甚麼事，但根據時間估計應該是指去年11月被影到與林明禎台灣行夜市一事。

Photo from IG圖片

另外他又提到自己早前重溫第一次Solo演唱會，看到自己曾在台上講自己是「ED偶像」，就有感自己當時初生之犢不畏虎，但後來才發現自己太天真、想法太簡單：「原來我口口聲聲話唔驚，但我都係會驚，唔夠堅定，未知自己想要咩、成為咩人。」至於此次直播Edan就強調是為爵屎而開，因為爵屎是他重視與珍惜的人：「對你哋、對一直發生咁多年仲喺度嘅你哋，可以打番開我個心，勇敢啲踏出呢步，想直接同你哋分享我經歷嘅事情，做返我想做嘅Artist。」

Photo from IG圖片

此外Edan亦公開談到林明禎，他透露收到不少DM用十分難聽的字眼罵林明禎，又曾見到有網友說新歌是為林明禎而寫，對此他就無奈解釋新歌歌詞是由Wyman(黃偉文)操刀，完全不是他的意思，並首度向爵屎確認林明禎的地位：「佢係一個好好嘅女仔，亦都係我身邊好重要嘅人，可能係我嘅性格，我唔希望見到呢啲，我覺得同你哋講咗，同你哋無呢個誤會，以後出面點講，我都唔需要再講咩，我淨係care我想care嘅人。」

Photo from IG@minchen333

Photo from IG@edanlui

而早前Edan在CHILL CLUB頒獎禮後受訪時，就曾在被問及「女友」近況時直斥傳媒黑心，對此Edan亦有解釋：「我係公眾人物我理解，要有啲嘢畀人講下，你問我會盡量配合，但如果係一啲網民講嘅嘢，你寫然後標題，你又要我去回應，但真係唔係嗰回事，我都唔知點去處理。我都發覺其實無辦法，我唔想再被呢啲嘢影響。同埋最奇怪、棘嗰個位係平時採訪大家都關係好、會講笑、影相簽名，但返到去點解新聞會咁寫？我明白係好juicy，好多人想問、想講，但我一直覺得感情唔需要講咩，我都28歲人，鍾意人有咩問題？就算我媽媽問我，以前中學問我有無鍾意啲咩女仔，我都唔會講。」

Photo from IG@minchen333

Photo from IG@edanlui

對於此次Edan敞開心扉的直播，網友們亦意見不一，有人心疼Edan：「其實都係拍拖姐搞乜搞到犯下彌天大罪咁」，更有人仍然不解Edan對整段緋聞的處理手法：「其實成件事真係好唔Edan，諗住平時佢都係醒目仔算有腦，點知佢同林明禎單嘢處理到一pat屎咁」、「真係估唔到佢係戀愛腦」、「一係就認一係就唔好認到底咁樣曖曖昧昧咁做乜X啫？」等。