炎明熹眉上瀏海、Bob光頭、周柏豪比比鳥頭！盤點10大藝人標誌性髮型

藝人嘅衣著打扮都可能會成為潮流指標，多年嚟娛樂圈有唔少藝人堅持keep住同一個髮型，甚至已經成為其中一個特色，即睇10大藝人標誌性髮型，講到呢啲髮型時可能大家都會諗起同一個藝人！

1. Bob林盛斌、張衛健、Eddie：光頭

「光頭」呢個髮型其實喺娛樂圈並不罕見，有幾位藝人如Bob、前EO2成員 Eddie都係十年如一日嘅光頭，而張衛健於初出道時曾經有頭髮，唔少網友都表示有頭髮嘅張衛健真係好靚仔！佢受訪時透露自己堅持光頭係因為有位前輩曾寸佢塊面唔黐毛就無價值，為咗證明自己佢決心剃頭並keep到今時今日！

Photo from TVB

Photo from Eddie 小紅書

Photo from TVB

另外歐陽震華雖然唔係光頭，但佢超短頭髮亦係多年不變，獲封為「收視福將」嘅Bobby不論出現咩角色都係維持同一髮型。

Photo from 《聲生不息》

2. MIRROR Anson Lo、Edan等：逗號瀏海

「逗號瀏海」係近年大熱嘅髮型，好多韓星都會吹出逗號瀏海，露出部分額頭。而香港代表中，TYSON YOSHI同幾位MIRROR成員Anson Lo、Edan都多以「逗號瀏海」髮型示人。

Photo from Edan IG

Photo from TYSON YOSHI IG

Photo from Anson Lo IG

3. 郭富城：心形頭

「四大天王」之一嘅城城郭富城喺台灣走紅，推出嘅經典金曲《對你愛不完》更紅到返香港，城城當時嘅六四分界頭更成為潮流，唔少年輕人爭相仿效。心形頭兩邊超厚瀏海剪至耳朵係重點，呢個髮型更被命名為「郭富城頭」，同依家韓星流行嘅心形瀏海差唔多，城城真係走得好前！

Photo from TVB

Photo from TVB

Photo from TVB

Photo from TVB

4. 周柏豪：比比鳥頭

提起周柏豪，好多人對佢嘅印象就係「比比鳥頭」！「比比鳥頭」就係將頭髮往後梳，睇落好似《寵物小精靈》嘅比比鳥咁，因而得名，周柏豪係梳比比鳥頭嘅代表人物。

Photo from 周柏豪微博

Photo from 周柏豪微博

即睇更多人氣文章：
徐子珊神隱3年現身英國倫敦！息影後被網民偶遇，大讚真人又高又靚
英國新娘結婚當日被悔婚，舉辦1人婚禮同親友徹夜狂歡

Photo from 《寵物小精靈》

Photo from 周柏豪微博

5. 蔡一智：飄逸長髮

蔡一智頭長髮向來係佢嘅標誌，而且十分柔順，唔知蔡一智係點樣保養㗎呢？

Photo from 蔡一智微博

6. 楊千嬅：紫色頭髮

楊千嬅出道咁多年曾經嘗試過好多唔同嘅髮型，但髮色幾乎都keep住係紫色。佢接受內地傳媒訪問時就指自己多年堅持將頭髮染成紫色係因為中意陳百強，當時陳百強有一張《凝望》唱片，千嬅表示佢當時覺得紫色好靚，又因為想接近陳百強而學識飲香檳，千嬅指紫色同香檳好Match。

Photo from 楊千嬅微博

Photo from 《聲生不息》

Photo from TVB

7. 曾比特：爆炸頭

曾比特嘅招牌爆炸頭十分搶眼，不過要打理就一啲都唔簡單，曾比特上內地節目時《披荊斬棘》就帶咗近1米高嘅護髮素入宿舍！

Photo from 《披荊斬棘》

8. 炎明熹：眉上瀏海

炎明熹年紀輕輕造型已十分有個性，佢出道至今都keep住眉上瀏海呢個髮型，Gigi又carry到，依家已經成為佢嘅特徵之一。

Photo from 炎明熹IG

Photo from 炎明熹IG

9. 鄭伊健：長髮

長髮嘅代表人物絕對係鄭伊健，佢初出道時係短髮，短髮嘅伊健畀人另一種感覺，但長髮形象成功令佢走紅，亦成為佢嘅一個標誌。伊健同蔡一智雖然都留長髮多年，但鄭伊健嘅短髮長度比蔡一智要短。

Photo from 《深宵躲避球》

Photo from 鄭伊健微博

10. 八両金：冬菇頭

八両金招牌冬菇頭髮型深入民心，佢拍電影即使戲份唔多都可以令觀眾留下深刻印象，直至現時八両金依然保留住冬菇頭髮型，北上登台等都會以經典造型現身。

Photo from 八両金微博

Photo from 八両金微博

相關文章：女生最討厭10種男生髮型！飛輪海頭勁mk/頭頂小辮似垃圾袋/卷髮似公仔麵

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）