TVB前「御用丫鬟」李焯寧做咗政協，由妹仔做到轉戰商界開公司做CEO，再踏足政界！

TVB前「御用丫鬟」李焯寧為無線效力10年，相信唔少觀眾對佢都有印象，不過今日令大家佩服嘅係，10年前呢位大家印象中做丫鬟嘅演員，做到開公司變CEO，仲踏足政界做政委！

Photo from 李焯寧 IG

做10年「妹仔」

現年43歲嘅李焯寧，於2000年加入TVB，自第一個正式角色係《金裝四大才子》嘅婢女「安安」，其後接拍嘅幾個古裝劇角色都係丫環、妹仔，因此被封為TVB「御用丫鬟」。

Photo from 《金裝四大才子》劇照

即睇更多人氣文章：
徐子珊神隱3年現身英國倫敦！息影後被網民偶遇，大讚真人又高又靚
英國新娘結婚當日被悔婚，舉辦1人婚禮同親友徹夜狂歡

離巢後角色戲份增加

李焯寧喺TVB工作嘅10年多為小角色，自覺未有突破嘅佢喺2010年約滿後離巢，其後加入HKTV，拍咗5部電視劇，角色唔再限於「妹仔」，有更多發揮。2017年再於TVB拍《使徒行者2》，飾演臥底「梁斯敏」，戲份增加不少，演技獲觀眾大讚。翌年，李焯寧決定北上拍劇，曾出演《戰毒》、《家族榮耀》、《黑金風暴》等電視劇，最為人熟悉嘅係古裝劇《九流霸主》中「德妃」一角。

Photo from 《九流霸主》劇照

成市場策劃公司CEO

北上發展之前，李焯寧轉戰商界，開咗間市場策劃公司做CEO，主要安排藝人登台表演，做資源整合等，公司亦曾參與大型製作，如「世界和平小姐」。

Photo from 李焯寧 IG

踏足政界成政協

李焯寧於2019年獲委任為中華人民共和國廣西壯族自治區南寧市政協。疫情3年，李焯寧日前再到南寧履職，並於社交平台上分享感受，表示過去於線上參與會議3年﹐對能夠親身北上開會感到激動。

Photo from 李焯寧 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳思齊離巢後榮升按摩店老闆！曾被發現整形？大多飾演配角，獲封「御用丫鬟」！

8 Apr 2022

現年39歲嘅藝人陳思齊（前名：陳凱怡）近年淡出娛樂圈，但過往曾參與唔少電視劇拍攝，但飾演配角居多，所以被稱為「御用丫鬟」！據悉現時嘅佢已經轉行成為按摩師，仲自己開店做老闆娘。

Photo from 《碧血鹽梟》

# 陳思齊2000年選美入行！

陳思齊於2000年參加選美比賽入行，清秀嘅樣貌令佢稱為當年大熱人選，但最終佢只係獲得「完美肌膚大獎」。入行後，佢曾擔任兒童節目、旅遊節目主持，同時亦有出演電視劇。

Photo from 2000港姐選舉

Photo from 2000港姐選舉

# 傳因為一句話而失落獎項？！

陳思齊本身樣貌清秀，曾被傳媒指與演員文頌嫻樣貌相似。除此之外，佢參選期間被稱為「翻版朱玲玲」，有傳言指佢喺後台詢問「朱玲玲係邊個」，而錯失獲獎機會？！

Photo from TVB

Photo from 《打天下》

# 扮演配角角色居多

「乖乖女」形象嘅陳思齊參與唔少劇集，但就被角色定型，經常扮演妹妹或者丫鬟。工作十幾年，佢卻一直未有機會發揮演技，於2013年約滿後決定離巢往外闖！

Photo from 劇照

Photo from 劇照

# 2013年被發現變臉！

然而，陳思齊離巢前嘅電視劇就被網民發現疑似「變臉」，於劇集《仁心解碼II》嘅樣貌並唔自然？！佢當時承認擔任美容院代言人，受醫美影響導致面部浮腫；好彩後來佢成功還原返本身嘅美貌！

Photo from 《仁心解碼II》

Photo from 《仁心解碼II》

# 2015年轉行做按摩師！

離巢後，陳思齊轉投香港電視，可惜好景不常，2015年香港電視不獲發牌，佢亦正式決定離開娛樂圈！後來佢就轉行稱為按摩師，而佢就解釋會選擇做按摩師全因媽媽患有「五十肩」，初時係為媽媽而學按摩，後來喺朋友支持下開始學埋香薰按摩等課程。

Photo from 《Mean傾 》

Photo from 《Mean傾 》

# 榮升按摩店老闆娘！

隨後，陳思齊同朋友合資幾十萬開店做老闆，佢強調自己只為女顧客提供按摩服務，目的係為咗舒緩客人壓力與不適，創業十分順利～

Photo from 陳思齊微博