蔡天鳳案｜奶奶接受《東張西望》訪問直言好心寒！怒斥前夫一家

蔡天鳳（Abby）離世後佢父母及夫家到龍尾村現場進行儀式，蔡天鳳媽媽五姐情緒激動，依靠喺女婿肩上痛哭。而蔡天鳳現任奶奶接受《東張西望》訪問，表示好心寒，又怒斥前夫一家。

Photo from 《東張西望》

蔡天鳳媽媽五姐情緒激動爆喊！

蔡天鳳案連日嚟都係市民關注嘅焦點，喺Abby去世後好多閨密好友都表示十分傷心，又大讚Abby為人真誠又善良，經常幫助流浪動物。Abby出事後佢嘅父母同丈夫Chris都相當低調，直至日前做法事先現身。

Photo from 蔡天鳳IG

Chris與媽媽以及Abby父母到龍尾村現場進行超渡儀式，Chris悉託師傅幫忙。喺現場Abby嘅媽媽五姐情緒激動，要依靠喺女婿肩上，佢喊住話：「媽媽個寶貝呀....媽媽個女呀....咁乖咁孝順，話無就無喇...媽媽以後都見你唔到喇！」

Photo from 《東張西望》

Photo from 《東張西望》

Photo from 《東張西望》

Photo from 《東張西望》

Abby丈夫Chris及奶奶承諾會照顧好4個子女

Abby嘅奶奶亦表示：「你今生嘅善良用錯咗地方喇傻妹！」又承諾：「4個小朋友我哋會好好教佢。」Chris亦難掩悲傷：「好感激遇到你！」現場一片淚海，唔少人都感同身受，非常心碎。

Photo from 《東張西望》

Photo from 《東張西望》

即睇更多人氣文章：
陳茵媺獲陳豪送超過200萬名牌袋！狂晒Hermès，最矜貴限量版曝光
男子上班1小時被HR告知請錯人 最後補償57元車馬費 網民質疑事件有內幕

Photo from 《東張西望》

Photo from 《東張西望》

蔡天鳳奶奶接受《東張西望》訪問

之後Abby嘅奶奶接受《東張西望》語音訪問，佢坦言一家對四個小朋友好好、好錫。又指舊年聖誕，佢哋同Abby、兩個孫以及兩位工人姐姐一齊去日本玩得好開心，估唔到會成為追憶。

Photo from 《東張西望》

Abby奶奶表示佢哋去到龍尾村，路過慈山寺覺得好心寒：「嗰啲衰人竟然喺觀音像下做出咁喪盡天良嘅事。」佢稱見到現場間村屋更加傷心：「現在仲係好傷心好痛，最小嘅小朋友得三歲就無咗媽媽，好悽涼。」

Photo from 《東張西望》

最後佢指：「最希望Abby早日沉冤得雪，拉晒班衰人，令她一路好走、安息。」除咗Abby家人外，仲有3位男女專程由廣東來港，到現場拜祭Abby，佢哋指曾受過Abby恩惠。

Photo from 《東張西望》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

蔡天鳳案｜TVB新聞小花麥詩敏報道眼泛淚光？「溫馨提示」掀熱議

28 Feb 2023

蔡天鳳案雖然前夫一家都落網但仍係全城焦點，連日嚟新聞持續報道，有網民發現TVB新聞小花麥詩敏喺報道蔡天鳳案時疑似眼泛淚光，指佢喺報道前更「溫馨提示」觀眾，認為麥詩敏都為蔡天鳳遭遇感可惜。

Photo from 蔡天鳳IG

蔡天鳳案轟動全港，TVB主播麥詩敏報道時眼濕濕

蔡天鳳案轟動全港，海外多個國家亦有報道，連日嚟香港嘅傳媒都有持續跟進事件，蔡天鳳前夫鄺港智及其父母、兄長被捕，4人均不准保釋，而前夫鄺港智父親嘅小三亦被捕，報道指佢對蔡天鳳案知情，並協助鄺港智藏於月租約4萬元嘅凱旋門單位。

Photo from TVB

Photo from 蔡天鳳IG

雖然前夫一家全部落網，但市民對蔡天鳳案嘅關注依然未停，而喺2月27日播出嘅《香港早晨》，主播麥詩敏報道時多次眨眼，更疑似眼濕濕，似對事件相當感慨。

Photo from TVB

麥詩敏「溫馨提示」觀眾

唔少網民都表示好理解，蔡天鳳案受到全城關注，市民都十分慨憤，認為麥詩敏即使真係眼泛淚光都係人之常情，又指正常人都會有同理心。其實翻睇麥詩敏以往報道新聞時都會眨眼同眼有淚光，似乎係佢嘅個人習慣。

Photo from TVB

即睇更多人氣文章：
陳茵媺獲陳豪送超過200萬名牌袋！狂晒Hermès，最矜貴限量版曝光
男子上班1小時被HR告知請錯人 最後補償57元車馬費 網民質疑事件有內幕

Photo from TVB

不過麥詩敏喺報道蔡天鳳案時就特別「溫馨提示」觀眾，佢首先讀出新聞提要，之後就指：「提提大家喇！以下內容可能會令大家不安。」呢句並無字幕，相信係麥詩敏個人加嘅。

Photo from TVB

曾因讀錯「中東呼吸綜合症」掀熱議

麥詩敏畢業於香港科技大學工商管理系，2015年加入TVB新聞部，同年佢報道泰國確診首宗中東呼吸綜合症時不慎讀成「中東呼吸中級綜合...呼吸中東..呼...中級呼吸....中東呼吸綜合症」，而引起網民熱議。

Photo from 麥詩敏IG

Photo from YouTube

之後2016年TVB互動新聞台因技術故障而一度「停播」10分鐘，當時嘅主播亦係麥詩敏，恢復畫面後佢眼紅紅疑似喊過再度受到網民關注。麥詩敏現為《香港早晨》主播，佢父親係香港電台《警訊》前節目主持。

Photo from 麥詩敏IG

Photo from 麥詩敏IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）