TVB主持賴彥妤採訪方力申，問女友Maple被批失禮！曾多次訪問出事
方力申公開認愛圈外藝術家女友Maple Yip後表示十分心痛女友之前嘅遭遇，不過TVB娛樂新聞主持賴彥妤訪問時卻提出一個問題被狠批無禮，連方力申都忍唔住嚴肅回應！其實賴彥妤之前曾多次訪問都出事，再掀網民熱議！
Photo from TVB
方力申大方認愛Maple，自爆兩人已見過家長
單身5年嘅方力申被爆與圈外藝術家Maple Yip拍拖，之後Maple更被認出疑似係Netflix紀錄片《以神之名：信仰的背叛》嘅苦主。而方力申就大方認愛，公開力撐女友指會考慮陪佢去韓國出庭。
Photo from 《以神之名：信仰的背叛》
方力申表示佢早就知道女友嘅過去，對方更因為呢件事而提出分手，但佢好欣賞女友嘅勇敢。方力申又指拍拖一星期雙方都已經見過家長，兩人互相信任，感情十分穩定。
Photo from TVB
TVB主持賴彥妤採訪方力申問會唔會同女友Maple情侶檔接job
方力申嘅戀情受到外界關注，唔少人都問到佢同Maple嘅事，方力申就表示佢同女友有共識，對方都唔介意佢公開兩人之間嘅事，不過方力申指佢唔會刻意帶女友同大家見面，但日後Maple出席佢嘅首映或去睇演唱會等可能會公開露面。
Photo from HOYTV
Photo from ViuTV
今次佢大方回應戀情獲唔少傳媒採訪，其中亦包括TVB娛樂新聞台，當時方力申雖表明無計劃帶女友與公眾會面，但主持賴彥妤卻再追問：「有無諗住情侶檔接job呀？」方力申即正色道：「應該就無喇！因為佢唔係圈內人呀嘛！」
Photo from HOYTV
Photo from HOYTV
賴彥妤採訪郭富城、姜麗文都曾經出事
其實賴彥妤之前都被批問問題「唔聽書」，去年聖誕節佢就訪問郭富城，當時城城表示會帶女兒嚟商場打卡，點知講完賴彥妤就問：「會唔會帶埋小朋友過嚟.....」隨即被城城打斷：「頭先咪講咗囉！」之後再強調：「會呀！啱啱講咗啦！」
Photo from 賴彥妤IG
Photo from TVB
賴彥妤亦曾經因為問姜麗文母親節會點同媽媽慶祝而被狠批唔做功課，因為姜麗文生母1歲時已離開佢身邊，姜麗文由爸爸秦沛獨力撫養長大，而生母亦已於2016年離世。事後賴彥妤向姜麗文道歉指自己嘅採訪做得唔好。
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
TVB主持賴彥妤訪問郭富城，狂追問令城城唔耐煩！唔係第一次出事？！
18 Nov 2022
近日盛傳郭富城將會出席TVB台慶做嘉賓，TVB《娛樂新聞台》亦採訪咗城城，主持人賴彥妤疑問問題「唔聽書」，搞到城城都唔耐煩回答：「頭先咪講咗！」而賴彥妤已唔係第一次採訪藝人出事！唔少網民直言佢採訪技巧不足。
Photo from TVB
傳郭富城出席TVB台慶做嘉賓
TVB台慶向來都係電視台一年一度嘅大事，有傳四大天王之一嘅郭富城今年會「回歸娘家」出席55周年台慶擔任表演嘉賓。喺郭富城出席商場聖誕亮燈活動時，TVB娛樂新聞台亦派出記者賴彥妤同城城做訪問。
Photo from TVB
娛樂新聞台主持賴彥妤「唔聽書」追問，郭富城忍唔住回應：「頭先咪講咗囉！」
城城都表現興奮，佢表示自己今年應該會有一至兩日假期，佢大爆兩個女超中意獨角獸，商場今年嘅佈置主題亦有獨角獸，城城指聖誕節應該會帶屋企人同兩個女嚟打卡影相：「頭先講咗啦，到時呢度見！」
Photo from 方媛微博
但估唔到啱啱講完會帶女兒過嚟打卡，娛樂新聞台主持賴彥妤即問：「會唔會帶埋小朋友過嚟.....」未問完已被城城打斷，雖然答完又被人問同樣問題，但城城語氣仍然溫和：「頭先咪講咗囉！」然後再回應：「會呀！啱啱講咗啦！到時會帶我小朋友、我屋企人啦、我太太一齊嚟呢度。」
Photo from TVB
Photo from TVB
Photo from TVB
賴彥妤再追問郭富城會否做TVB台慶表演嘉賓，城城賣關子，TVB公開綵排片段
之後賴彥妤就話聽講TVB今年55周年城城會返去做表演嘉賓：「係咪真㗎？」城城則表示自己都係TVB出身，TVB 55周年佢都十分感動，城城又指聽到消息台慶當日好多佢以前藝員訓練班退咗休嘅老師都會出現，佢亦希望可以再見返尊敬嘅老師。
Photo from TVB
不過城城大賣關子：「至於你話有咩活動呀，我諗尊重返TVB，留返畀TVB公佈喇！」賴彥妤再追問：「即係confirm會出席嘅當日？」城城表示：「到時你咪知！」而娛樂新聞台亦公開城城綵排片段，正式宣佈佢將會出演55周年台慶！
Photo from TVB
Photo from TVB
賴彥妤並非首次採訪出事，母親節訪問姜麗文亦勁尷尬
但賴彥妤問問題被城城打斷話已經答過嗰part娛樂新聞台就並無播出，不過娛樂新聞台有直播郭富城現身尖沙嘴聖誕亮燈活動，所以採訪全程都可以喺YouTube睇到，有網民留意到今次唔係賴彥妤第一次「出事」。
Photo from TVB
Photo from TVB
之前母親節賴彥妤就問姜麗文母親節會點同媽媽慶祝，但姜麗文與生母感情淡漠，1歲時已離開佢身邊，姜麗文由爸爸秦沛獨力撫養長大，而生母亦已於2016年離世。雖然姜麗文依舊大方回應，但之後賴彥妤卻面有難色望向鏡頭，事後亦被網友批評訪問前唔做功課！
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
