鬼節禁忌 ！農曆七月10大注意事項，無事早啲番屋企為妙！打工仔表示唔好叫我OT呀～

農曆七月十四（4/9/2017)，就係傳統鬼節！相傳係鬼門關大開之時，陰氣至重～比孤魂野鬼重返陽世享受奉祀，直到七月三十日先「關鬼門」。所以農曆七月係諸事不宜、禁忌最多嘅月份！以下係10大鬼節禁忌，當然信不信由你，但奉勸一句: 無事早啲番屋企為妙！

Photo from 電影截圖

【1.路不拾遺】

農曆七月都有燒街衣嘅習俗，燒祭品、紙錢比遊魂野鬼，所以如果係街見到硬幣，千奇唔好貪心據為己有。呢啲錢係用來買通牛頭馬面的，如果侵犯左佢地，就很容易⋯⋯跟住你！

Photo from pinterest

【2.風鈴】

風鈴容易招來好兄弟，特別係訓覺嘅時候最容易被入侵～同埋鈴聲都係會吸引靈體，所以外出時，盡量唔好佩戴過多飾物，特別係會發出「鈴鈴」聲嘅手鏈、鎖匙扣⋯⋯

【3.游泳】

雖然夏天最好就係去游水，特別係海灘都係小心為妙～

Photo from instagram

【4.切忌靠牆行】

聽講靈體最中意企係牆邊，特別係陰暗嘅橫街窄巷，如果你有靠牆行嘅習慣，鬼節時還是改一改，避免唔小心「撞到」它們！

【5.晚上拍照】

雖然宜家人人都中意影相，但如果唔想自己張相無緣無故「多咗個人」，鬼節晚上都係唔好拍照/自拍為妙，以免將靈體攝入相中，嚇死自己！

Photo from 電影截圖

【6.忌亂拍人肩頭】

呢項禁忌同民間習俗有關，相信人有3把火，頭頂一把，左右肩膀各一把，會讓鬼魂不敢近身。如果其中一把被人拍熄的話，陽氣就會減弱，令靈體有機可乘！

Photo from 電影截圖

【7.忌着黑衣紅衣】

黑色同紅色都是特別容易招惹靈體，黑衣黑黑沉沉，靈體就最中意啦！而紅色對於惡鬼來說，屬標奇立異的顏色，容易惹起注意！做人都係低調啲好～

【8.拖鞋整齊的放床邊】

大家去旅行要注意啦！拖鞋整齊的放在床邊，會招來靈界朋友的好奇，可能會「比鬼壓」

Photo from 電影截圖

【9.凌晨時搭電梯不要照鏡】

聽聞電梯是通往陰槽地府的通道，所以晚上放工、回家時，盡量不要照鏡，就算電梯有鏡，都不要長時間注視着，以避照到些不想見的「東西」

Photo from 電影截圖

【10.不要坐尾班港鐵】

相信你都聽過港鐡的尾班車是用來載靈體，而不是載人！若然真的不幸要坐尾班車，千萬不要坐車尾，因為這有可能是靈體聚集的地方，無謂霸「人」地盤呢。所以老細們唔好叫人OT啦！

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）