梁芷珮晒擱淺鯨魚合照惹爭議，急刪相平息事件！網民反應兩極

娛樂新聞

By Jennifer on 08 Mar 2023

Digital Editor

今晚食乜餸：小二，嚟一碟花生！

梁芷珮成功轉型做旅遊KOL，其旅遊節目《潮什麼》系列亦十分受歡迎。經常一家五口去旅行嘅梁芷珮不時會喺社交網站分享旅遊照。最近佢晒出擱淺鯨魚嘅照片，未料竟被網民批評，於是火速回應表示會刪相。

Photo from 梁芷珮Facebook

梁芷珮自家製旅遊節目《潮什麼》系列備受好評，近日前往南極旅行

現年40歲嘅梁芷珮推出自家製作嘅旅遊節目《潮什麼》系列，由老公負責拍攝，佢則擔任主持，《潮什麼》去過逾10個國家，播出後反應亦相當正面。梁芷珮更寓工作於娛樂，帶埋一家大細出門旅行兼拍節目。

Photo from 梁芷珮Facebook

梁芷珮最近亦開始咗新嘅行程，準備去南極嘅佢喺2月尾出發，先係前往阿根廷，並喺當地短暫逗留，之後去到位於阿根廷南部，目前世界上最南端嘅城市——烏斯懷亞（Ushuaia），並喺呢度上船出發前往南極。

Photo from 梁芷珮Facebook

南極之旅分享擱淺鯨魚合照，梁芷珮笑住影相被網友狠批

梁芷珮一直都有喺社交網站分享打卡照，紀錄今次南極之旅。最近佢就喺網上晒出鯨魚擱淺嘅照片，從相中可見呢條鯨魚應該已經擱淺多時，早已死去，梁芷珮指：「係鯨魚…嘅屍體呀！擱淺左2個月左右，真係第一次咁樣睇到鯨魚咋」，並附上佢老公與擱淺鯨魚嘅合照。

Photo from 梁芷珮Facebook

呢個帖文一出即引起爭議，有網友不滿梁芷珮將擱淺鯨魚當景點咁打卡：「真是不應該笑住影」、「我想問下鯨魚擱淺咗好笑咩？唔再Follow你」、「死咗，可以笑住來影相，想問下係個咩心」、「點解笑得出」、「拍照可以，但興奮感覺唔太合適」

Photo from 梁芷珮Facebook

梁芷珮欲刪相平息事件，有網友力撐係大自然定律

引起部分網友不滿後，梁芷珮於帖文下留言：「都係想比大家睇到我見到嘅嘢，如果笑容上引起大家關注，我都係delete自己張相好了」，打算刪相平息事件，不過佢仍未delete有關照片。

Photo from 梁芷珮Facebook

其實仲有唔少網民力撐梁芷珮影嘅只係大自然定律，無必要小題大做：「多謝你哋影D咁真實嘅嘢俾我哋睇」、「大自然生態環境有生有死是定律，驚嘆於生態循環奇觀有何問題」、「係咪要喊住影？」、「一個表情啫，又唔係什麼大不敬」

Photo from 梁芷珮Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

梁芷珮近年密接廣告豬籠入水劏房搬豪宅超勵志一家五口住千呎海景屋

20 Feb 2023

現年40歲的梁芷珮（Christy）近年由主持轉型成旅遊KOL，更憑J2旅遊節目《潮什麼》系列人氣急升，形象正面的Christy獲不少廣告商垂青，疫情期間密密拍廣告吸金，據聞單是廣告收入已超過百萬，豬籠入水。Christy自爆早年曾住過劏房，生活艱難，不過近年她成功入屋，身家倍增，隨即與老公及子女一家五口搬進海景屋，相當勵志！

Photo from 梁芷珮 FB

自家製作旅行節目《潮什麼》系列大受歡迎

Christy由2017到2023年間，總共拍了12個《潮什麼》系列的旅遊節目，當中全部均由Christy擔任主持，而老公Kenneth則主要負責攝影，據稱節目由編排行程、採訪、攝影和剪接，幾乎都是Christy兩夫妻全自家製作。Christy出名大膽又熱情，擁有健康膚色及火辣身材，獲網民封為「人妻女神」，拍節目時又勇於挑戰各種新活動，深得觀眾喜愛，旅遊節目長拍長有。Christy更不時帶同家人旅遊兼拍攝節目，實行寓工作於娛樂，早前她與老公帶同兩名子女出遊拍節目《非洲潮什麼》，一家四口在1個半月佩搭了17次飛機，事後她受訪回想，指旅程難忘又瘋狂。昨日她在IG發文表示終於回港，更與家人在大屋合照，場面溫馨。

Photo from 《非洲潮什麼》

Photo from 梁芷珮 FB

近年身家倍升搬進近千呎海景屋

早前梁芷珮為Do姐主持的TVB綜藝節目《樓價有得估》擔任嘉賓，Christy為觀眾介紹現居大屋的環境，據指Christy由700多呎的青衣單位搬至現時970呎的九龍站上蓋海景屋，片中可見其海景屋間隔實用，設計具有空間感，而且光線充足，客廳飯廳都相當闊落，更可從大窗觀望海景，一家五口居住依然空間充裕，Do看到都不禁表示：「真係愈搬愈大間」Christy自言「坐唔定」，喜愛四圍搬屋，透露自己一直以來都是租屋住，而這個九龍站海景單位大約月租4萬，不過她表示搬到九龍站亦另有原因，由於她與老公經常要在外地拍攝節目，每月大約只有5日留在香港，大屋主要都是租給子女居住，所以想子女住在一個交通便利的地方，同時亦方便Christy兩夫妻隨時出發去機場。

Photo from 《樓價有得估》

直播惹負評Christy發千字文訴心聲

Christy主持《潮什麼》系列旅遊節目成功入屋，獲眾多廣告邀約，去年她為產品直播宣傳時，卻惹來眾多TVB haters批評，反對廣告商用TVB藝人宣傳，有多年主持經驗的Christy大方冷靜應對，保持笑容介紹產品。不過其後與Christy合作過的廣告商則把有關的貼文及直播刪除，疑是「劃清界線」完成工作後在IG撰千字文剖白心聲，她表示自己出身普通家庭，與老公20出頭相識便結婚，兩人沒有依靠家人，憑自己打拼，試過找不到工作，更住過劏房，自己為養活子女做過很多不同的工作，如空姐、娛樂記者及Sales等，近年拍攝TVB旅遊節目，令更多人認識她，更成功轉型KOL，收入變得穩定，有能力提供更好的生活給子女，希望網民「高抬貴手」，不要因為她任職機構的身份，從而抹煞她工作上的努力，坦言：「我只係個努力工作，賺錢養大仔女嘅媽媽，有工就開，大家開心，簡簡單單就得㗎喇...」

Photo from 梁芷珮 FB

Christy曾任靚模被指撞樣李綺紅

有網民翻查Christy的背景，發現她原來22年前已出道為旅遊雜誌擔任靚模，比周秀娜更早入行，有網民指初出道Christy外貌甜美可愛，貌似港姐李綺紅。其後Christy於2004年便與老公Kenneth結婚，隨後誕下兩子一女，據指Christy初出道除了做靚模外，更有擔任娛樂記者，更自爆曾有歌片公司邀請她做歌手，Christy多年間專心相夫教子，期間亦有在TVB接拍劇集，直到近年材主持旅遊節目成功打開知名度，更獲網民封為「人妻女神」。