金剛節目三度自抽情史，個人經驗教余思霆避伏：你睇我瀨嘢幾多次

By Wing Ws on 23 Mar 2023

Digital Content Writer

TVB播出嘅《請1日假去旅行》今晚嚟到台北，由金剛（李信樵）同余思霆拍檔介紹，但節目中，金剛接話時就多次自抽戀愛瘡疤回應，仲以個人經驗，教去年與朱敏瀚分手嘅拍檔余思霆喺愛情路上避伏。

Photo from 《請1日假去旅行》節目截圖

由大稻埕月老廟開始，金剛就講笑叫余思霆拜月老求姻緣，而余思霆就叫金剛求可以「挽回感情」，金剛就表示：「對我嚟講過去就過去，好似白紙一張咁咋！」唔止自抽，金剛仲教路拍檔避伏，喺余思霆被一款紫色糕點吸引時，金剛即還擊：「呢啲咪就係膚淺囉，成日睇靚仔，你睇我瀨嘢幾多次，嗰啲好靚、好索呀咪瀨嘢囉，你好似都係喎！」仲話自己同余思霆「同病相憐」。金剛帶余思霆介紹特色咖啡店時，被問：「你帶過幾多個女仔嚟呢度？」金剛就辯解：「兩個啫，我以前好專情嘅」，又補充：「我而家都好專情！」

Photo from 《請1日假去旅行》節目截圖

「女神收割機」3段戀情各生是非？

事實上，金剛歷任女友陳蕊蕊、梁云菲及小嫻3位都樣靚身材正，不過每段戀情都唔超過3年，甚至分手後更惹出唔少是非。金剛於2013年與綜藝節目《耳分高下》中Sing之天使「桔」陳蕊蕊交往將近3年，據陳蕊蕊好友爆料，兩人拍拖期間，家中開銷都係由女方出，兩人亦因為錢財問題分手。陳蕊蕊事後憶述，兩人鬧交後，金剛一氣之下離開兩人愛巢，當時兩人對分手一事並未有結論，但金剛不久後就對外界宣布分手，陳蕊蕊都係睇新聞先知自己「被分手」。

Photo from 金剛 IG

被串係「畜生」？

金剛於2019年4月被爆與身材火辣嘅梁云菲(Nana)熱戀，兩人於1年後宣布分手。Nana其後於節目透露，指金剛性格大男人，家務事甚至自己洗頭亦搶住出手，連想做嘅事都要經金剛同意，時間耐咗，Nana由最初嘅享受變得不自由，更直言：「覺得他像我的監護人一樣，像是他的竉物。」另外，在金剛與下一任女友小嫻分手後，Nana更疑似抽水以「#關於得可能讓你很意外的point」為題出post，其中一條更寫上：「我可能可以接受人畜戀，畢竟我前前男友是金剛。」

Photo from 金剛 IG

與小嫻性格不合分手

2020年公開與小嫻戀情嘅金剛，去年於直播宣布分手，當中，小嫻表示兩人因性格不合分手，嘗試磨合但無效，據指，小嫻較早前便投訴金剛嘅睡眠習慣，小嫻生日嘅時候，金剛亦提及「謝謝妳對我的記憶力不好的包容，也謝謝妳在我生日的時候說要改自己的脾氣」，似乎兩人亦曾為這段感情作出努力。但喺直播最後金剛想與小嫻擁抱，但被小嫻直接拒絕「不用！擁抱好像在做秀，不喜歡這種感覺。」

Photo from 金剛 IG

Photo from 小嫻 FB

自爆曾被派帽

去年，金剛於小S主持節目《小姐不熙娣》中分享一次戴綠帽經歷，金剛稱，自己當時正在香港工作，打算偷偷回到台灣給女友驚喜，但卻於家中發現多出一個男性，該名男子與女友於夜店認識，金剛當下即與女友分手。其後，金剛得知前女友已與該男性交往。

Photo from 《小姐不熙娣》節目截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

金剛小嫻分手原因曝光，女方3月時已抱怨「受不了」！直播舉動洩露二人性格差異大？金剛歷任女友都擁有魔鬼身材

12 May 2022

台灣藝人金剛（李信樵）昨日（11日）宣佈與女藝人小嫻分手，二人一齊亮相於直播中，期間佢哋仲難過落淚。據悉，佢哋已經分手一個月，而女方於3月嘅時候就曾經表示受不了金剛嘅瞓覺習慣，加上個性差異十分大，導致感情決裂！

Photo from 小嫻IG

金剛於2009年來港發展，直到2017年返回台灣

現年41歲嘅台灣籍藝人金剛（李信樵）於2009年曾經來港發展，因有份主持綜藝節目《超級遊戲獎門人》而為人熟悉，憑獨特搞笑嘅廣東話口音獲得唔少觀眾嘅支持！過往佢曾經同港姐張嘉兒、蔡慧欣、搭檔阮小儀傳出緋聞，而喺香港發展期間唯一承認過嘅女友就係Sing之天使「桔」陳蕊蕊；直到2017年，佢與大台嘅合約期滿後就決定回台灣發展。

Photo from 《超級無敵獎門人》

Photo from 金剛IG

2019年曾於台灣火辣女星梁云菲交往

其後，金剛於2019年4月被爆與身材火辣嘅梁云菲熱戀，二人愛得甜蜜，仲表示希望2年內結婚。可惜二人2020年4月突然對外宣佈分手，戀情僅維持1年！

Photo from 金剛IG

2020年8月開始與小嫻熱戀！

2020年8月，金剛隨即公開與比佢大1年嘅小嫻交往，據悉女方於墾丁打工換宿，而咁啱金剛亦於當地渡假，二人因此擦出愛火！上年佢哋就一齊定居於屏東，並開始經營雞翼生意，於墾丁街頭擺攤賣雞翼，以及網上送貨服務等；但就一度被網民質疑售價太高「一隻雞翼要40元台幣（約港幣$10）」，隨後金剛仲因為發現腫瘤而緊急動手術，但二人都互相扶持，共渡難關～

Photo from 金剛IG

金剛小嫻宣佈分手，結束將近2年感情！

直到昨日（11日），金剛同小嫻一齊開直播正式宣佈分手消息，仲話其實分手已經一個多月時間，已經分開居住「一個住台北、一個繼續留在屏東」，令唔少網民感到可惜。據悉，昨日亦係二人分手後首度見面，二人都忍唔住哽咽，而金剛仲激動落淚！

Photo from 小嫻FB

坦承分手原因！

二人強調係和平分手，未來亦將會以朋友身份互相支持大家。期間，小嫻有透露分手真正原因「個性差異大，嘗試磨合但沒效」，亦因此導致佢哋嘅衝突非常多！而直播嘅時候就似乎無意中暴露咗佢哋「性格不合」嘅證據：影片最後金剛想與小嫻擁抱，但就遭女方直接拒絕「不用！擁抱好像在做秀，不喜歡這種感覺。」

Photo from 金剛IG

Photo from 小嫻FB

3月時女方曾表示受不了金剛睡眠習慣？！

有網民仲發現小嫻早於今年3月就抱怨男方嘅瞓覺習慣，「再也受不了，翻來翻去睡不著，每次都比阿北（金剛）慢睡著，必須聽他的打呼聲，天知道他打呼若打雷」；而小嫻生日嘅時候，金剛亦提及「謝謝妳對我的記憶力不好的包容，也謝謝妳在我生日的時候說要改自己的脾氣」，睇嚟佢哋一直都努力嘗試為彼此做出改變，可惜最終都未能開花結果！祝福二人未來能夠搵到情投意合嘅另一半啦～